Isaia 41:18 - ÎVUKU RÎA ÛVORO MWARO

¹⁸ Nîngaatûma nyûnjî itherûke kuuma irîmarî irîa itarî kîndû, na ithima cia manjî itherûke kûu Kîamndarî, nîngaatûma kûu werûrî kûgîe maria ma manjî, nakuo nthî nyûmû ndûme kûgîe na ithima cia manjî.

Isaia 41:18 ပူးပေါင်းရင်းမြစ်များ

Thaburi 104:10

Nîûtûmaga manjî matherûke ciandarî, na nyûnjî ikanyûrûrûka gatagatî ka irîma.

Thaburi 105:41

Nîwatûrire îthiga na manjî makiuma kuo, maanyûrûrûkire werûrî ta rûnjî.

Thaburi 107:35

Nîagarûraga werû ûgatuîka maria ma manjî, na nthî nyûmû îkatherûka manjî.

Thaburi 126:4

We Ngai-Mûnene, tûcokerie riiri ûrîa twarî naguo tene, ta manjî macokete nyûnjîrî nyûmagaru.

Thaburi 46:4

Kûrî na rûnjî rûretage gîkeno îtûûrarî rîa Ngai, hekarûrî ya Ngai ûrîa ûrî Îgûrû Mûno.

Isaia 12:3

Nîûgaatava manjî ûkenete, kuuma ithimarî cia ûvonokio.”

Isaia 30:25

Mûthenya ûcio wakinya, rîrîa nthû cienyu ikaaûragwa na nthingo ciao ndaca ciomomorwe, tûrûnjî nîtûkaanyûrûrûka kuuma irîmarî cionthe na tûrîmarî tuonthe.

Isaia 32:2

Wa mûndû agaatuîka ta kûndû gwa kwîthitha rûkûngi, kana ta vandû va kwîthitha rûkûngi rûnene, kana ta tûrûnjî tûrî kûndû kûnyaru, kana ta mwîgunyî wa îthiga înene werûrî.

Isaia 33:21

Nwatî kûu nîkuo Ngai-Mûnene agaatwoneria riiri wake. Nîgûkethîrwa kûrî na nyûnjî nene na tûrûnjî, kûrîa meri cia mbaara itakaavîtûkîrîra, kana meri irîa nene itonya kuo.

Isaia 35:1

Kûndû kûrîa gûtakûraga irio na kûndû kûrîa kûnyaru nîgûgaacanjamûka, werû nîûgaakena na kûmere maûa.

Isaia 44:3

“Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Isaia 48:21

Rîrîa aamatongoririe makîvîtûkîrîra werûrî matianyonda. Nîwatûmire manjî maume îthigarî nîûndû wao, nîwatûranirie îthiga na manjî makiuma mwatûkarî ûcio.

Isaia 58:11

Nie Ngai-Mûnene ngaamûtongoragia vîndî cionthe, na nîmûvingagîrie mavata menyu vîndî ya thîna. Ngaamwigaga mûrî na vinya na ûgima mwaro. Mûkaavana ta mûgûnda wî mwîtîrîrie manjî, ta kîthima Kîam manjî kîrîa gîtavûcaga.

Isaia 65:13

Kwoguo, nie Mwathani Ngai-Mûnene nauga atî: Ndungata ciakwa ikethagîrwa na gîa kûrîa, nwatî mue mûkethagîrwa mûrî na yûra; ndungata ciakwa ikethagîrwa irî na gîa kûnyua, nwatî mue mûkethagîrwa mûrî na nyonda; ndungata ciakwa igeekaraga irî na gîkeno, nwatî mue mûgeekaraga mûrî na gîconoko.

Joeli 3:18

Vîndî îo, irîma nîikaanyûrûrûkia ndivei îrî na mûrîo, na irîmarî kumage îria, gûkethîrwa kûrî na manjî tûrûnjîrî tuonthe twa Juda. Gûkethîrwa kûrî na karûnjî nyombarî ya Ngai-Mûnene, karûnjî kau nîgakaathiîrîra Kîamndarî gîa Shitimu.

Zakaria 14:8

Vîndî îo yakinya, manjî maro nîmakaanyûrûrûka maumîte Jerusalemu. Nuthu îmwe ya manjî mau îkaanyûrûrûkaga îthiîte îriarî rîa mwena wa îrathîro, nayo nuthu îo îngî îkaanyûrûrûkaga îthiîte îriarî rîa mwena wa îthûîro. Manjî mau makaanyûrûrûkaga vîndî cionthe, vîndî ya riûa na vîndî ya mvevo.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”

Atir 15:19

Ngai nîwatûmire nthî îgîe na karima kûu Lehi na manjî makiumîrîra karimarî kau. Samusoni nîwanyuire manjî mau na akîambîrîria kwîgua waro. Kwoguo kathima kau nîgeetirwe Eni-hakore. Kathima kau gatûûraga kûu Lehi nginya ûmûnthî.