Isaia 34:16 - ