Isaia 42:6 - ÎVUKU RÎA ÛVORO MWARO

⁶ Nînie Ngai-Mûnene ngwîtîte wîke maûndû na kîvooto, nîngûnyitîte njara na ngakûgitîra. Na njîra yaku nîndûthîte kîrîkanîro na andû onthe, we ûgaatuîka ûtheri wa mavûrûri.

Isaia 42:6 ပူးပေါင်းရင်းမြစ်များ

Isaia 26:3

We Ngai-Mûnene, arîa magwîtîkîtie, nîûmaigaga marî na thayû mûkinyanîru, nîûndû nwawe mevokete.

Isaia 27:3

“Nie Ngai-Mûnene, nînie nîûmenyagîrîra, na ngawîtîrîria manjî vîndî cionthe. Nîûrangagîra ûtukû na mûthenya, nîguo ndûgacûkangue nî mûndû wa wonthe.

Isaia 32:1

Nîgûkaagîa na mûthamaki ûkaathanaga na ûthingu, na anene mathanage na kîvooto.

Isaia 41:13

Nîûndû nie Ngai-Mûnene Ngai waku, nîngûnyitaga njara yaku ya ûrîo, na ngakwîra atî: ‘Tiga gwîtigîra, nîngûgûtethia.’ ”

Isaia 41:2

“Nû watûmire mûndû kuuma mwena wa îrathîro, na agîtûma athiî akîvootanaga kûndû kuonthe? Nînie ndûmaga avoote mavûrûri, na ngatûma athage athamaki, ndûmaga mavaraganue na rûviû rwake takwa marî rûkûngû, nîmanyaganagia na mîguî yakwa ta ûrîa macaki manyaganagua nî rûkûngi.

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 45:1

Ngai-Mûnene arera Cairasi atîrî, “We wî mûthamaki ûrîa nthuurîte! Nîngwîkîrîte vinya nîguo ûvoote mavûrûri marîa marî mbere yaku; na kûvûrûra athamaki mavinya mao; nie nîngûkûvingûrîra ivingo cia îtûûra, na gûtirî kîvingo gîkaavingwa.

Isaia 45:13

Nînie nathire Cairasi avingie ûrîa nendaga na kîvooto, na nîngaarûngaria njîra ciake cionthe. Nîagaatuma rîngî îtûûra rîakwa Jerusalemu, na arekererie andû akwa arîa marî îthamîriorî. Ageeka ûguo atakûrîvwa kana avakwa kîveo.” Ûguo nîguo Ngai-Mûnene augîte.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 49:8

Ngai-Mûnene arauga atîrî, “Vîndî îrîa mbagîrîru, nînagûcokerie îvoya rîaku, mûthenya wa kûvonokania nînagûtethirie; nîngwigîte na ngarûtha kîrîkanîro na andû a mavûrûri monthe na njîra yaku. Nîngaatûma ûtûûre rîngî vûrûrirî ûrîa watiganîrue ûtarî kîndû, ûtuîke îgai rîenyu.

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

Johana 8:12

Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Ciîko 13:47

Nîûndû ûguo nîguo Mwathani aatwathire twîkage vîndî îrîa ke aaugire atîrî: ‘Nie nînagûtua ûtheri kûrî andû a ndûrîrî, nîguo wonie andû onthe a gûkû nthî ûrîa makûvonoka.’ ”

Ciîko 26:23

atî Mesaya nwanginya akaathînua na atuîke wa mbere kûriûka; ke nîke ûkaanîrîra kûrî Ayahudi na andû a ndûrîrî ûtheri ûrîa ûvonokanagia.”

2Akor 1:20

nîûndû nîke wîthagîrwa arî “Ii” kûrî ciîranîro cionthe cia Ngai. Ûndû ûyû nîguo ûtûmaga tuge na njîra ya Jesû Kristû “Ameni” rîrîa tûgûkumia Ngai na njîra ya Jesû Kristû.

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Ahib 7:2

Nake Iburahimu nîwamûgaîre gîcunjî gîa îkûmi Kîam indo ciake cionthe cia indo irîa aatavîte. (Mbere rîîtwa Melikizedeki, nî kuga, “Mûthamaki wa Ûthingu.” Na nîûndû aarî mûthamaki wa Salemu, Melikizedeki nî kuga, “Mûthamaki wa thayû.”)

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.

Ahib 8:6

Nwatî rîu, wîra wa ûthînjîri-Ngai ûrîa ûvetwe Jesû nî wa vata mûno makîria ya wîra ûrîa waveetwe athînjîri-Ngai acio engî, wata ûrîa kîrîkanîro kîrîa athondekete gatagatî ka Ngai na andû kîrî kînene makîria ya kîrîa gîkûrû, nîûndû gîkî gîcerû kîrîkanîrîtwe na ciîranîro mbaro mûno.

Ahib 9:15

Kwoguo Kristû nîke ûthondekaga kîrîkanîro gîcerû, nîguo arîa onthe metîtwe nî Ngai mamûkîre irathimo cia tene na tene irîa Ngai aameerîre. Ûndû ûyû wîkîkaga nîûndû nîkwîthîrîtwe kûrî na gîkuû gîa gûkûûra andû kuuma meviarî marîa meekire vîndî îrîa maathagwa nî kîrîkanîro Kîam mbere.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.