Isaia 38:1 - ÎVUKU RÎA ÛVORO MWARO

¹ Vîndî îo, Hezekia nîwarwarire mûno nginya agîkuvîvîria gûkua. Nake mûrathi Isaia, mûvîcî wa Amosi nîwathiîre kûrî ke na akîmwîra atîrî, “Ngai-Mûnene arauga ûvange maûndû ma nyomba yaku, nîûndû nîûgûkua tîûvona.”

Isaia 38:1 ပူးပေါင်းရင်းမြစ်များ

2Sam 12:22

Daudi nîwacokirie atîrî, “Îî nîguo nînîrenyerekagia na ngarîra rîrîa kararî mwoyo. Nîreciragia Ngai-Mûnene nîakûmbîguîra ntha na avonie kaana kau.

2Sam 17:23

Rîrîa Ahithofeli oonire atî mataaro make matinarûmîrîrwa, nîwatûîre mvunda yake na akînûka îtûûrarî rîake. Vuva wa kûvanga maûndû make, nîwacokire agîîita na njîra ya gwîcuuria. Kimba gîake nîgîacokire gîkîthikwa mbîrîrarî ya andû a mûciî wao.

2Maû 32:24

Kavindarî wa kau mûthamaki Hezekia nîwarwarire na agîtigaria vanini akue. Nîwavoire Ngai-Mûnene, nake Ngai-Mûnene nîwamûcokerie na akîmûva rûûri rwa kûmwonia atî nîakûvona.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Isaia 1:1

Ino nî cioneki irîa Ngai aaguûrîrie Isaia, mûvîcî wa Amozu, ciîgiî Juda na Jerusalemu vîndî îrîa Uzia, Jothamu, Ahazi na Ezekia maarî athamaki a Juda.

Isaia 37:2

Nîwatûmire Eliakimu, mûmenyereri wa nyomba ya mûthamaki; Shebuna, mwandîki; na athînjîri-Ngai arîa akûrû mekîrîte nguo cia macakaya mathiî kûrî mûrathi Isaia, mûvîcî wa Amozu.

Isaia 37:21

Isaia, mûvîcî wa Amozu nîwacokire agîtûma ndûmîrîri kûrî Hezekia akiuga atîrî, “Ngai-Mûnene, Ngai wa Isiraeli arauga atî: Nîûndû nîûmvoete nîûndû wa Senakeribu mûthamaki wa Asîria,

Jona 3:10

Rîrîa Ngai oonire ûrîa meekire na ûrîa maatiganire na ciîko ciao cia waganu, nîwericûkirwe na ndaamaverithia ta ûrîa aaugîte nîagwîka.

Jona 3:4

Rîrîa Jona aakinyire, nîwatoonyire îtûûrarî, na vuva wa kûthiî rûgendo rwa mûthenya mûgima, nîwanîrîre kûrî andû a îtûûra rîu atîrî, “Vuva wa mîthenya mîrongo îna kuuma ûmûnthî, îtûûra rîîrî rîa Nineve nîrîgaacûkangua!”

Ciîko 9:37

Vîndî îrîa Petero aarî kûu Lîda, Tabitha nîwarwarire na agîkua. Naguo mwîrî wake nîwathambirue na ûkigwa nyomba ya îgûrû.