Isaia 43:14 - ÎVUKU RÎA ÛVORO MWARO

¹⁴ Ngai-Mûnene Mûkûri wenyu Ûrîa Mûtheru wa Isiraeli arauga atîrî, “Nîngûtûma athigari a mbaara kûu Babuloni nîûndû wenyu, na nîngaaunanga ivingo cionthe cia îtûûra rîu, na gîkeno Kîam Akalidei nîgîgaatuîka macakaya.

Isaia 43:14 ပူးပေါင်းရင်းမြစ်များ

Ayubu 19:25

Nie nîmbîcî mûngûûri arî mwoyo, na mûthiiarî nîakaanjirîrîra na kîvooto.

Thaburi 19:14

Ciugo ciakwa na meciria makwa maroîtîkîrîka nîwe, we Ngai-Mûnene, mûgitîri wakwa na mûvonokia wakwa!

Isaia 23:13

Akalidei nîo maarekererie nyamû cia kîthaka itharîkîre îtûûra rîa Turo nwatî tî Asîria. Akalidei maatumire nyomba ndaca na îgûrû ithiûrûrûkîrîtie îtûûra rîu, makîomomora nyomba cia kuo na magîtiga îtûûra rîu rîrî îganjo.

Isaia 41:14

Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 44:24

“Nînie Ngai-Mûnene ûrîa wagûkûûrire; nînie nakûmbire ûrî nda ya nyûkwe. Nînie Ngai-Mûnene mûmbi wa indo cionthe. Nînie natambûrûkirie îgûrû na ngîûmba nthî na vinya wakwa, gûtirî mûndû wandethirie.

Isaia 44:6

Ngai-Mûnene mwene vinya wonthe Mûthamaki na Mûkûri wa Isiraeli arauga atîrî, “Nie nînie wa mbere na nînie wa mûthiia; gûtirî ngai îngî tiga nie.

Isaia 47:4

Rîîtwa rîa mûkûri wetû nî Ngai-Mûnene mwene vinya wonthe, Ûrîa Mûtheru wa Isiraeli.

Isaia 48:17

Ngai-Mûnene Ûrîa Mûtheru wa Isiraeli mûvonokia waku, arauga atîrî, “Nie nînie Ngai-Mûnene, Ngai waku, nînie ngûrutaga maûndû ma gûkûguna, nînie ngûtongoragia njîra îrîa wagîrîrwe nî kûthiîrîra.

Jeremia 51:13

Mue arîa mûtûûraga vûrûri ûrî nyûnjî nyîngî, vûrûri ûrî ûtonga mwîngî, îvinda rîenyu nîrîkinyu, ûtûûro wenyu nîmûkinyu mûthiia.

Jeremia 51:24

Ngai-Mûnene arauga atîrî, “Nîngaverithia Babuloni na andû a kuo mue ene mûkîonaga, nîûndû wa maûndû macûku marîa mekire îtûûrarî rîa Jerusalemu.

Ezek 39:7

Nîngamenyithia andû akwa a Isiraeli rîîtwa rîakwa rîtheru na ndigetîkîra rîîtwa rîu rîakwa rîtheru rîcambua rîngî. Nacio ndûrîrî nîikaamenya atî, nie nînie Ngai-Mûnene, ûrîa Mûtheru wa Isiraeli.”

Mika 4:10

Mue andû a Jerusalemu, rîrani na mûthînîke nî ûrûrû ta wa mûndûmûka agîciara, nîûndû nîmûkuuma îtûûrarî rîîrî mûthiî mûgatûûre werûrî, nîmûkûthiî Babuloni. Nwatî mûrî kûu Ngai-Mûnene nîakaamûvonokia, na amûkûûre kuuma kûrî nthû cienyu.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.