Isaia 42:17 - ÎVUKU RÎA ÛVORO MWARO

¹⁷ Arîa onthe mevokete mîvuanano, arîa metaga mîvuanano ya kumua ngai ciao, nîmagaacokithua na maconorithue.”

Isaia 42:17 ပူးပေါင်းရင်းမြစ်များ

Thaburi 135:18

Arîa onthe mairûthaga na maciîtîkîtie, magaatuîka ta cio!

Thaburi 97:7

Andû onthe arîa magoocaga mîvuanano nî maconorithagua, arîa metîîaga na ngai cia maveeni; ngai cionthe ciînamagîrîria nthî ikagooca Ngai-Mûnene.

Ntha 32:4

Aroni nîwocire mindo icio kuuma kûrî o, akîirarûra na mwaki na akîrûtha mûvuanano wa ndegwa ya thaavu nacio. Nao nîmaaugire atîrî, “Andû a Isiraeli îno nîyo ngai yenyu îrîa yamûrutire vûrûri wa Misiri!”

Ntha 32:8

Nîmagarûrûkîte na magatiga njîra îrîa namaathire marûmagîrîre. Nîmeerûthîrîte o ene mûvuanano wa njaû ya ndegwa ya thaavu ya kûrarûrwa na nîmaramîgooca makîmîrutagîra îgongoona, makiugaga atî îo nî ngai îrîa yamarutire vûrûri wa Misiri.

Isaia 1:29

Nîmûkeguîra nthoni mîvuru îrîa mwakenagîra; na nîmûgaaconoka nîûndû wa mîgûnda îrîa mwethuurîre.

Isaia 44:11

Nama, arîa onthe magoocaga ngai icio nîmagaaconorithua, wana arîa marutaga wîra ûcio nwa andû tu. Tiga magomane vamwe onthe na meyumîrie, nîmagetigîra na maconoke.

Isaia 44:17

Nîacaga ngai yake ya mûvuanano na gîcunjî kîu kîngî Kîam mûtî ûcio, na agaûturîria maru akaûgooca. Aûvoyaga akiugaga atîrî, “Mvonokia, nîûndû we nîwe ngai yakwa!”

Isaia 44:9

Andû onthe arîa marûthaga mîvuanano nî a mana, na maûndû marîa mamakenagia matirî kîguni. Arîa maigoocaga mationaga na matiîcî atî nîmagaaconorithua.

Isaia 65:13

Kwoguo, nie Mwathani Ngai-Mûnene nauga atî: Ndungata ciakwa ikethagîrwa na gîa kûrîa, nwatî mue mûkethagîrwa mûrî na yûra; ndungata ciakwa ikethagîrwa irî na gîa kûnyua, nwatî mue mûkethagîrwa mûrî na nyonda; ndungata ciakwa igeekaraga irî na gîkeno, nwatî mue mûgeekaraga mûrî na gîconoko.

Jeremia 46:5

“Nwatî nîndûî nîrona? Nîmacokete na vuva. Njamba ciao cia mbaara nî mvoote, na makaûra na îvenya, wana matiraroria na vuva. Guoya wîcûrîte kûndû kuonthe. Ûguo nîguo Ngai-Mûnene arauga.