Isaia 37:16 - ÎVUKU RÎA ÛVORO MWARO

¹⁶ “We Ngai-Mûnene mwene vinya wonthe, Ngai wa Isiraeli, ûrîa wîkarîrîte gîtî Kîam ûthamaki îgûrû rîa akerubi, we wenga nîwe Ngai wa mothamaki monthe ma nthî; we nîwe waûmbire îgûrû na nthî.

Isaia 37:16 ပူးပေါင်းရင်းမြစ်များ

Kîam 1:1

Kîambîrîriarî Ngai nîwaûmbire îgûrû na nthî.

2Sam 7:26

Rîîtwa rîaku nî rîtûûra rînenevetue, na andû matûûre maugaga atî, ‘Ngai-Mûnene mwene vinya wonthe nîke Ngai wa Isiraeli.’ Nî ûkaamenyerera ûthamaki wakwa tene na tene.

1Atha 18:32

Elija nîwatumîre Ngai-Mûnene rîngî metha ya kîgongoona na mathiga mau. Nîwenjire mûtaro ûmîthiûrûrûkîrîtie. Mûtaro ûcio nîûngîeganîre ndeve îmwe na nuthu ya mbeû.

1Atha 8:6

Athînjîri-Ngai nîmaacokire magîkuua îthandûkû rîa kîrîkanîro na makîrigîrîra vandû varîa vatheru Mûno rungu rwa akerubi.

2Atha 5:15

Nîwacokire marî na ndungata ciake kûrî mûrathi Elisha na akîra Elisha atîrî, “Rîu nînamenya atî gûkû nthî kuonthe gûtirî ngai îngî tiga Ngai wa Isiraeli. Kwoguo nakûthaitha wamûkîre kîveo kuuma kûrî nie.”

Ezira 1:3

Ngai nîekare namue muonthe arîa mûrî ake. Thiîni Jerusalemu nîguo mûgatumîre Ngai-Mûnene, Ngai wa andû a Isiraeli hekarû rîngî. Ngai ûcio nîke ûgoocagîrwa Jerusalemu.

Thaburi 146:6

ûrîa waûmbire îgûrû na nthî, îria na indo cionthe irîa irî kuo; ûrîa ûvingagia ciîranîro ciake vîndî cionthe.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Thaburi 80:1

We mûrîthi wa andû a Isiraeli tûthikîrîrie, we ûtongoragia njiarwa cia Josefu ta ndîthia ya ng'ondu. We wîkaragîra gîtî gîaku Kîam ûnene îgûrû rîa akerubi, onania ûnene waku.

Thaburi 86:10

We wî mûnene na nîwîkaga maûndû ma magegania; we wenga tu nîwe Ngai.

Thaburi 99:1

Ngai-Mûnene nî mûthamaki, andû nî mateteme. Ekarîrîte gîtî Kîam ûthamaki îgûrû rîa Akerubi; nayo nthî nîîthingithe.

Ntha 25:22

Vau nîvo ngaatûngana nawe. Na îgûrû rîa gîkunîko Kîam îthandûkû, gatagatî ka akerubi acio aîrî marî îgûrû gîkunîkorî Kîam îthandûkû, nîvo ngaakwarîria ngûnengere maathani ma andû a Isiraeli.

Isaia 37:15

Hezekia nîwacokire akîvoya Ngai-Mûnene akiuga atîrî,

Isaia 37:20

Kwoguo rîu, we Ngai-Mûnene, Ngai wetû, tûvonokie kuuma kûrî Sanakeribu, nîguo mothamaki monthe ma nthî mamenye atî we wenga tu nîwe Ngai-Mûnene.”

Isaia 40:22

Nthî yaûmbirwe nî ûcio wîkaragîra gîtî gîake Kîam ûnene îgûrû maturî, na kûrî ke andû arîa matûûraga nthî nîta mvandi. Ke atambûrûkîtie matu ta gîtambaa, na agakûnjûra gîtambaa kîu ta îgema rîa gûtûûrwa.

Isaia 40:28

Anga mue mûtiîcî? Anga mûtirî egu? Ngai-Mûnene nîke Ngai ûrîa ûtûûraga tene na tene, nîke mûmbi wa indo cionthe cia nthî. Ke ndathiraga vinya kana anoga, ûmenyo wake ndûngîmenyeka nî mûndû.

Isaia 42:5

Ûguo nîguo Ngai-Mûnene arauga, ûrîa waûmbire îgûrû na akîrîtambûrûkia, nîke waûmbire nthî na indo cionthe irîa irî kuo, nîke ûvecaga andû arîa matûûraga kuo mîvevû, na akava mwoyo arîa matûûraga kuo.

Isaia 44:24

“Nînie Ngai-Mûnene ûrîa wagûkûûrire; nînie nakûmbire ûrî nda ya nyûkwe. Nînie Ngai-Mûnene mûmbi wa indo cionthe. Nînie natambûrûkirie îgûrû na ngîûmba nthî na vinya wakwa, gûtirî mûndû wandethirie.

Isaia 44:6

Ngai-Mûnene mwene vinya wonthe Mûthamaki na Mûkûri wa Isiraeli arauga atîrî, “Nie nînie wa mbere na nînie wa mûthiia; gûtirî ngai îngî tiga nie.

Isaia 45:12

Nînie natûmire nthî îgîe kuo na ngîûmba andû nîguo matûûrage kuo. Nînie natambûrûkirie îgûrû, na ngîatha ciûmbe cionthe ciakuo igîe kuo.

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Isaia 54:5

Nîûndû ûrîa wakûmbire nîke mûthuuriguo, Ngai-Mûnene mwene vinya wonthe nîrîo rîîtwa rîake. Ûrîa Mûtheru wa Isiraeli nîke Mûkûri waku, ke etagwa Ngai wa nthî yonthe.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Isaia 8:13

Nwatî ririkana, atî Ngai-Mûnene, mwene vinya wonthe, nînie nîngîkûmakia na nîmbagîrîrwe nî gwîtigîrwa.

Johana 1:3

Indo cionthe ciaûmbirwe nî Ngai na njîra ya Kiugo na gûtirî kîndû wana kîmwe Kîamûmbirwe Kiugo atarî vo.

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.

Akol 1:16

Nîûndû Ngai aaûmbire indo cionthe na njîra yake, indo irîa irî îgûrû na irîa irî nthî, irîa cionekaga na irîa itonekaga, moonene monthe, mothamaki wana maavinya. Indo cionthe ciaûmbirwe na njîra yake na nîûndû wake.

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.

1Sam 4:4

Kwoguo athuuri acio nîmaatûmire anjaama mathiî Shilo makagîre îthandûkû rîa kîrîkanîro rîa Ngai-Mûnene mwene vinya wonthe, ûrîa wîkaraga gatagatîrî ga Akerubi. Nao anake aîrî a Eli, Hofini na Finehasi wanao nîmaaûkire vamwe na îthandûkû rîa kîrîkanîro.