Isaia 40:30 - ÎVUKU RÎA ÛVORO MWARO

³⁰ Wana andû arîa ethî nîmakaathira vinya na manoge, na andû arîa matarî akûrû nîmakaagwa nî kûnoga.

Isaia 40:30 ပူးပေါင်းရင်းမြစ်များ

Thaburi 33:16

Mûthamaki ndavootanaga nîûndû wa wîngî wa athigari ake a mbaara, mûthigari ndavootanaga nîûndû wa vinya wake.

Thaburi 34:10

Wana mînyambû nîîvûtaga watura gîa kûrîa, nwatî andû arîa mavoyaga Ngai-Mûnene matituraga indo mbaro.

Thaburi 39:5

Nîmbicî atî, ûtûûro wakwa nî mûkuvî mûno! Ûtûûro wakwa tî ta kîndû mbere yaku. Nama, mûndû wa wonthe nî ta mîvevû.

Mûvunjia 9:11

Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.

Isaia 13:18

Nîmakaaûraga andû ethî na mîguî yao, matikeguîra ciana ntha, kana macaîre ciana cia ngenge.

Isaia 9:17

Kwoguo Mwathani ndakenagua nî anake aya, ndarî na ntha na ciana ciao cia ndigwa na aka ao a ndigwa, nîûndû andû onthe matiîcî Ngai, na nîeki naaî na maragia maûndû ma waganu. Nîûndû wa maûndû mau monthe, marakara make tî mathiru, nwatî nwa atambarûkîtie njara yake nîguo îverithanie.

Jeremia 48:15

Mûcûkangia wa Moabu na matûûra make nîwakinya, anake ake arîa aro nîmaûragwa. Nîguo nauga nie mûthamaki ûrîa wîtagwa Ngai-Mûnene mwene vinya wonthe.

Jeremia 6:11

Kwoguo mbîcûrîtwe nî marakara ma Ngai-Mûnene, ndiravota kûmatumîria. Ngai-Mûnene arauga atîrî, “Metûrûrîre ciana irîa irî varavararî, wana kûrî ikundi cia andû ethî. Athuuri na aka ao nîmagoocwa, wana andû arîa akûrû na arîa akûrû mûno.

Jeremia 9:21

Nîûndû gîkuû nîgîtonyererete ndiricarî cietû, nîgîtonyete nyombarî cietû irîa mbaro, nîkîûragîrîte ciana njîrarî cia îtûûra, na gîkathiria andû ethî thokorî.

Amosi 2:14

Andû arîa marî îvenya mûno matikoona gwa kûûrîra, andû arîa marî vinya mwîngî nîmakaathirwa nî vinya, na athigari matikaavota kûvonokia mîoyo yao.

1Sam 30:10

Nwatî Daudi nîwathiîre na mbere kûmarûmîrîria marî na andû magana mana. Andû acio engî nîmaatigirwe nîûndû maarî anogu mûno matingîavotire kûringa karûnjî kau.