Isaia 41:15 - ÎVUKU RÎA ÛVORO MWARO

¹⁵ Nîngaatûma mûtuîke ta mûtî wa kûvûûra ngano, ûrî na magego macerû na maûgî, nîmûkaavûra irîma na mûivaraganie, mûgaakinyanga tûrîma tûtuîke ta rûkûngû.

Isaia 41:15 ပူးပေါင်းရင်းမြစ်များ

Ayubu 41:30

Nda yayo nîtakwa yarîtwe ngîo mbûgî îtambarûraga ta îthiga rîa kûvûrîra mwere.

Thaburi 18:42

Naarûire nacio igîkara ta rûkûngû rûrîa rûgûrûkagua nî rûkûngi, naamakinyangire ta ndaka îrî njîrarî.

Isaia 17:13

Mavûrûri mararuruma ta manjî meengî, nwatî Ngai nîakaamagûkia nao maûre mathiî kûndû kûraca, makaavinyûrua ta ûrîa macaki magûrûkagua nî rûkûngi kîrîmarî îgûrû, kana ta ûrîa rûkûngû rûmbûragwa nî rûkûngi rûnene.

Isaia 21:10

Mue Isiraeli andû akwa, mûrî avûûre na mûkagûrûkua ta ngano. Nîramwîra maûndû marîa mbîguîte, kuuma kûrî Ngai-Mûnene mwene vinya wonthe, Ngai wa Isiraeli.

Isaia 28:27

Mbegû cia manyenyi ta ma rwoga itivûragwa na mûvûro, kana cia karîmî ka nthiia ikinyangwa na gîkaari Kîam ng'ombe. Nwatî mbegû cia manyenyi ta ma rwoga ivûragwa na mûragi, nacio mbegû cia karîmî ka nthiia ikavûûrwa na rûthanju.

Isaia 29:5

Nwatî gîkundi Kîam nthû ciaku gîkethîrwa gîkariî ta rûkûngû rûvinyu, nacio nthû ciaku irîa itarî ntha ikethîrwa ciîkariî ta macaki, makaagûrûkua nî rûkûngi wa rîmwe.

Isaia 42:15

Nîngaacûkangia irîma na tûrîma, na nyûmithie tûmîtî tuonthe twa kuo. Nîngaavûîthia nyûnjî ituîke nthî nyûmû, na mvûîthie manjî marîa marî mariarî.

Isaia 64:1

Naarî kethîrwa wavingûra matu ûnyûrûrûke nthî, irîma ingîkwona ikainaina nî guoya.

Jeremia 51:20

Ngai-Mûnene arauga atîrî, “We Babuloni nîwe nyondo na indo ciakwa cia mbaara, nîwe ndûmagîra kwananga mothamaki.

Jeremia 51:33

Ngai-Mûnene mwene vinya wonthe, Ngai wa Isiraeli arauga atîrî, “Babuloni îrangîtwe îgekara ta îtîri rîa kûvûrîra ngano, vîndî îrîa rîravarîrîrua. Nwatî vuva wa kavinda kanini, îvinda rîake rîa gûkethwa nîrîgakinya.”

Jeremia 9:10

Nie naugire atîrî, “Nîngûrîrîra na njakaîre irîma, na njakaîre kûndû gwa kûrîthua, nîûndû kuonthe nî kûmîte, gûtirî mûndû ûvîtûkagîrîra kuo, na gûtiîgucagwa mûgambo wa ng'ombe. Iconi cia rîerarî na nyamû cia kîthaka nîciûrîte ikathiî.

Ezek 33:28

Ngaatûma vûrûri ûtuîke werû na ûtarî kîndû. Vinya wao ûrîa metîîaga naguo nîûkaathira. Irîma cia Isiraeli ikeethîrwa irî werû mûcûku mûno na gûtirî mûndû ûkaavîtûkîra kuo.

Danieli 2:35

Nayo cuuma, yûmba, gîcango, sîlûva na thaavu nîciaunîkangire tûcunjî, na igîtuîka ta mavûngo ma ngano îtîrirî vîndî ya riûa. Nîciagûrûkîrue nî rûkûngi cionthe, na gûtirî wa naarî gacunjî gaatigarire. Nwatî îthiga rîrîa rîaringire mûvuano ûcio, nîrîatuîkire kîrîma kînene na gîgîcûra nthî yonthe.

Mika 4:13

Ngai-Mûnene augîte atîrî, “Mue andû a Zayuni, thiîni mûkaverithie nthû cienyu! Nîngaatûma mûgîe na vinya ta wa ndegwa, îrî na mvîa cia cuuma na mavûngû ma cuuma ya gîcango. Nîmûkavoota andû a mavûrûri meengî, na nîmûkaanyamûrîra ûtonga wao ûrî îtega, mûndutîre indo ciao, nie Mwathani wa nthî yonthe.”

Mika 5:8

“Andû a Isiraeli arîa magatigara marî mwoyo, marî mavûrûrirî marîa mengî, makeethagîrwa mekariî ta mûnyambû ûrî gatagatî ka nyamû cia kîthaka, kana ta kaana ka mûnyambû karî ndîthiîra ya ng'ondu. Kathiîcaga na gakaûraga na gûtamburûranga kîrîa kaûragîte, na gûtirî mûndû wa kûivonokia.

Habakuku 3:12

Wavîtûkîrîre nthî ûrî na marakara, wakinyangire mavûrûri ûrî na marûrû.

Zakaria 4:7

Gûtirî kîndû gîgaakûrigîrîria wana kîethîrwa kîrî kînene ta kîrîma, nwatî nîgîkaavaraganua. We nîûgatuma hekarû rîngî, na ûkîmîrîkia andû nîmakaugîrîria atîrî, “Nî mbaro! Nî mbaro!”

Josh 17:18

Vûrûri ûrîa ûrî irîma nîûtuîka wenyu. Wana ethîrwa nî mûtitû, mue mûkaaûtheria na ûtuîke wenyu wonthe. Naguo ûvoro wîgiî andû a Kanaani, wana ethîrwa marî na ikaari cia mbarathi cia cuuma na marî na vinya nîmûkaamengata maume kuo.”

Atir 6:16

Nake Ngai-Mûnene nîwamûcokerie atîrî, “Nîûgwîka guo nîûndû ngethîrwa nîrî vamwe nawe. Ûgacûkangia andû a Midiani takwa marî mûndû ûmwe.”