Isaia 40:24 - ÎVUKU RÎA ÛVORO MWARO

²⁴ Wa rîrîa mavandwa na mambîrîria kûmera, wana matarî aumu mîri ta ûrîa mûtî ûtonyagia mîri mûtheturî, Ngai-Mûnene angîmavuva na mîvevû nîkwa mavovaga, rûkûngi rûnene rûmagûrûkagia ta macaki.

Isaia 40:24 ပူးပေါင်းရင်းမြစ်များ

2Sam 22:16

Vîndî îo kûndû kûrîa kûrikîru mûno kwa îria nîkwonekire, mîcingi ya nthî ikîguûrua rîrîa Ngai-Mûnene aarumire nthû ciake, na agîikaania arî na marakara.

2Atha 10:11

Kwoguo Jehu nîwaûragire andû acio engî onthe a nyomba ya Ahabu arîa maatûûraga Jezireeli, vamwe na ndungata ciake cionthe, arata ake a vakuvî na athînjîri-Ngai. Gûtirî wanarî ûmwe wao watigarire arî mwoyo.

Ayubu 21:18

Mekariî ta macaki marîa magûrûkagua nî rûkûngi, kana ta makoro marîa magûrûkagua nî rûkûngi rûnene.

Ayubu 4:9

Andû acio nîmathiragua viû nî mîvevû ya Ngai, amavûraga na marakara make akamathiria viû.

Ayubu 8:17

Mîri yake îîrigicanagîria mathigarî, îkenyitîrîra na vinya mathigarî.

Thaburi 58:9

Nîmagaatemangwa matakûmenya ta ria, Ngai nîakaamavuruta arî na marakara mathire, na îvenya makîria ya ûrîa nyûngû îviûvaga îrî riiko.

Thaburi 83:13

We Ngai wakwa, maûmbûre ta rûkûngû, ta ûrîa mavûngo magûrûkagua nî rûkûngi.

Nthi 1:27

rîrîa kîmako gîgaaûka kûrî mue ta rûkûngi rûnene, na mathîna mamwîthîrîrie ta rûkûngi rûnene, rîrîa mûkaanyitwa nî kîeva na ûrûrû.

Isaia 11:4

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Isaia 17:11

Wana mwatûma îkûre mûthenya wa ûcio mwamîvanda, na mûtûme îrae kîraûko wa kîu mwamîvanda, wanarîo gûtikethîrwa na maciaro. Ûcio ûkethîrwa wî mûthenya wa kîeva na ruuo rûtangîthira.

Isaia 17:13

Mavûrûri mararuruma ta manjî meengî, nwatî Ngai nîakaamagûkia nao maûre mathiî kûndû kûraca, makaavinyûrua ta ûrîa macaki magûrûkagua nî rûkûngi kîrîmarî îgûrû, kana ta ûrîa rûkûngû rûmbûragwa nî rûkûngi rûnene.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 37:7

Taroria, nîngûtûma egue ûvoro ûcio na ûtûme acoke vûrûrirî wake, na kûu nîkuo ngaatûma aûragîrwe.’ ”

Isaia 40:7

Nyaki nîyûmaga namo maûa makavova, rîrîa rûkûngi rwa Ngai-Mûnene rwavurutana îgûrû rîamo; nama, andû mekariî ta nyaki.

Isaia 41:16

Mûkaavuva irîma icio naruo rûkûngi rûigûrûkie kûndû kûraca, naruo rûkûngi rûnene rûinyaganie. Namue nîmûgaakena nîûndû wa Ngai-Mûnene, na mûkumie Ûrîa Mûtheru wa Isiraeli.

Isaia 41:2

“Nû watûmire mûndû kuuma mwena wa îrathîro, na agîtûma athiî akîvootanaga kûndû kuonthe? Nînie ndûmaga avoote mavûrûri, na ngatûma athage athamaki, ndûmaga mavaraganue na rûviû rwake takwa marî rûkûngû, nîmanyaganagia na mîguî yakwa ta ûrîa macaki manyaganagua nî rûkûngi.

Jeremia 22:30

Ngai-Mûnene arauga atîrî, “Andîka mûndû ûyû atî ndarî ciana, mûndû ûtakagacîra ûtûûrorî wake, nîûndû gûtirî mûndû wanarî ûmwe wa rûciaro rwake, ûgekarîra gîtî Kîam ûthamaki Kîam Daudi, na athane rîngî vûrûrirî wa Juda.”

Jeremia 23:19

Ta roria, marakara kuuma kûrî Ngai-Mûnene maûkîte ta rûkûngi rûnene rwa kûringa kîongo Kîam andû arîa aganu.

Hosea 13:15

“Wana ethîrwa Efiraimu nîakûthiî na mbere kûvua arî gatagatîrî ka aa mûrwang'ina, nie Ngai-Mûnene nîngatûma rûkûngi kuuma mwena wa îrathîro rûvurutane; rûkûngi rûu rûkauma werûrî, nacio ithima ciakuo nîikaathira manjî, na kûrîa kûtherûkaga manjî kûvwe. Kûrîa kuonthe aigîte mîthithû yake ya goro nîgûkaanyitwa.

Hosea 13:3

Kwoguo nîmakaathira wa rîmwe ta nundu ya kîraûko, kana mathire wa rîmwe ta îme, kana ta mavûngo marîa magûrûkagua nî rûkûngi, kana ta ndogo îrîa yumaga nyomba.

Nahumu 1:14

Ngai-Mûnene aathanîte atîrî ûvoro wîgiî Asîria: “Matikethîrwa na njiarwa cia gûtûma rîîtwa rîao rîtûûre; Nîngacûkangia mîvuanano îo îrî hekarûrî ya ngai ciao. Nie nîngûkwînjîra mbîîrîra, nîûndû mue mûtiagîrîrwe nî gûtûûra mwoyo.”

Hagai 1:9

“Mweriragîria maketha meengî, nwatî mwonire manini. Na rîrîa mwamaretire mûciî, nînamagûrûkirie. Nake Ngai-Mûnene mwene vinya wonthe araûria, ‘Nekire ûguo nîkî?’ Nîûndû hekarû yakwa nî nyomomoku, na wa mûndû arethînia na nyomba yake.

Zakaria 7:14

Nînaamanyaganirie na njîra ta ya rûkûngi rûnene mavûrûrirî mataicî na magîtûûra kuo marî ageni. Vûrûri ûrîa maatigire watuîkire werû, na gûtirî mûndû wathiîcaga kana akauma kuo. Vûrûri ûcio mwaro gûtirî mûndû watûûrire kuo.”

Zakaria 9:14

Ngai-Mûnene nîakeyonithania arî îgûrû rîa andû ake, mîguî yake îthiîcaga ta rûveni; Mwathani Ngai nîakaavuva karumbeta, na athiî arî rûkûngirî rwa mwena wa îveti.