Isaia 40:15 - ÎVUKU RÎA ÛVORO MWARO

¹⁵ Kûrî Ngai-Mûnene mavûrûri nîta îtata rîa manjî rîrî ndoorî, nîta rûkûngû rûrî kîthimirî, kûrî ke, icîgîrîra nîta rûkûngû rûvinyu.

Isaia 40:15 ပူးပေါင်းရင်းမြစ်များ

Kîam 10:5

Anake acio a Javani nîo methe ma andû arîa maatûûraga ndeererî cia îria na icîgîrîrarî. Icio nîcio njiarwa cia Jafethi irîa itûûraga wa andû vûrûrirî wao kûringana na mûvîrîga wao wana mwarîrie wao.

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Thaburi 62:9

Andû onthe mekariî ta mîvevû tu; andû arîa marî îgweta na arîa matarî îgweta matirî vata. Ûngîmathima ûrito na kîthimi, matirî ûrito; onthe marî vamwe nîavûthû gûkîra mîvevû.

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 17:13

Mavûrûri mararuruma ta manjî meengî, nwatî Ngai nîakaamagûkia nao maûre mathiî kûndû kûraca, makaavinyûrua ta ûrîa macaki magûrûkagua nî rûkûngi kîrîmarî îgûrû, kana ta ûrîa rûkûngû rûmbûragwa nî rûkûngi rûnene.

Isaia 2:22

Ndûkevoke mûndû wa gûkû nthî. Ûtûûro wake ûthiraga ta mîvevû. Mûndû nîwa vata ûrîkû?

Isaia 29:5

Nwatî gîkundi Kîam nthû ciaku gîkethîrwa gîkariî ta rûkûngû rûvinyu, nacio nthû ciaku irîa itarî ntha ikethîrwa ciîkariî ta macaki, makaagûrûkua nî rûkûngi wa rîmwe.

Isaia 40:22

Nthî yaûmbirwe nî ûcio wîkaragîra gîtî gîake Kîam ûnene îgûrû maturî, na kûrî ke andû arîa matûûraga nthî nîta mvandi. Ke atambûrûkîtie matu ta gîtambaa, na agakûnjûra gîtambaa kîu ta îgema rîa gûtûûrwa.

Isaia 41:5

“Arîa matûûraga rûtere rwa îria nîmoonire ûndû ûcio na magîîtigîra, andû a nthî yonthe nîmarainaina nî guoya, onthe macemanirie vamwe makînaûka.

Isaia 59:18

Akaaverithia nthû ciake kûringana na ciîko ciao, akaaverithia nthû ciake na marakara, wana irîa irî mavûrûrirî ma kûraca.

Isaia 66:19

na nîngaamonia rûûri rwa vinya wakwa gatagatîrî kao. “Nwatî arîa magaatigara nîngaamatûma mathiî mavûrûrirî ma kûraca; namo nî: Tarishishi, Lîbia, na Lîdia (kûrîa kûrî andû maicîkene na gûtûmîra ûta na mîguî mûno.) Wana nîngaamatûma mathiî mavûrûrirî ma Tubali na Ngiriki, wana mavûrûrirî ma kûraca marîa marî vakuvî na îria, marîa matanegua ngumo ya rîîtwa rîakwa wana kana moona riiri wakwa. Andû acio akwa nîmakaanîrîra ûvoro wa riiri wakwa mavûrûrirî mau monthe.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Danieli 11:18

Vuva wa ûguo, nî akaatharîkîra mavûrûri marîa marî rûtere rwa îria na avoote meengî ma mo. Nwatî mûtongoria mûgeni nî akaamûvoota na amûverithie nîûndû wa ûng'endu wake; nama nîakaaverithia mûthamaki wa Sîria nîûndû wa ûng'endu wake.

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Zefania 2:11

Ngai-Mûnene akethîrwa arî wa kûmakania kûrî o, agaatua ngai cia nthî ta îtarî kîndû. Mavûrûri monthe ma nthî nîmakaamûtîîa, wa vûrûri ûrî vandû va guo.