Isaia 36:4 - ÎVUKU RÎA ÛVORO MWARO

⁴ Nake Rabushake nîwamerire atîrî, “Îrani Hezekia, mûthamaki mûnene, na nîke mûthamaki wa Sîria araûria atî, ‘Ûrutîte ûmîrîru ûyû kû?

Isaia 36:4 ပူးပေါင်းရင်းမြစ်များ

2Atha 18:17

Mûthamaki wa Asîria nîwatûmire athigari eengî a mbaara kuuma Lakishi mathiî makatharîkîre Hezekia kûu Jerusalemu, matongoretue nî anene athatû. Rîrîa maakinyire Jerusalemu, nîmeekarire vakuvî na mûtaro ûrîa ûvîtûkagia manjî kuuma kariarî ka mwena wa rûgûrû varavara nene îrîa yerekerete kûrîa nguo itumagîrwa.

2Atha 18:5

Hezekia nîwetîkîtie Ngai-Mûnene, Ngai wa Isiraeli. Kûu Juda gûtiarî kwanagîa mûthamaki wîngî wekariî take gatagatîrî ka athamaki onthe arîa maarî mbere yake, wana kana arîa maatuîkire athamaki vuva wake.

2Atha 19:10

makamwîre atîrî, “Ndûgetîkîre Ngai waku ûrîa wîvokaga îkûveenie atî, Jerusalemu tîîvootwa nî mûthamaki wa Asîria.

Thaburi 42:10

Nînîregua ruuo mûno rîrîa nthû ciakwa iranuma, vîndî cionthe ikîmbûûragia atîrî, “Ngai waku arî kû?”

Thaburi 42:3

Methori makwa nîmo matuîkîte irio ciakwa ûtukû na mûthenya, vîndî cionthe nthû ciakwa imbûragia atîrî, “Ngai waku arî kû?”

Nthi 16:18

Mwîtîîo nî ûtûmaga mûndû acûkange, na mwîyambo ûkaga mbere ya mûndû agwa.

Jeremia 48:14

“Andû a Moabu, mugaga mûrî njamba, na athigari a mbaara marî vinya atîa?

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Juda 1:16

Vîndî cionthe andû acio nîmanugunaga na makegwatia andû arîa engî. Nîmarûmagîrîra merirîria mao macûku. Nîmeganaga na makaveenereria andû arîa eengî nîguo megune o ene.