Isaia 34:7 - ÎVUKU RÎA ÛVORO MWARO

⁷ Mbogo cia njamba ikaaûraganîrua vamwe nao, natuo tûregwa tûraganîrue vamwe na ndegwa irîa irî vinya. Vûrûri wao nîûgecûra nthakame, naguo mûthetu wao ûnorue nî maguta mao.

Isaia 34:7 ပူးပေါင်းရင်းမြစ်များ

Thaburi 22:21

Mvonokia kuuma tûnyuarî twa mînyambû, ndingîvota gwîtethia mbere ya mbogo ino.

Thaburi 68:30

Kaania nyamû icio itûûraga mûthanjerî; kaania mavûrûri marîa mekariî ta ndîthia ya ndegwa na tûcaû twacio, nginya mavûrûri mau makûve gîtîîo na makûrutîre gooti; nyagania andû arîa mendaga mbaara!

Thaburi 92:10

Nwatî nîûtûmîte ngîe na vinya ta mbogo, na nîûmbîtîrîrîtie maguta ma kûnjanjamûra.

Isaia 63:6

Nînakinyangire andû a ndûrîrî nîrî na marakara, ngîtûma manyue mang'ûrîka makwa nginya makîrîwa, na ngîtûrûra nthakame yao nthî.”

Jeremia 25:34

Mue arîthi rîrani mugîrîrîtie, îgaragarieni mûurî mue atongoria a ng'ondu, nîûndû mîthenya yenyu ya kûthînjwa na kûnyaganua nîmîkinyu, mûkaûragwa ta ndûrûme irîa ithuurîtwe.

Jeremia 46:21

Wana athigari ake a gûkomborwa, nîta njaû noru; wanao nîagarûrûku makavinyûra vamwe, matiavota kûmîrîria, nîûndû mûthenya wao wa gûcûkangua nî mûkinyu, îvinda rîao rîa kûverithua nîrîkinyu.

Jeremia 50:11

“Mue arîa mwatavire vûrûri wakwa! Wana ethîrwa nîmûrakena na mûgacanjamûka; mûrarûgarûga ta ng'ombe îkîvûûra ngano, na mûkaania ta mbarathi cia njamba.

Jeremia 50:27

Ûragani athigari onthe arîa njamba; tigani manyûrûrûke mathiî kîthînjîro! Kaî andû a Babuloni marî thînarî-î, kavinda kao ga kûverithua nîgakinyu.

Ezek 32:6

Nîngaatûma nthî îcûre nthakame yaku nginya irîmarî, na nyûnjî ciîcûre nthakame yaku.

Ezek 39:17

Ngai-Mûnene nîwambîrire atîrî, “We mûndû, îra iconi cia mîthemba yonthe na nyamû cionthe cia kîthakarî igomane vamwe kuuma mîena yonthe ciûke kîgongoonarî kîrîa nîithondekerete. Gîkethîrwa kîrî kîrugo kînene mûno irîmarî cia Isiraeli, na nîkuo ikaarîa nyama na inyue nthakame.

Ezek 39:18

Nîikaarîa nyama cia athigari njamba na inyue nthakame ya anene a nthî arîa makaaûragwa ta ndûrûme, tûgondu, mbûri kana ndegwa irîa noru cia Bashani.

Ndari 23:22

Ngai aamarutire vûrûri wa Misiri; amarûagîrîra ta mbogo ya njamba.

Ndari 24:8

Ngai nîwamarutire vûrûri wa Misiri, amarûagîrîra ta mbogo ya njamba. Nîmagaacûkangia nthû ciao na maunange mavîndî mao, na mamarathe na mîguî yao.

Gûco 33:17

Josefu arî vinya ta ndegwa, arî na mvîa ta cia mbogo. Nîagaatindîka andû a mavûrûri nacio, nîakaamatindîka onthe nginya mîthiia ya nthî; Andû a mbarî ya Efiraimu marî na vinya ta ûcio maita ngiri makûmi meengî, nao andû a mbarî ya Manase marî na vinya ta ûcio maita makiri.”