Isaia 37:22 - ÎVUKU RÎA ÛVORO MWARO

²² ûvoro wîgiî mûthamaki ûcio, Ngai-Mûnene augîte atî: Mwîrîtu nthingi mwarî wa Zayuni, nîakûmenete na agakûthekerera. Mwarî wa Jerusalemu nîarakwinainîria kîongo na agakûnyarara.

Isaia 37:22 ပူးပေါင်းရင်းမြစ်များ

2Atha 19:21

Ngai-Mûnene augîte atîrî ûvoro wîgiî Senakeribu: “Ke nîarakûnyarara na nîarakûthekerera we mwîrîtu nthingi wa Zayuni; arainainia kîongo gîake arî vuva waku we mwarî wa Jerusalemu.

Ayubu 16:4

Wa nanie nîngîrî kwaria ta mue, kethîrwa mûregua ûrîa nîregua. Nîngîtungîte ciugo cia kûmûrakaria, nginainagia kîongo nîûndû wenyu.

Thaburi 31:18

Kiria andû arîa maveenanagia, andû arîa etîi na aganu, arîa manyararaga andû arîa athingu.

Thaburi 9:14

nîguo ngaarûngama mbere ya andû a Jerusalemu, na nîmere maûndû monthe marîa matûmaga ngûkumie. Nîngaakena nîûndû nîûmvonoketie.

Isaia 1:8

Îtûûra rîa Zayuni rîtigîtwe rîrî rîonga, ta kanyomba ka mûrangîri karî mûgûndarî wa mîthavibu, kana kanyomba karî mûgûndarî wa marenge, ta îtûûra rîrî rîrigicîrie.

Isaia 10:32

Ûmûnthî nthû nîikûrûngama Nobu, ikûnjîrîte kîrîma gîa Zayuni ngundi, karîma ka îtûûra rîa Jerusalemu.

Isaia 23:12

Ke nîwaugire atîrî, “We mwarî wa Sidoni, ndûgaakena rîngî; wana ûkaûra ûkînathiî Kuporo, wana kûu ndûkoona ûvurûko.”

Isaia 47:1

Ngai-Mûnene arauga atîrî, “Nyûrûrûka wîkarîre mûthetu, we mwîrîtu nthingi wa Babuloni; îkara mûtheturî nthî vandû vatarî na gîtî, we mwarî wa Akalidei! Nwatî kuuma rîu ndûgeetwa rîngî mûnini na ûtarî vinya.

Isaia 62:11

Taroriani Ngai-Mûnene nîanîrîrîte nthî yonthe. Îrani andû a Zayuni atîrî, “Ngai-Mûnene nîaûkîte kûmûvonokia, aûkîte arî na iveo ciake, aûkîte na andû arîa aavonokirie.”

Jeremia 14:17

Nî ûkaamera ciugo ino: ‘Tiga metho makwa metûrûre methori ûtukû na mûthenya, matagûtigithîria, nîûndû andû akwa nîagurarie na magativua mûno.

Jeremia 18:16

Nîmatûmîte vûrûri wao ûtuîka kîndû gîa kûmakania, ûtuîke kîndû gîa kûnyararwa tene na tene. Andû onthe arîa mavîtûkagîrîra vakuvî naguo, mamakaga makainainia ciongo ciao.

Maca 1:15

“Mwathani nîaregete athigari onthe njamba arîa mangitagîra. Nîatûmîte athigari a mbaara, matharîkîre anake akwa. Mwathani aakinyangire andû a Juda, ta thavibu kîvivîrorî Kîam ndivei.

Maca 2:13

Nîngîkûvoreria atîa? Nîngîkûgerekania na ndûî we mwarî wa Jerusalemu? Nîngîkûvanania na ndûî nîguo mvote gûkûvooreria? We Zayuni ûrî mûnyaka mûno, mîthiro yaku ndîrî mûthiia nîta îria rîrîa rînene. Nû ûngîvota gûkûvonokia?

Maca 2:15

Andû arîa onthe mavîtûkaga na njîra nîmamûvûragîra mvî. Nîmainainagia ciongo na makatheka nîûndû wa kwomomorwa kwa Jerusalemu. Rîrî nîrîo îtûûra rîrîa maaugaga nîrîthaka na rîakenagia nthî yonthe?

Amosi 5:2

We nthingi Isiraeli nîûgwîte na ndûngîûkîra rîngî, ûtigîtwe ûrî wenga vûrûrirî waku, gûtirî wanarî mûndû wa gûkûrûngamia.

Zefania 3:14

Ina we mwarî wa Zayuni; ugîrîria we mwarî wa Zayuni! kena na ûcanjamûke ngoro, we mwarî wa Jerusalemu.

Zakaria 2:10

Ngai-Mûnene augîte atîrî, “Mue andû a Zayuni inai na mûkene, nîûndû nîngûka na ndûûranie namue!”

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Mathaayo 21:5

‘Îrani îtûûra rîa Jerusalemu atî, taroriani, Mûthamaki wenyu nî araûka kûrî mue, ke nîmûvoreri na akuuîtwe nî mvunda, na nî njaû ya mvunda!’ ”

Mathaayo 27:39

Nao andû arîa maavîtûkagîrîra vau nîmaainainirie ciongo ciao na makîruma Jesû makîmwîraga atîrî,

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.