Isaia 34:4 - ÎVUKU RÎA ÛVORO MWARO

⁴ Athigari onthe a îgûrû rîerarî nîmakaathira, nakuo îgûrû rîerarî nîgûgakûnjwa ta îvuku rîa gîkûnjo. Indo cionthe irîa irî îgûrû nîikaagwa, ta ûrîa mathangû ma mûthavibu magûcaga mavoova, kana ta ûrîa mathangû ma mûkûyû magûcaga mavoova.

Isaia 34:4 ပူးပေါင်းရင်းမြစ်များ

Isaia 13:10

Njata cionthe wana irîa ciîthagîrwa irî itutu nîigaatiga gûkenga; riûa rîkaaratha rîkariî ta nduma, naguo mweri ndûkaara.

Isaia 13:13

Kwoguo nîngaatûma îgûrû rinaine, na nthî nîkaathingitha yume vandû va yo, mûthenya ûrîa nie, Ngai-Mûnene mwene vinya wonthe, ngonania marakara makwa manene.

Isaia 14:12

“We wakengaga ta njata ya kîraûko, na kaî wî mûgwîu na vinya kuuma îgûrû-î! We wavootire mavûrûri, nwatî rîu ûrî mûgwîthie nthî-î!

Isaia 51:6

Roriani îgûrû; na mûcoke mûrorie nthî, nîûndû îgûrû rîkaathira ta ndogo; nthî îkaathira ta nguo, nao arîa matûûraga kuo magaakua ta ngi. Nwatî ûvonokio ûrîa ndetete ûgaatûûra tene na tene, naguo ûthingu wakwa ndûkaathira.

Joeli 2:10

Nthî nîîratetema mbere yao îgûrû nîrîrainaina. Riûa na mweri nîiratuîka nduma, nacio njata nîitigîte kûruta ûtheri.

Joeli 3:15

Riûa na mweri nî igîte nduma, na njata nîitigîte kûgîa na ûtheri.

Mathaayo 24:29

“Na warîo vuva wa vîndî îo ya mathîna, riûa nîrîgaatuîka nduma, mweri ûtige kwara, njata igwe nthî kuuma îgûrû, na maavinya marîa marî îgûrû mainainue.

Mathaayo 24:35

Îgûrû na nthî nîikaathira, nwatî ciugo ciakwa itikaathira.

Ahib 12:27

Ciugo icio “Wa rîngî” nîironania waro atî indo irîa ciaûmbirwe nî ikaainainua na ithengutue nîguo indo irîa itanginainua itigare.

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.

Kûguû 6:12

Rîrîa Gatûrûme gatumûrire rûtumo rwa gatandatû, nî kwagîîre na kîthingithia kînene. Riûa nîrîatigire kwara na gûkîgîa nduma. Naguo mweri nîwatunîvire ta nthakame.

Kûguû 8:12

Nake mûraika wa kana nîwavuvire karumbeta gake. Nakîo gîcunjî kîmwe Kîam ithatû Kîam riûa, mweri na njata nîciaringirwe. Kwoguo gîcunjî kîmwe Kîam ithatû Kîam ûtheri wacio nîwarumire. Nakîo gîcunjî kîmwe Kîam ithatû Kîam mûthenya na Kîam ûtukû gûtiarî na ûtheri.