Isaia 41:13 - ÎVUKU RÎA ÛVORO MWARO

¹³ Nîûndû nie Ngai-Mûnene Ngai waku, nîngûnyitaga njara yaku ya ûrîo, na ngakwîra atî: ‘Tiga gwîtigîra, nîngûgûtethia.’ ”

Isaia 41:13 ပူးပေါင်းရင်းမြစ်များ

Thaburi 109:31

nîûndû nîagitagîra andû arîa athîni, na akamavonokia kuuma kûrî arîa mamatucagîra kûragwa.

Thaburi 118:7

Ngai-Mûnene arî vamwe nanie nîguo andethagie, na nîngoona nthû ciakwa ikîvootwa.

Thaburi 63:8

Nîîgwatithanîtie nawe, naguo vinya waku nî ûngitîrîte.

Thaburi 73:23

Kûnarî ûguo, mbîkaraga vakuvî nawe vîndî cionthe, na nîûnyitaga njara yakwa ya ûrîo.

Ntha 14:13

Nake Musa nîwamacokerie atîrî, “Mûtigetigîre, mwîyûmîrîrie na nîmûkwona ûrîa Ngai-Mûnene agwîka nîguo amûvonokie ûmûnthî. Mue mûtigaacoka kwona andû aya a Misiri rîngî.

Ntha 20:20

Nake Musa nîwerire andû a Isiraeli atîrî, “Tigani kwîgua guoya, nîûndû Ngai aûkîte kûmûgeria na atûme mûmwathîkagîre nîguo mûtikevie.”

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 42:6

Nînie Ngai-Mûnene ngwîtîte wîke maûndû na kîvooto, nîngûnyitîte njara na ngakûgitîra. Na njîra yaku nîndûthîte kîrîkanîro na andû onthe, we ûgaatuîka ûtheri wa mavûrûri.

Isaia 43:6

Nîngera mwena wa rûgûrû, ‘Marekererie mathiî,’ naguo mwena wa îveti nîwîre, ‘Ndûkamavingîrîrie.’ Cokiani andû akwa kuuma mavûrûri ma kûraca, na mûrete erîtu akwa kuuma mîthiia ya nthî.

Isaia 45:1

Ngai-Mûnene arera Cairasi atîrî, “We wî mûthamaki ûrîa nthuurîte! Nîngwîkîrîte vinya nîguo ûvoote mavûrûri marîa marî mbere yaku; na kûvûrûra athamaki mavinya mao; nie nîngûkûvingûrîra ivingo cia îtûûra, na gûtirî kîvingo gîkaavingwa.

Isaia 51:18

Gatagatîrî ga ciana cionthe irîa aciarîte, gûtirî wanarî ûmwe wa kûmûtongoria, gatagatîrî ga ciana cionthe irîa arerete, gûtirî wanarî ûmwe wa kûmûnyita njara.

Jeremia 30:10

“Nie Ngai-Mûnene nîramwîra mue ndungata ciakwa andû a Jakovu mûtigetigîre, kana mue andû a Isiraeli mûgwatwa nî guoya; nîûndû nîngamûvonokia kuuma vûrûrirî wa kûraca, na njiarwa ciaku nîirute vûrûri ûrîa ithamîrîtue. Nîmûgaacoka na mûtûûre na thayû, na gûtirî mûndû ûgatûma mûgîa na guoya.

Jeremia 46:27

“Nwatî we Jakovu ndungata yakwa ndûgetigîre, mue andû a Isiraeli mûtikamake; nîûndû nîngakûvonokia nîrî kûraca, nîngavonokia njiarwa ciaku kuuma vûrûri ûrîa maathamîrue. Jakovu nîagaacoka mûciî avurûke na agîe na thayû, na gûtirî mûndû wanarî ûmwe ûkaamwîguithia guoya.

Hagai 2:5

Rîrîa mwaumire Misiri nînamwîrîîre atî ngethagîrwa nîrî namue tene na tene. Kwoguo, nîrî vamwe namue, mûtikamake.

2Tim 4:17

Nwatî Mwathani aarî vamwe nanie na nîwamûvere vinya wa kûvecana ûvoro mwaro kûrî andû onthe a ndûrîrî, kwoguo nînarutirwe magegorî ma simba.