Isaia 35:2 - ÎVUKU RÎA ÛVORO MWARO

² Nîgûkaamera maûa meengî, na kwine gûcanjamûkîte na gîkeno. Werû nîûkaavewa riiri wa Lebanoni, ûthaka wa kîrîma gîa Karimeli na wa Kîamnda gîa Sharoni. Nîmakoona riiri wa Ngai-Mûnene, nîmakoona ûnene wa Ngai wetû.

Isaia 35:2 ပူးပေါင်းရင်းမြစ်များ

1Maû 16:33

Mîtî ya kîthaka nîkaaina îcanjamûke îrî mbere ya Ngai-Mûnene, nîûndû Ngai-Mûnene nî agaaûka gûtuîra nthî ciira.

1Maû 27:29

Shitirai wa kuuma Sharoni aarî mûnene wa ûrîthi ûrîa warîthagua Sharoni. Nake Shafati mûvîcî wa Adilai aarî mûnene wa ûrîthi ûrîa warîthagua ciandarî.

1Maû 5:16

nao maatûûraga vûrûrirî wa Gileadi, vûrûrirî wa Bashani na matûûrarî ma kuo na Sharoni vûrûrirî ûrîa mwaraganu wa kûrîthia nginya mîvakarî yaguo.

Thaburi 50:2

Ngai nîarakenga arî Zayuni, îtûûra rîrîa rîthaka mûno.

Thaburi 72:16

Vûrûrirî kûrogîa na irio nyîngî; irîmarî kûrogîa na irio nyîngî, ta irîa ikûraga Lebanoni. Nao andû maroîcûra matûûrarî, ta nyaki îrî mûgûndarî.

Thaburi 72:19

Rîîtwa rîake rîrî riiri rîrokumagua tene ne tene! Riiri wake ûroîcûra nthî yonthe. Ameni! Ameni!

Thaburi 89:12

Nîwe waûmbire mwena wa rûgûrû wana mwena wa îveti, kîrîma gîa Taboru na gîa Herimoni nîirakwinîra na gîkeno.

Thaburi 97:6

Îgûrû nî rîanagîrîra ûthingu wake, nao andû onthe nî monaga riiri wake.

Ntha 16:7

Na kîraûko nîmûkoona riiri wa Ngai-Mûnene nîûndû ke nîeguîte mûkîmûtetia. Tue tûrî a, atî nîguo mûtûtetie?”

Rwîmbo rwa Nyîmbo 2:1

Nie nîrî yûa rîa Sharoni, nîrî yûa rîrî Kîamndarî.

Rwîmbo rwa Nyîmbo 7:5

Kîongo gîaku kîrûngamîte ta kîrîma gîa Karimeli. Njuîrî ciaku nthaka iravenavenia ta rangi wa njambarawe, ûthaka waku nwa ûgucîrîrie mûthamaki.

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Isaia 27:6

Vîndî nîgaakinya rîrîa njiarwa cia Jakovu ikaagîa na mîri, Isiraeli nîkaamera na îtheûke, na matunda mayo nîmagecûra nthî yonthe.

Isaia 32:15

Gûkaathiî na mbere gwîkara ûguo nginya rîrîa tûkaanyûrûrûkîrua Roho kuuma îgûrû. Vîndî îo werû nîûgaatuîka mûgûnda umaga maciaro, nayo mîgûnda îrîa mînoru îtuîke mûtitû.

Isaia 33:9

Nthî îrî na kîeva na îkarega gûciara maciaro, mîtî ya Lebanoni nî mîûmû; Kîamnda kînoru gîa Sharoni gîkariî ta werû, nayo mîtî ya Bashani na Karimeli nî mîrivarivûku mathangû ma yo.

Isaia 35:10

Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.

Isaia 40:5

Naguo riiri wa Ngai-Mûnene nîûkonanua, nao andû onthe nîmakawona, nîûndû Ngai-Mûnene nîke ugîte ûguo.”

Isaia 40:9

Unûkia îgûrû rîa kîrîma kîraca na îgûrû we Zayuni, anîrîra ûvoro ûrîa mwaro! Ugîrîria na vinya we Jerusalemu, anîrîra ûvoro mwaro. Ugîrîria na ndûgetigîre na wîre matûûra ma Juda atî: “Ûyû nîke Ngai wenyu!”

Isaia 41:19

Nîngaavanda mîtarakwe kûu werûrî, mîgaa, mîandathi na mîtamaiyû, na mvande mîvondo mîcindanûgû na mîkarakava vamwe,

Isaia 49:13

Mue îgûrû inani mûkenete! Wanamue nthî kenani! Mue irîma ambîrîriani kwina! Nîûndû Ngai-Mûnene nîaûmîrîrîtie andû ake, na nîakeguîra ntha andû ake arîa marathînîka.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Isaia 60:13

Nîûkaareterwe riiri wonthe wa Lebanon: mîthithinda, mîcindanûgû na mîkarakava yonthe nîîkaretwe nîguo îgemie hekarû yakwa, nanie nîngaacoka nthakarie varîa mbîkaraga.

Isaia 60:19

“Riûa rîtigacoka rîngî gûkûmûrîkîra mûthenya, wana kana mweri ûcoka gûkûmûrîkîra mathaa ma ûtukû, nwatî nie Ngai-Mûnene nînie ngaatuîka ûtheri waku wa tene na tene, naguo riiri wakwa ûkûmûrîkagîre.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Isaia 66:10

Kenanîrani na îtûûra rîa Jerusalemu; na mûcanjamûke nîûndû wa rîo, mue arîa onthe mûrîendete! Kenanîrani narîo, mue muonthe mûrîcakayagîra!

Isaia 66:14

Rîrîa mûkoona maûndû mau magîkîka nîmûgaakena, mûgeekara mûrî na ûgima wa mîîrî na mûrî na vinya. Vîndî îo nîrîo gûkaamenyekana atî nie Ngai-Mûnene, nînie ngitagîra ndungata ciakwa. Na rîrîa narakara nîmverithagia nthû ciakwa.”

Hosea 14:5

Ngethagîrwa mbîkariî ta îme kûrî andû a Isiraeli nao magacanûka ta yûa rîrîa rîmeraga rûnjîrî, makagîa na mîri ta mîtarakwe ya Lebanoni.

Habakuku 2:14

Nîûndû nthî yonthe nîgecûra ûmenyo wa riiri wa Ngai-Mûnene, wata ûrîa manjî mecûraga îriarî.

Zakaria 10:7

Andû a Efiraimu magaatuîka ta njamba cia vinya mbaara irî vinya, makaagîa na gîkeno ta andû manyuîte ndivei. Ciana ciao nîigaakena ciona ûguo, ngoro ciao nîigaakena nîûndû wa Ngai-Mûnene.

Johana 12:41

Isaia aaugire ûguo nîûndû nîwonire riiri wa Jesû na akîaria ûvoro ûmwîgiî.

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Ciîko 9:35

Nao andû onthe arîa maatûûraga kûu gîcagirî Kîam Lîda na Sharoni nîmaamwonire na magîtîkia Mwathani.

Aroma 10:15

Nao andû mangîvunjia atîa matarî atûme. Mandîko Matheru maugîte atîrî, “Na kaî andû arîa mathiîcaga kûvunjia ûvoro Mwaro nî aro-î!”

Aroma 15:10

Wana rîngî mandîko matheru maugîte atîrî, “Andû a Ndûrîrî, kenani vamwe na andû arîa Ngai athuurîte”

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

Josh 19:26

Alameleki, Amadi na Mishali. Mwenarî wa îthûîro nîwanyitîte Karimeli na Shihoru Libunathu.

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.