Isaia 41:28 - ÎVUKU RÎA ÛVORO MWARO

²⁸ Nwatî naroria, ndirona mûndû, gatagatîrî ka mîvuanano îno, gûtirî mûtaarani, ûngîvota gûcokia kîûria vîndî îrîa naûria.

Isaia 41:28 ပူးပေါင်းရင်းမြစ်များ

Isaia 46:7

Maûkagîrîria mûvuanano ûcio makawigîrîra iturorî ciao, magaûkuua; mawigagîrîra vandû va guo, naguo ûkarûngama vo, mûvuanano ûcio ndûngîvota kuuma vandû vau va guo. Mûndû angîûkaîra ndûngîvota gûcokia ûndû, kana ûmûvonokia kuuma mathînarî marîa arî namo.

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Isaia 59:16

Ke nîwonire atî gûtiarî na mûndû ûngîtethia arîa akinyîrîrie. Kwoguo ke nîatûmîra vinya wake amavonokie na amave ûvootani.

Isaia 63:5

Nînaroririe, nwatî ndiona mûndû wanarî ûmwe ûngîndethia; nînamakire, nwatî gîtiarî na wa kûnyûmîrîria. Kwoguo nînavootanire na vinya wakwa namo marakara makwa makîmbîkîra vinya.

Isaia 65:12

mûthiiarî ngaatûma mûragwe na rûviû. Ngaamûragithia muonthe, nîûndû rîrîa netanire mûtiambîtîka, rîrîa naririe mûtianthikîrîria. Nwatî mwekire maûndû macûku na mûkîthuura maûndû marîa mataangenagia.

Danieli 5:8

Nao arûme onthe arîa maataraga mûthamaki nîmaatonyire, nwatî matiavota kûthoma rûthingo kana gûtaûra mandîko mau maarî rûthingorî.