Isaia 41:8 - ÎVUKU RÎA ÛVORO MWARO

⁸ “Nwatî we, Isiraeli ndungata yakwa, we Jakovu ûrîa nie nthurîte, we rûciaro rwa Iburahimu mûrata wakwa.

Isaia 41:8 ပူးပေါင်းရင်းမြစ်များ

1Maû 16:13

Mue njiarwa cia Iburahimu ndungata yake, avîcî a Jakovu arîa Ngai aathuurire.

2Maû 20:7

Ngai wetû, vîndî îrîa andû a Isiraeli maatonyire vûrûrirî ûyû, kinthî ndwengatire andû arîa maatûûraga kuo na ûkîûva njiarwa cia Iburahimu, mûrata waku nîguo ûtuîke wao tene na tene?

Thaburi 105:6

Mue njiarwa cia Iburahimu ndungata yake, mue njiarwa cia Jakovu, andû arîa athuurîte!

Thaburi 135:4

Ngai-Mûnene nîathuurîte Jakovu atuîke wake, nîathuurîte andû a Isiraeli matuîke ake kîûmbe.

Thaburi 136:21

na akîvecana vûrûri wao kûrî andû ake; nîûndû wendo wake ûtathiraga ûtûûraga tene na tene;

Thaburi 136:22

ûtuîke îgai rîa Isiraeli, ndungata ciake; nîûndû wendo wake ûtathiraga ûtûûraga tene na tene.

Thaburi 33:12

Kûrathimwa nî vûrûri ûrîa Ngai wa guo arî Ngai-Mûnene wao, kûrathimwa nî andû arîa athuurîte nîguo matuîke ake kîûmbe!

Isaia 14:1

Ngai-Mûnene nîakeguîra andû a Jakovu ntha na athuure andû a Isiraeli rîngî matuîke ake kîûmbe. Nîakaamacokia vûrûrirî wao o ene, na ageni nîmagaaûka na matûûranie nao.

Isaia 29:22

Kwoguo Ngai-Mûnene ûrîa wakûûrire Iburahimu arauga ûvoro wîgiî nyomba ya Jakovu atîrî, “Jakovu ndagaaconorithua rîngî, na ûthiû wake ndûgaatuka rîngî.

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 42:19

Nû mûtumumu tiga ndungata yakwa, kana gîtaigua ta mûnjaama ûrîa ndûmaga? Nû mûtumumu ta mûndû ûrîa nîyamûrîrîte, kana ta mûtumumu ndungata ya Ngai-Mûnene?

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 43:10

Ngai-Mûnene arauga atîrî, “Mue Aisiraeli mûrî aira akwa; namûthuurire mûtuîke ndungata ciakwa, nîguo mûûmenye na mûmbîtîkie, gûtirî ngai îngî tiga Nie. Na mûmenye atî nie nînie Ngai, gûtirî ngai îngî yarî kuo mbere yakwa na gûtikaagîa.

Isaia 43:5

Mûtigetigîre nîûndû nîrî vamwe namue! Nîngaamûretere njiarwa cienyu kuuma mwena wa îrathîro, na nîmacokanîrîrie kuuma mwena wa îthûîro.

Isaia 44:21

Ngai-Mûnene arauga atîrî, “We Jakovu, taririkana, we Isiraeli taririkana atî we wî ndungata yakwa. Nie nînie nakûmbire nîguo ûndungatagîre, we Isiraeli nie ndikaariganîrwa nîwe.

Isaia 45:4

Nîûndû wa ndungata yakwa Jakovu, na Isiraeli mûndû ûrîa nthurîte. Ngwîtîte na rîîtwa rîaku, ngûvete rîîtwa rîrî na îgweta wana ethîrwa ndûmbîcî.

Isaia 48:12

Ngai-Mûnene arauga atîrî, “Tanthikîrîria we Jakovu, tanthikîrîria we Isiraeli ngîgwîta! Nie nînie Ngai-Mûnene, nînie wa mbere na nînie wa mûthiia!

Isaia 49:3

Nîwacokire akîmbîra atîrî, “We Isiraeli wî ndungata yakwa; na nîwe ûkoonanagia riiri wakwa.”

Isaia 51:2

Taîcirieni ûvoro wa Iburahimu, îthe wenyu wa tene, na ûvoro wa Sara ûrîa wamûciarire. Iburahimu aarî wenga rîrîa namwîtire, nwatî nînamûrathimire na ngîmûva ciana nyîngî.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Jeremia 33:24

“Nîkwa ûtarî mwîgu ûrîa andû marauga, atî Ngai-Mûnene nîmûreganu na nyomba igîrî irîa aathuurire, na nîcio Isiraeli na Juda. Andû acio nîmanyararîte andû akwa na matimonaga ta vûrûri.

Alawi 25:42

Andû a Isiraeli nî ngombo ciakwa, na nînie naamarutire vûrûri wa Misiri. Matiagîrîrwe nî kwendua marî ngombo.

Malaki 1:2

Ngai-Mûnene arauga atîrî, “Nie nînîmwendete mûno.” Nwatî andû a Isiraeli maûragia atîrî, “Ûtwendete atîa.” Nake Ngai-Mûnene akauga atîrî, “Na kinthî Esaû ndaarî mûrwang'ina na Jakovu? Nwatî nie nendire Jakovu,

Mathaayo 3:9

Mûtigecirie atî mûtikaaverithua mûkîîraga atî Iburahimu nî îthe wenyu wa tene. Nîramwîra ûguo nîûndû Ngai nwa atûme rûciaro rwa Iburahimu rûciarwe kuuma mathigarî mama.

Agal 3:19

Watho warî wakî? Watho wongerererwe kûrî kîrîkanîro nîguo wonanie maûndû marîa macûku nginya rîrîa rûciaro rwa Iburahimu rûgaûka, rûrîa rwerîrîtwe kîîranîro kîu. Watho wanenganîrwe kûvîtûkîrîra kûrî Araika na kûrî mûndû ûrîa wegwithanagia andû na Ngai.

Gûco 10:15

Nwatî wendo wa Ngai-Mûnene Ngai wenyu kûrî methe menyu warî mûnene mûno. Kwoguo nîwamûthuurire, mue njiarwa ciao îthenya rîa andû a ndûrîrî irîa ciîngî na mûrî ake nginya ûmûnthî.

Gûco 14:2

Mue mûrî andû atheru a Ngai-Mûnene Ngai wenyu, na amwamûrîte gatagatîrî ka mavûrûri marîa mengî monthe ma nthî nîguo mûtuîke andû ake kîûmbe.

Jakuvu 2:23

Namo mandîko matheru nîmaavingirue marîa maugîte atîrî, “Iburahimu nîwetîkirie Ngai, na nîûndû wa wîtîkio wake, Ngai nîwamûtwire mûthingu.” Kwoguo Iburahimu nîwetirwe mûrata wa Ngai.