Isaia 37:12 - ÎVUKU RÎA ÛVORO MWARO

¹² Methe makwa nîmaacûkangirie mavûrûri ma Gozani, Harani, Rezefu na andû a Edeni arîa maatûûraga Telasari; ngai cia mavûrûri mau nîciamavonokirie?

Isaia 37:12 ပူးပေါင်းရင်းမြစ်များ

Kîam 11:31

Tera nîwocire mûvîcî Aburamu na mûcûkûrûwe Loti ûrîa warî mûvîcî wa Harani. Nîwocire Sarai mûka wa mûvîcî Aburamu, makiuma kûu Uri gwa Akalidei, nîguo mathiî vûrûrirî wa Kanaani. Nwatî rîrîa maakinyire vûrûrirî wa Harani, nîmaatûûrire kuo.

Kîam 11:32

Tera aakuîrîre vûrûrirî wa Harani arî na ûkûrû wa mîaka magana maîrî ma îtano (205).

Kîam 12:14

Na rîrîa Aburamu aatonyire Misiri, andû a Misiri nîmoonire atî mûka aarî mûthaka mûno.

Kîam 2:8

Ngai-Mûnene, Ngai nîwavandire mûgûnda Edeni, mwena wa îrathîro. Kûu nîkuo aaigire mûndû ûcio aaûmbire.

Kîam 28:10

Jakovu nîwaumire Beerisheba na akîthiî Harani.

Kîam 29:4

Jakovu nîwaûririe arîthi atîrî, “Mumîte kû arata akwa?” Nao nîmaamûcokerie atîrî, “Tumîte Harani.”

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 18:11

Mûthamaki wa Asîria nîwavirire andû a Isiraeli Asîria marî mîgwate, na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 19:12

Methe makwa nîmaacûkangirie andû a mavûrûri ma Gozani, Harani, na Rezefu na makîûraga andû onthe a Edeni arîa maatûûraga Telasari. Maaregire kûvonokua nî ngai icio nîkî?

Isaia 36:18

Îîmenyerereni Hezekia ndakamûvîtithie akîmwîraga, atî Ngai-Mûnene nîagaatûvonokia. Kûrî ngai wanarî îmwe gatagatîrî ka ngai cia mîvuanano cia mavûrûri yanavonokia vûrûri wao kuuma kûrî mûthamaki wa Asîria?

Isaia 36:19

Nîkwa ngai cia Hamathi na cia Aripadi irî kû? Nîkwa ngai cia Sefarivaimu irî kû? Nîivonoketie Samaria kuuma kûrî nie?

Isaia 36:20

Nî ngai îrîkû gatagatîrî ka ngai icio cia mavûrûri mau cianavonokia mavûrûri mao kuuma kûrî nie, atî nîguo Ngai-Mûnene akûre Jerusalemu kuuma kûrî nie?”

Isaia 37:13

Mûthamaki wa Hamathi, na wa Aripadi, wa îtûûra rîa Sefarivaimu, na wa Hena, kana wa Iva marî kû?’ ”

Ezek 27:23

Nîmwarutithanagia wîra na andû a Harani, Kane, na Edeni vamwe na agûri na endia kuuma Ashuru na Kilimadi.

Ezek 28:13

Watûûraga Edeni mûgûndarî wa Ngai na wegemetie na mathiga ma goro ma mîthemba yonthe. Mathiga mau marî ma mîthemba ya: rangi njerû, rangi wa mathangû ûtarî mûgwatu waro, arimathi, mûruru, ndune, vururu, mûtukanio wa marangi mîthemba mîngî îkûvenavenia, na rangi wa njambarawe. Warî na mathaga ma thaavu. Maûndû mau monthe wathondekerwe mûthenya ûrîa waûmbirwe.

Amosi 1:5

Nîngaaunanga ivingo cia îtûûra rîa Damesiki, na njûkangie arîa matûûraga Kîamndarî Kîam Aveni, na ûrîa wathanaga Bethedeni; na andû a Sîria nîmakaathiî îthamîriorî. Ûguo nîguo Ngai-Mûnene arauga.

Ciîko 7:2

Nake Stefano nîwamûcokerie atîrî, “Ariû a Îthe wetû na aa vava, tanthikîrîriani! Vîndî îrîa Iburahimu, îthe wa methe metû ma tene, ataarî mûthiîu gûtûûra Harani, Ngai mwene riiri nîwamumîrîre arî Mesopotamia,