Isaia 39:2 - ÎVUKU RÎA ÛVORO MWARO

² Hezekia nîwamagwatire ûgeni, na akîmonia nyomba îrîa aigaga ûtonga wake: sîlûva, thaavu, indo cia gwîkîra irio mûnungo mwaro, maguta ma goro, indo ciake cionthe cia mbaara na indo cionthe irîa ciarî makûmbîrî make. Gûtirî Kîamrî nyombarî ya Hezekia kana Kîamrî vûrûrirî wake ataamoonia.

Isaia 39:2 ပူးပေါင်းရင်းမြစ်များ

1Atha 10:10

Mûndûmûka ûcio mûthamaki wa Sheba nîwacokire akîva mûthamaki Solomoni iveo irîa aamûvirîrîte: Nîwamûvere makîria ya kilo ngiri inya (4,000) cia thaavu vamwe na mînyamû mîîngî mînungi waro, na mathiga ma goro. Mînyamû îo mînungi waro yarî mîîngî gûkîra îrîa Solomoni aarî anavewa mbererî.

1Atha 10:15

îgûrû rîa irîa ciaviragwa nî andû arîa maagûraga makîendagia indo itarî nyîngî, na andû arîa maagûraga makîendagia indo nyîngî vamwe, wana irîa ciaviragwa nî athamaki onthe a Arabia na kuuma kûrî anene a Isiraeli.

1Atha 10:2

Aathiîre kûrî Solomoni kûu Jerusalemu marî na andû eengî mûno, ngamîîra ikuuîte mînyamû mînungi waro, tûthiga twa goro vamwe na thaavu nyîngî. Rîrîa mûndûmûka ûcio mûthamaki aakinyire kûrî Solomoni, nîwerire Solomoni maûndû monthe marîa aarî namo ngororî yake.

1Atha 10:25

Andû onthe arîa maathiîcaga kûrî ke nîmaamûviragîra iveo. Iveo icio ciarî indo cia sîlûva, thaavu, nguo, indo cia mbaara, mînyamû mînungi waro, maguta kuuma mûtî wa mare, mbarathi na nyûmbû. Gwekîkaga ûguo wa mwaka wa mwaka.

2Atha 20:13

Hezekia nîwanyitire anjaama acio ûgeni na akîmonia ûtonga wake. Ûtonga ûcio warî; sîlûva, thaavu, tûnyamû tûnungi waro, maguta ma goro, nyomba îrîa aigaga indo ciake cionthe cia mbaara na indo cionthe irîa ciarî makûmbîrî make. Gûtirî kîndû wanarî kîmwe Kîamrî nyombarî yake kana ûthamakirî wake ataamoonia.

2Maû 32:25

Nwatî Hezekia nîwaregire gûcokeria Ngai-Mûnene ngatho nîûndû wa maûndû marîa aamwîkîte. Hezekia nîwagîre na mwîtîîo na ûndû ûcio ûgîtûma Juda na Jerusalemu iverithua nî Ngai-Mûnene.

2Maû 32:27

Mûthamaki Hezekia nîwatongire mûno na andû onthe nîmaamûvete gîtîîo. Nîwatumithîtie nyomba nyîngî cia kwiga ûtonga wake wa sîlûva, thaavu, mathiga ma goro, mînyamû mînungi waro, ngo na indo ciîngî cia goro cia mîthemba yonthe.

2Maû 32:31

Rîrîa anjaama a mûnene wa Babuloni maathiîre kûria ûvoro wîgiî maûndû ma magegania marîa moonekete vûrûrirî, Ngai nîwarekire Hezekia eke ûrîa akwenda nîguo amûgerie amenye ûrîa warî ngororî yake.

2Maû 9:1

Rîrîa mûndûmûka ûrîa warî mûthamaki wa Sheba eegwire ngumo ya mûthamaki Solomoni, nîwathiîre Jerusalemu nîguo akagerie Solomoni na ciûria nyûmû. Mûndûmûka ûcio mûthamaki wa Sheba nîwathiîre na ndungata nyîngî na ngamîîra nyîngî ikuuîte mînyamû mînungi waro, thaavu na mathiga ma goro. Rîrîa aakinyire kûrî mûthamaki Solomoni, nîwamwîrire maûndû monthe marîa maarî ngororî yake.

2Maû 9:9

Kwoguo mûndûmûka ûcio mûthamaki wa Sheba nîwanengere mûthamaki Solomoni iveo irîa aamûvirîrîte. Iveo icio ciarî: thaavu ya ûrito wa makîria ma kilo ngiri inya (4,000), mînyamû mînungi waro mîîngî, na mathiga ma goro. Gûtiarî mînyamû mînungi waro ta îo mûndûmûka ûcio mûthamaki wa Sheba aveere mûthamaki Solomoni.

Ayubu 31:25

Ndianakena nîûndû nîrî na ûtonga mwîngî, kana nîtîîa nîûndû nînjarîtie indo nyîngî.

Nthi 4:23

Menyerera ngoro yaku waro mûno, nîûndû ngororî nîkuo kuumaga maûndû marîa matongoragia ûtûûro wa mûndû.

Mûvunjia 7:20

Nama gûtirî mûndû mûthingu gûkû nthî ûrîa wîkaga maûndû maro na ndevagia.

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

2Akor 12:7

Nwatî nîguo ndigetîîe mûno nîûndû wa maûndû mengî ma magegania marîa noonirue, nie nînaverwe mwîgua ûrî na ûrûrû mûno mwîrîrî wakwa. Naguo mwîgua ûcio ûrutaga wîra ta mûnjaama wa Caitani nîguo ûnthînagie na ûngiragie gwîtîîa mûno.

1Joh 1:8

Tûngiuga atî tue tûtirî na mevia nîkwîveenia tûreveenia na tûtirî na ûma ndaarî yetû.