Isaia 42:21 - ÎVUKU RÎA ÛVORO MWARO

²¹ Nîûndû wa wîvokeku wa Ngai-Mûnene, nîwendire gûtûgîria watho wake na kûûva riiri.

Isaia 42:21 ပူးပေါင်းရင်းမြစ်များ

Thaburi 138:2

Nyînamagîrîria ûthiû mberekerete hekarû yaku ntheru, na ngagûcokeria ngatho, nîûndû wa wîvokeku waku na wendo waku ûtathiraga; nîûndû nîûnenevetie rîîtwa rîaku na kiugo gîaku gûkîra maûndû monthe.

Thaburi 40:8

Nîngenaga ngîka wendi waku, we Ngai wakwa, watho waku ûrî ngororî yakwa.”

Thaburi 71:16

Nîngaanîrîra ciîko ciaku cia vinya, we Mwathani Ngai-Mûnene; nîngaanîrîra atî we wenga tu, nîwe mûthingu.

Thaburi 71:19

Ûthingu waku we Ngai, ûkinyîte matuurî, we nîwîkîte maûndû manene. We Ngai, nû wîkariî tawe?

Isaia 42:4

Ndagaakua ngoro kana athirwe nî vinya, nginya rîrîa agaatûma kîvooto kîîvande gûkû nthî, andû arîa matûûraga icîgîrîrarî na ndeere cia îria metagîrîra watho wake.”

Isaia 51:4

“Andû akwa, tanthikîrîriani, ta ndegerani matû mue rûrîrî rwakwa; nîûndû nie nînie ngaamûretere watho na kîvooto, nacio nîigaatuîka ûtheri kûrî andû.

Mathaayo 17:5

Na vîndî wa îo Petero wa akîaragia, îtu rîarî na ûtheri mwîngî nîrîaûkire rîkîmakunîkîra. Naguo mûgambo nîwaumire îtuurî rîu na ûkiuga atîrî, “Ûyû nîke Mûrû wakwa ûrîa mendete, na nie nîrîmûkenie mûno nîke, mûthikîrîrieni!”

Mathaayo 3:15

Nwatî Jesû nîwamûcokerie atîrî, “Tiga gûtuîke guo rîu, nîûndû nîkwagîrîrîte tue tûvingie wendi wa Ngai.” Kwoguo Johana nîwetîkîre kûvatithia Jesû.

Mathaayo 3:17

Naguo mûgambo nîwaumire îgûrû ûkiugaga atîrî, “Ûyû nîke Mûriû wakwa ûrîa mendete, na nîrîmûkenie mûno nîke.”

Johana 15:10

Mwathîkîra maathani makwa mûgekaraga mûrî wendorî wakwa, wata ûrîa mbathîkîrîte maathani ma Vava na ngekara nîrî wendorî wake.

Johana 8:29

Nake ûrîa wandûmire arî vamwe nanie. Ke tîmûndigu nîrî nienga nîûndû vîndî cionthe mbîkaga maûndû marîa mamûkenagia.”

Aroma 10:4

Nîûndû Kristû nîwathiririe watho nîguo mûndû wa wonthe ûmwîtîkîtie etîkîrîke nî Ngai.

Aroma 3:31

Ûguo nî kuga atî tûte ûvoro wa Watho nîûndû wa gwîtîkia? Naarî. Vandû va ûguo nîkwa tûnyitagia Watho.

Aroma 7:12

Kwoguo, watho guo mwene nî mûtheru na rîathani nî rîtheru, rîrî kîvooto na nî rîaro.

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

Agal 3:21

Ûndû ûyû ûrenda gûtwonia atî watho nîûreganîte na ciîranîro cia Ngai? Naarî. Nîûndû ethîrwa andû nîmaagîre na watho wa gûtûma magîe na mwoyo, andû onthe nîmangîatuirwe athingu nî Ngai nîûndû wa kûwathîkîra.

Gûco 4:6

Mathîkagîreni na kinyi na mûmavingagie. Ûndû ûyû nîguo ûgaatûmaga mwonwe nî andû a mavûrûri marîa mengî mûrî aûgî na mûrî na ûmenyo mwîngî. Andû megua mawatho mau monthe makaaugaga, ‘Nama andû aya a vûrûri ûyû marî na ûûgî na ûmenyo mwîngî mûno!’

Gûco 4:8

Na nî vûrûri ûrîkû wana ethîrwa ûrî mûnene atîa ûrî na mawatho maro na matuîro ma ciira ta kîrîra gîkî kîonthe nîmûthomithîtie ûmûnthî?

Afil 3:9

tûtuîke kîndû kîmwe nake viû. Rîu ndiîthagîrwa nîrî na ûthingu wakwa nie mwene ûrîa umanaga na watho. Nîrî na ûthingu wa Ngai, ûrîa ûvecanagwa nîûndû wa gwîtîkia Jesû Kristû. Ûthingu ûcio uumaga kûrî Ngai na njîra ya wîtîkio.

Ahib 8:10

Mwathani arauga atîrî, “Gîkî nîkîo kîrîkanîro kîrîa ngaathondeka na andû a Isiraeli mîthenya îrîa îgaaûka, vîndî îo nîngekîra mawatho makwa meciriarî mao, na nîmandîke ngororî ciao. Nîngaatuîka Ngai wao, nao nîmagaatuîka andû akwa.