Isaia 37:4 - ÎVUKU RÎA ÛVORO MWARO

⁴ Nwa kwîthîrwa Ngai-Mûnene Ngai waku, nîeguîte ûrîa Rabushake augîte, ûrîa watûmîtwe nî mwathi wake, mûthamaki wa Asîria, nîguo athekerere Ngai ûrîa ûtûûraga mwoyo, nake Ngai-Mûnene, Ngai waku nîakaaregana na maûndû mau eeguire. Kwoguo voera andû arîa matigarîte.’ ”

Isaia 37:4 ပူးပေါင်းရင်းမြစ်များ

2Sam 16:12

Ngai-Mûnene avota kwona mînyamaaro yakwa, na ambîtîrîrie irathimo nyîngî makîria ya irumi irîa arumanîte ûmûnthî.”

2Atha 17:18

Kwoguo Ngai-Mûnene nîwamengatire onthe. Aatigaririe andû a mûvîrîga wa Juda onga tu.

2Atha 19:4

Nwa kwîthîrwe atî, Ngai-Mûnene Ngai waku nîwegwire maûndû monthe ma kûthekerera Ngai ûrîa ûtûûraga mwoyo marîa mûthamaki wa Asîria aatûmîte ndungata yake. Ngai-Mûnene Ngai waku aroîgua irumi icio na averithie acio marumanîte. Kwoguo voerani andû arîa matigarîte.”

2Maû 28:19

Ngai-Mûnene nîwaretithîrie andû a Juda thîna nîûndû Ahazi, mûthamaki wa Isiraeli nîwatûmîte andû a Juda mevie na ndaarî mwîvokeku kûrî Ngai-Mûnene.

2Maû 34:21

“Thiîni mûkambûrîrie ûtaaro kûrî Ngai-Mûnene na nîûndû wa andû arîa matigarîte Isiraeli na Juda, ûvoro wîgiî ciugo cia îvuku rîîrî rîronekire. Ngai-Mûnene nîarakarîte nîtue nîûndû methe metû matiathîkîra Ngai-Mûnene, matieka kûringana na maûndû monthe marîa mandîke îvukuurî rîîrî.”

Thaburi 106:23

Ngai nîangîathiririe andû ake, tiga nî Musa, ndungata îrîa aathuurîte waririe nake, na akîrigîrîria ndakamathirie nîûndû wa marakara make.

Thaburi 50:21

Wîkîte maûndû mau monthe ngirîte, weciragia nie mbîkariî tawe? Nwatî rîu nînagûkaania, na nakûva ûvoro cararûkû.

Isaia 1:8

Îtûûra rîa Zayuni rîtigîtwe rîrî rîonga, ta kanyomba ka mûrangîri karî mûgûndarî wa mîthavibu, kana kanyomba karî mûgûndarî wa marenge, ta îtûûra rîrî rîrigicîrie.

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 10:20

Mûthenya ûcio andû a Isiraeli, arîa makethîrwa matigarîte na andû a Juda arîa makethîrwa marî mwoyo matikevoka rîngî vûrûri ûrîa wamavinyagîrîria, nwatî makevoka nama Ngai-Mûnene, Ûrîa Mûtheru wa Isiraeli.

Isaia 10:22

Wana ethîrwa andû aku Aisiraeli nî eengî ta mûthanga ûrîa ûrî rûtererî rwa îria, nî andû anini tu magaacoka. Nîkûvangîtwe andû macûkangue, na gûcûkangua kûu gûgekîka na kîvooto.

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 36:13

Rabushake nîwacokire akîrûngama na akîanîrîra na mûgambo mûnene na Kîhibirania akiuga atîrî, “Thikîrîriani ûrîa mûthamaki mûnene, mûthamaki wa Asîria arauga!

Isaia 36:18

Îîmenyerereni Hezekia ndakamûvîtithie akîmwîraga, atî Ngai-Mûnene nîagaatûvonokia. Kûrî ngai wanarî îmwe gatagatîrî ka ngai cia mîvuanano cia mavûrûri yanavonokia vûrûri wao kuuma kûrî mûthamaki wa Asîria?

Isaia 36:20

Nî ngai îrîkû gatagatîrî ka ngai icio cia mavûrûri mau cianavonokia mavûrûri mao kuuma kûrî nie, atî nîguo Ngai-Mûnene akûre Jerusalemu kuuma kûrî nie?”

Isaia 37:17

Vingûra metho maku, we Ngai-Mûnene, na wone; tega gûtû gwaku, we Ngai-Mûnene, na wîgue ciugo cionthe irîa Senakeribu atûmanîte cia kûruma Ngai ûrîa ûtûûraga mwoyo.

