Isaia 40:7 - ÎVUKU RÎA ÛVORO MWARO

⁷ Nyaki nîyûmaga namo maûa makavova, rîrîa rûkûngi rwa Ngai-Mûnene rwavurutana îgûrû rîamo; nama, andû mekariî ta nyaki.

Isaia 40:7 ပူးပေါင်းရင်းမြစ်များ

Ayubu 14:2

Akûraga ta maûa marîa macokaga kûma, avinyûraga na akaûrîra wa rîmwe ta kîruru.

Ayubu 4:9

Andû acio nîmathiragua viû nî mîvevû ya Ngai, amavûraga na marakara make akamathiria viû.

Ayubu 41:21

Mîvevû yayo nîyakanagia mwaki, na kanyuarî ga kîo nîkumaga rûrîrîmbî rwa mwaki

Thaburi 102:4

Nthirîtwe nî vinya ta nyaki îrî nyûmû, nthirîte nginya ngumba ya irio.

Thaburi 103:15

Nwatî, ûtûûro wa mûndû wîkariî ta nyaki, akûraga ta maûa marî mûgûndarî;

Thaburi 103:16

rûkûngi rûcokaga rûkamavuruta makathira, na gûtirî mûndû ûcokaga kûmona rîngî.

Thaburi 90:5

We ûthiragia andû wa rîmwe ta ûrîa kîroto kîthiraga, mûndû ekariî ta nyaki îrîa îmeraga kîraûko,

Thaburi 90:6

îrîa îmeraga kîraûko na îkaneneva, na kîvwaî îvovaga na îkaûma.

Isaia 11:4

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Isaia 37:27

Wa rîrîa andû akuo mathirîtwe nî vinya, nîmaamakire na magîconoka. Matuîkîte ta mîmera îrî mûgûndarî, ta nyaki ya mûgîna, ta nyaki îmerete îgûrû rîa nyomba, îrîa yûmaga yavurutwa nî rûkûngi kuuma mwena wa îrathîro.

Isaia 40:24

Wa rîrîa mavandwa na mambîrîria kûmera, wana matarî aumu mîri ta ûrîa mûtî ûtonyagia mîri mûtheturî, Ngai-Mûnene angîmavuva na mîvevû nîkwa mavovaga, rûkûngi rûnene rûmagûrûkagia ta macaki.

Isaia 51:12

Ngai-Mûnene arauga atîrî, “Nie nînie ngûvoragîria. Wîtigagîra mûndû wa gûkua nîkî, ûgetigîra mûndû wa gûkû nthî ûrîa ûthiraga ta nyaki?

Hagai 1:9

“Mweriragîria maketha meengî, nwatî mwonire manini. Na rîrîa mwamaretire mûciî, nînamagûrûkirie. Nake Ngai-Mûnene mwene vinya wonthe araûria, ‘Nekire ûguo nîkî?’ Nîûndû hekarû yakwa nî nyomomoku, na wa mûndû arethînia na nyomba yake.

Jakuvu 1:10

Nao Akristiano arîa atongu nîmagîrîrwe nî gûkenaga rîrîa Ngai amanyivia, nîûndû itonga nîikaathira wata ûrîa maûa ma kîthaka mathiraga.

Jakuvu 1:11

Riûa nîrîaraga rîrî na ûrugarî mwîngî na rîkavîvia mûmera, maûa maguo magûcaga na ûthaka waguo ûkathira. Na njîra wata îo itonga nîigaakua îrî mawîrarî ma cio.