Isaia 42:11 - ÎVUKU RÎA ÛVORO MWARO

¹¹ Werû na matûûra marîa marî kuo nîmaugîrîrie, andû a icagi cia Kedari nîmamûkumie! Andû arîa matûûraga Sela nîmaine makenete, nîmaugîrîrie marî îgûrû rîa irîma!

Isaia 42:11 ပူးပေါင်းရင်းမြစ်များ

Kîam 25:23

Nake Ngai-Mûnene nîwamwîrire atîrî, “Ndaarî yaku kûrî na ndûrîrî igîrî, we nîûgaaciara andû a mîvîrîga îîrî. Nao nî magaatûûra marûaga, ûmwe nîûgakîria ûrîa wîngî vinya. Ûrîa mûkûrû nîagaatungatîra ûrîa mûnini.”

Thaburi 120:5

Kaî nîrî na thîna-î atî ndûûraga ta mûgeni vûrûrirî wa Mesheki, ta mûgeni magemarî ma Kedari.

Isaia 12:5

Inani nyîmbo cia gûkumia Ngai-Mûnene nîûndû nîekîte maûndû manene; maûndû mama nîmamenyekanîte nthî yonthe.

Isaia 16:1

Nîavirîru mûtongoria wa vûrûri tûgondu, matûrutîte Sela mavîtûkîrîre werûrî nginya kîrîmarî gîa Zayuni.

Isaia 21:16

Mwathani nîwacokire akîmbîra atîrî, “Varî îvinda rîa mwaka ûmwe, ta ûrîa ûtaragîrwa mûruti wa wîra, riiri wonthe wa Kedari nîûkaathira.

Isaia 32:16

Kîvooto nîgîgaacoka kûonekana werûrî, naguo ûthingu ûtûûrage mûgûndarî ûrîa uumaga maciaro.

Isaia 35:1

Kûndû kûrîa gûtakûraga irio na kûndû kûrîa kûnyaru nîgûgaacanjamûka, werû nîûgaakena na kûmere maûa.

Isaia 35:6

Cionje nîikaarûgarûga ta ngûrûngû, nao andû arîa matarî ûvoti wa kwaria nîmakaaina makenete. Manjî nîmakaatherûka werûrî, natuo tûrûnjî nîtûkaanyûrûrûka werûrî;

Isaia 40:3

Kûrî na mûndû ûranîrîra arî werûrî akiugaga atîrî, “Thondekani varavara ya Ngai-Mûnene! Rûngariani njîra ya Ngai wetû werûrî!

Isaia 43:19

Taroriani, nîngwîka ûndû mûcerû. Naguo nîûrekîka rîu, nîkwa mûtarawona! Nîngûtema njîra werûrî na ndûme kûu werûrî kûgîe na nyûnjî.

Isaia 52:7

Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Isaia 60:7

Ndîthia cionthe cia ng'ondu cia Kedari nîikaaûnganua vamwe iretwe kûrî we, nîûkaaruta ndûrûme cia Nebaiothi magongoona, ciathînjwa na cigîrîrwe metharî yakwa ya kîgongoona nîngaaciamûkîra, na nîngaathakaria hekarû yakwa gûkîra mbere.

Jeremia 21:13

Taroria nie nîrarûa namue mue mûtûûraga Kîamndarî, “Mue mûtûûraga rûnyanjararî rwa îthiga, mue mûragia atî nû ûngînyûrûrûka gûtûtharîkîra, nîûrîkû ûngîtonya kûrîa tûtûûraga?

Jeremia 48:28

“Mue atûûri a Moabu, umani matûûrarî menyu, mûthiî mûgatûûre ngurungarî cia mathiga! Tutiani ndutuura îrîa îtumaga kîomba Kîamyo mûromorî wa nguva.

Jeremia 49:16

Guoya îrîa wîkîrîte andû na mwîtîîo waku nîikûveenetie, we wîkaraga ngurungarî cia mathiga na ûtûûraga kîrîmarî îgûrû! Nwatî wana gwatuîka ûtûûraga îgûrû ta nderi, nîngakûnyûrûrûkia kuuma kûu ûtûûraga. Ûguo nîguo nie Ngai-Mûnene nauga.”

Jeremia 49:31

‘Ngai-Mûnene arauga atîrî, Ûkîrani mûkatharîkîre vûrûri ûrîa wîkaraga na thayû na ûrî mûgitîre! Vûrûri ûtarî mîrango kana mîkîgo, na ûtûûraga ûrî guonga.’

Ezek 27:21

Andû a Arîbia na anene onthe a Kedari nîmaakûretagîra tûgondu, ndûrûme na mbûri nîguo mûgûre na mwendanîrie nao.

Obadia 1:3

Mwîtîîo wa ngoro yaku nîûkûveenetie, îtûûra rîaku ririgîtwe na rûthingo rwa îthiga rîa vinya; mûciî waku ûrî kîrîmarî îgûrû na wîîraga atîrî, ‘Nî ûrîkû ûngîvota kûûgwîthia nthî?’

Nahumu 1:15

Taroria, mûnjaama nîaûkîrîr îte irîmarî arî na ûvoro mwaro. Aûkîte kwanîrîra ûvoro mwaro kûrî andû a Juda. Kûngûagîrani irugo cienyu mue andû a Juda, na mûvecage Ngai kîrîa mwamwîrîre. Nîûndû andû arîa aganu matikamûtharîkîra rîngî, nîûndû nîacûkangie viû.