Isaia 36:1 - ÎVUKU RÎA ÛVORO MWARO

¹ Mwakarî wa îkûmi na îna Hezekia arî mûthamaki wa Juda, Senakeribu, mûthamaki wa Asîria nîwatharîkîre matûûra monthe ma Juda marîa magitîre na akîmagwata.

Isaia 36:1 ပူးပေါင်းရင်းမြစ်များ

2Atha 18:13

Mwakarî wa îkûmi na îna (14) Hezekia arî mûthamaki, Senakeribu, mûthamaki wa Asîria nîwatharîkîre matûûra manene monthe marîa mairigîre ma Juda na akîmanyita.

2Atha 18:17

Mûthamaki wa Asîria nîwatûmire athigari eengî a mbaara kuuma Lakishi mathiî makatharîkîre Hezekia kûu Jerusalemu, matongoretue nî anene athatû. Rîrîa maakinyire Jerusalemu, nîmeekarire vakuvî na mûtaro ûrîa ûvîtûkagia manjî kuuma kariarî ka mwena wa rûgûrû varavara nene îrîa yerekerete kûrîa nguo itumagîrwa.

2Maû 12:4

Nîwanyitire matûûra monthe marîa maarî mairigîre ma vûrûri wa Juda na makîthiî nginya Jerusalemu.

2Maû 32:1

Vuva wa maûndû mau monthe marîa Hezekia, mûthamaki wa Juda eekîte na wîvokeku, Senakeribu, mûthamaki wa Asîria nîwatharîkîre Juda. Nîwacîgîrîrie matûûra marîa maarî mairigîre agîîciragia atî nî akûmanyita matuîke make.

Isaia 7:17

“Ngai-Mûnene nîagaakûretere we, andû aku, na andû a nyomba ya aguo yonthe mavinda ma thîna, îrîa îtanoneka rîngî kuuma rîrîa andû a Isiraeli maamûkanire na andû a Juda; thîna ûcio ûkaaumana na mûthamaki wa Asîria.

Isaia 7:20

“Vîndî îo, Mwathani nîagaakombora kawembe kuuma mûringo wa rûnjî rwa Farati: kawembe kau nî mûthamaki wa Asîria! Nîakenja njuîrî cia ciongo cienyu, njuîrî cia mîîrî yenyu wana nderu cienyu.

Mika 1:9

Nîûndû nguraro cia andû a Samaria itingîvona, nao andû a Juda nîagwate nî thîna wata ûcio, thîna ûkinyîte ivingorî cia Jerusalemu, kûrîa andû akwa matûûraga.”