Isaia 37:31

Nao andû arîa magaatigara a nyomba ya Juda nîmakoongerereka na mengîve ta ûrîa mûtî ûmeraga mîri îgatonya mûtheturî ndarî na ûgaciara matunda na îgûrû.

Isaia 37:32

Nîûndû nîgûkaagîa na andû magaatigara kûu Jerusalemu, nakuo Kîrîmarî gîa Zayuni nîgûkethîrwa na andû anini makethîrwa matigarîte. Ngai-Mûnene mwene vinya wonthe nîavangîte gwîka ûguo.

Isaia 37:5

Rîrîa ndungata cia mûthamaki Hezekia ciakinyire kwa Isaia,

Isaia 41:14

Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

Isaia 46:3

“Tathikîrîriani mue nyomba ya Jakovu, mue muonthe arîa mûtigarîte a nyomba ya Isiraeli. Naamûmbire na ndwîre nîmûmenyererete kuuma rîrîa mwaciarirwe.

Jeremia 26:19

“Mûthamaki Hezekia wa Juda na andû onthe a Juda nîmaamûragire? Kinthî tîkwa Hezekia etigîre Ngai-Mûnene na agîcaria wendi wake nake Ngai-Mûnene akîricûkwa gwîka maûndû macûku marîa augîte nîakûmeka? Nwatî tue nîkwa tûregîrîra ûndû mûcûku mûno.”

Jeremia 42:2

nîmaathiîre kûrî Jeremia na makîmwîra atîrî, “Wenda tu thikîrîria ûrîa tûrakûria! Îtîkîra gûtûthaithanîra kûrî Ngai-Mûnene Ngai waku, nîûndû wa andû aya matigarîte, (nîûndû twarî andû engî nwatî rîu tûtigarîte tûrî anini tu, wata ûguo ûrona).

Danieli 2:18

Nîwamerire mavoe Ngai wa îgûrû nîguo ameguîre ntha na amaguûrîrie nthitho îo nîguo matikaûragwe vamwe na anake arîa engî maathûrîtwe a gûtaaraga Mûthamaki.

Joeli 2:17

Gatagatî ka metha ya kîgongoona athînjîri-Ngai arîa matungataga Ngai-Mûnene nî marîre makiugaga atîrî: “Îguîra andû aku ntha we Ngai-Mûnene. Ndûkareke andû arîa engî matûmena, matûmena makîûragia atîrî, ‘Ngai wao arî kû?’ ”

Amosi 5:15

Thûrani maûndû macûku na mwende maûndû maro, na mûrûmagîrîre kîvooto magootirî. Nwa kwîthîrwa Ngai-Mûnene, Mwene vinya wonthe nwa akinyîrie njiarwa cia Josefu irîa itigarîte wega wake.

Amosi 7:2

Rîrîa ngige ciarîîre mîmera yonthe vûrûrirî nînaugire atîrî, “Ûûi Ngai-Mûnene, Ngai nakûthaitha movere. Njiarwa cia Jakovu îgatûûra mwoyo atîa? Nî anini mûno!”

Aroma 9:27

Nake Isaia nîwanîrîre ûvoro wîgiî Isiraeli akiuga atîrî, “Wana ethîrwa ciana cia Isiraeli nî nyîngî ta mûthanga ûrîa ûrî îriarî, nî andû anini mûno gatagatîrî kao makaavonoka,

Jakuvu 5:16

Kwoguo umbûranagîrani mevia menyu na mûvoyanagîre nîguo mue mûvonue. Mavoya ma mûndû mûthingu nîmethagîrwa na ûvoti mûnene.

Josh 14:12

Kwoguo ngaîra vûrûri ûyû ûrî irîma ûrîa Ngai-Mûnene aambîrîre mûthenya ûcio twamwindîre ûvoro. Mûthenya ûcio twamwîrire atî andû arîa metagwa Anaki maatûûraga matûûrarî manene na mairigîre. Ngai-Mûnene nî akûndethia na nie nîngûmengata maume kuo wata ûrîa ke aaugire.”

1Sam 12:19

Nao andû acio nîmeerire Samueli atîrî, “Twakûthaitha ûtûvoere kûrî Ngai-Mûnene, Ngai waku, nîguo tûtigakue. Rîu nîtwamenya atî nîtwongererete mevia marîa mengî monthe metû na wîvia wa gwîtia mûthamaki.”

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.

1Sam 7:8

Nao andû a Isiraeli nîmeerire Samueli atîrî, “Thiî na mbere gûtûvoera kûrî Ngai-Mûnene Ngai wetû nîguo atûvonokie kuuma kûrî Afilisiti.”