Isaia 42:20 - ÎVUKU RÎA ÛVORO MWARO

²⁰ Mue nîmwonete maûndû meengî, nwatî mûtitaûkagîrwa nî ûndû. Matû menyu nî mavingûre, nwatî mûtiîgucaga.”

Isaia 42:20 ပူးပေါင်းရင်းမြစ်များ

Thaburi 107:43

Andû arîa aûgî nîmecirie ûvoro wa maûndû mama, na maririkane wendo ûtathiraga wa Ngai-Mûnene.

Isaia 1:3

Ng'ombe nîimenyaga mwene cio, na mvunda nîimenyaga rwaga rwa mwathi wa cio; nwatî Aisiraeli matiîcî, andû akwa matitaûkagîrwa.”

Isaia 58:2

Mangoocaga mîthenya yonthe, na nîmendaga kûmenya njîra ciakwa, takwa marî rûrîrî rûtwîre rwîkaga maûndû ma ûthingu, na rûtarî rwatiganîria maathani ma Ngai wao. Mendaga nîmatuîre ciira na kîvooto, na makendaga gûkuvîvîria Ngai.”

Isaia 6:9

Kwoguo nîwambîrire atîrî, “Thiî ûvirîre andû aya ndûmîrîri îno: ‘Mûkathikagîrîria, nwatî mûtigaataûkîrwa. Mûkaroragia, nwatî mûtikaamenya.’ ”

Jeremia 6:10

Nîngîaria na û nîguo nîmakaanie mambîgue? Taroria nîmavingîte matû mao nîguo matikegue, kiugo Kîam Ngai-Mûnene kûrî o nî kîndû gîa kûnyararwa, matikenagua nî kîo.

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Ezek 33:32

Kûrî o wîkariî ta mûndû ûrî na mûgambo mwaro wa kwina nyîmbo cia gûkenia andû na akîvûraga kînanda waro mûno, nîûndû andû nîmegucaga ûrîa ûkuga, nwatî matiîkaga ûrîa wamera.

Ndari 14:22

gûtirî wanarî ûmwe wa andû aya ûgaatonya vûrûri ûcio wa kîîranîro. O nîmonete riiri wakwa na ciama irîa naaringire marî Misiri na marî gûkû werûrî, nwatî nîmaregete kûmbathîkîra na makangeria maita îkûmi.

Mathaayo 13:13

Kîu nîkîo gîtûmaga nîmarîrie na ngerekano nîûndû maroragia na mationaga, nîmathikagîrîria nwatî matiîgucaga wana matitaûkagîrwa.

Aroma 2:21

We nîûthomithagia arîa engî, nwatî nîwîthomithagia we mwene? We wîraga andû, “Mûtikaîe,” nwatî we mwene nîwîaga?

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.