Isaia 41:5 - ÎVUKU RÎA ÛVORO MWARO

⁵ “Arîa matûûraga rûtere rwa îria nîmoonire ûndû ûcio na magîîtigîra, andû a nthî yonthe nîmarainaina nî guoya, onthe macemanirie vamwe makînaûka.

Isaia 41:5 ပူးပေါင်းရင်းမြစ်များ

Kîam 10:5

Anake acio a Javani nîo methe ma andû arîa maatûûraga ndeererî cia îria na icîgîrîrarî. Icio nîcio njiarwa cia Jafethi irîa itûûraga wa andû vûrûrirî wao kûringana na mûvîrîga wao wana mwarîrie wao.

Thaburi 65:8

Nthî yonthe nîmamakîtue nî maûndû marîa wîkîte. Nîûtûmaga kûgîe na gîkeno kûndû kuonthe, kuuma mûthiia ûmwe wa nthî nginya ûrîa wîngî.

Thaburi 65:9

Nîûmenyagîrîra nthî na ûkamiurithîria mbura; nîûnorithagia mûthetu, we Ngai, rûnjî rwaku rwîcûrîte manjî, na nîûvecaga vûrûri irio, nîûndû ûguo nîguo ûvangîrîte vûrûri.

Thaburi 66:3

Îrani Ngai atîrî, “Kaî maûndû marîa wîkaga nî ma magegania-î! Nthû ciaku nîikwînamagîrîra nî gûgwîtigîra irî mbere yaku.

Thaburi 67:7

Ngai nîatûrathimîte; andû onthe a nthî nîmamûgooce.

Ntha 15:14

Ndûrîrî nîciîguîte, nacio nîcinainaga irî na guoya; Afilisiti nîmagwatîtwe nî kîmako kînene.

Isaia 41:1

Ngai arauga atîrî, “Takirani mûnthikîrîrie mue mûtûûraga rûtere rwa îria! Mue andû a ndûrîrî gîani na vinya mûcerû; îyumîrieni na mwarie maûndû menyu, tigani tûgomane nîguo tûtue ciira tûrî vamwe.

Isaia 41:6

Wa mûndû aûmagîrîria ûrîa wîngî, akîmwîraga atîrî, ‘Îyûmîrîrie!’

Ezek 26:18

Rîu mavûrûri marîa marî rûtere rwa îria nîmaratetema, maratetema nîûndû wa kûgwa gwaku. Andû arîa matûûraga icîgîrîrarî cia îria, nîmamakîtue nî kûthira gwaku.”

Josh 2:10

Nîtwîguîte ûrîa Ngai-Mûnene aatûmire manjî ma îria Îtune mavûa mbere yenyu rîrîa mwaumaga Misiri. Wana nîtwîguîte ûrîa mwaûragire athamaki a Amori, Sihoni na Ogu arîa maarî mwena wa îrathîro wa Jorodani.

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.