Isaia 37:24 - ÎVUKU RÎA ÛVORO MWARO

²⁴ We nîwathekerere Mwathani na njîra ya ndungata ciaku, na ûkiuga atî, nîndwîte irîma irîa ndaca na ikaari ciakwa nyîngî cia mbaara, nginya ngakinya gacûmbîrî ka Lebanoni. Nînakindire mîtarakwe îrîa mîraca mûno, na mîthithinda yakuo îrîa mîaro mûno; nînginyîte mîthiia ya Lebanoni kûrîa kûraca mûno, na ngakinya kûrîa mûtitû ûrumîrîte.

Isaia 37:24 ပူးပေါင်းရင်းမြစ်များ

Thaburi 20:7

Andû amwe metîîaga na ikaari ciao cia mbaara, nao engî magetîîa na mbarathi ciao, nwatî tue twîtîîaga na Ngai-Mûnene, Ngai wetû.

Ntha 15:9

Nthû yaugire atîrî, ‘Nie nîngûmarûmîrîria na nîmanyite, nîngûgaania ûtonga wao na nthiî na ûrîa wonthe ngwenda, nîngûcomora rûviû rwa njûra nîmathirie na njara yakwa.’

Isaia 10:18

Naguo riiri wa mîtitû yake na mîgûnda yake mînoru; Ngai-Mûnene nîakamîcûkangia îthire viû, îkethîrwa îkariî ta ûrîa mûndû athiragua nî mûrimû.

Isaia 10:33

Taroria, Ngai-Mûnene mwene vinya wonthe akaamarivania nthî ta ûrîa mvûa cia mûtî irivanagua ciatemwa; njamba irîa nene nîigaatemwa igwe nthî, nao arîa etîi nîmagaaconorithua.

Isaia 10:34

Ngai-Mûnene nîagaatemanga nthû ta ûrîa mîtî îrî mûtitûrî îtemagwa na îthanwa, amagwîthie ta mîtarakwe îrîa mînene ya Lebanoni!

Isaia 14:8

Mîthithinda na mîtarakwe ya Lebanoni nîîrakena, îrakenerera kûgwa kwa mûthamaki îkiugaga atî, ‘nîûndû rîu nîûgwîthîtue, gûtirî mûndû ûgaaûka gûtûtema!’

Isaia 29:17

Nî kavinda kanini gatigarîte Lebanoni îgarûrwe îtuîke mûgûnda mûnoru; naguo mûgûnda ûcio mûnoru ûgatuîka mûtitû.

Isaia 36:9

We ûngîvota kwîgananua atîa wanarî na mûnene ûrîa mûnini mûno gatagatîrî ka ndungata cia mûthamaki wa Asîria, na nwa wîvokete mûthamaki wa Misiri agûtûmîre ikaari cia mbarathi na andû arîa mathiîcaga matwîte mbarathi?

Isaia 37:4

Nwa kwîthîrwa Ngai-Mûnene Ngai waku, nîeguîte ûrîa Rabushake augîte, ûrîa watûmîtwe nî mwathi wake, mûthamaki wa Asîria, nîguo athekerere Ngai ûrîa ûtûûraga mwoyo, nake Ngai-Mûnene, Ngai waku nîakaaregana na maûndû mau eeguire. Kwoguo voera andû arîa matigarîte.’ ”

Jeremia 22:6

Nîûndû ûvoro wîgiî nyomba ya mûthamaki wa Juda Ngai-Mûnene arauga atîrî, “We wîkariî ta vûrûri wa Gileadi kûrî nie, na ta tûthûrûmûndû twa Lebanoni; nwatî nama nîngatûma ûtuîke werû, îtûûra rîtatûûragwa nî andû.

Jeremia 22:7

Nîngûvarîrîria andû a gûgûcûkangia, wa mûndû arî na indo cia mbaara njararî, nao nîmagaatema mîtarakwe îrîa mîaro, na mamikie mwakirî.

Jeremia 46:8

Misiri îcûraga ta rûnjî rwa Nilo, ta nyûnjî irîa ciîcûraga ikauna. Aaugire atî nîngwîcûra nginya ngunîkîre nthî, nîngacûkangia matûûra vamwe na arîa matûûraga kuo.

Ezek 21:2

“Mûndû, taroria Jerusalemu. Rathîra kûndû kûrîa andû mathiîcaga nîguo makagooce ûregane nakuo, na ûrathe ûkîregana na vûrûri wa Isiraeli.

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”