Isaia 39:8 - ÎVUKU RÎA ÛVORO MWARO

⁸ Nake Hezekia nîwerire Isaia atîrî, “Mîgambo ya Ngai-Mûnene îo wauga nî mîaro.” Mûthamaki aaugire ûguo nîûndû eeciragia atî, nîgûkethîrwa na thayû na ûgitîri vîndî ya ûtûûro wake wonthe.

Isaia 39:8 ပူးပေါင်းရင်းမြစ်များ

2Sam 15:26

Nwatî angîthîrwa tî mûkenu nînie gûtirî ûndû, nîakambîka wa ûrîa akoona kwagîrîrîte.”

2Maû 32:26

Nwatî Hezekia na andû a Jerusalemu nîmaaverire magîtiga gwîtîîa, kwoguo Ngai-Mûnene ndaaverithia andû a Jerusalemu Hezekia arî mwoyo.

2Maû 34:28

Kwoguo, nîngaatûma ûkue na ûthikwe na thayû. Ndûkoona mathîna monthe marîa ngaareta vûrûrirî ûyû na kûrî andû arîa matûûraga kuo.” Nao anjaama acio maatûmîtwe nîmaacokirie ndûmîrîri îo kûrî mûthamaki Josia.

Ayubu 1:21

na akîvoya akiuga atîrî, “Naciarirwe ndarî na kîndû na ngakua ndarî na kîndû. Nî Ngai-Mûnene wavecanire na nîke wacoka gwîcîra, rîîtwa rîake rîrogoocwa!”

Thaburi 39:9

Mbîkariî ta mûndû ûtaicî kwaria, tîmbuga wanarî ûndû, nîûndû we nîwe ûtûmîte nthînîka ûguo.

Maca 3:22

Atî wendo ûtathiraga wa Ngai-Mûnene ûtûraga tene na tene, ntha ciake itithiraga.

Maca 3:39

Mûndû ndagîrîrwe nî gûteta, akîverithua nîûndû wa mevia make.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Zakaria 8:16

Maûndû marîa mwagîrîrwe nîgwîka nî kwaranagîria ûûma mûndû na mûndû ûrîa wîngî, gûtua ciira na kîvooto kîrîa kîngîrete thayû.

Zakaria 8:19

“Kwînyerekia mweri wa kana, mweri wa gatano, mweri wa mûgwanja, wa mweri wa îkûmi igaatuîka irugo cia gîkeno na thayû kûrî andû a Juda. Kwoguo rûmagîrîrani ûvoro wa ma na wa thayû.”

1Pet 5:6

Îînyivagieni mûrî rungu rwa Ngai ûrîa ûmûgitagîra, nîguo akaamûnenevia rîrîa kavinda karîa kagîrîru gagaakinya.

1Sam 3:18

Kwoguo Samueli nîwamwîrire maûndû monthe atakûmûthitha wanarî ûndû. Nake Eli akiuga atîrî, “Ke nîke Ngai-Mûnene, tiga eke ûndû wa wonthe ûrîa ke akwona ûrî mwaro.”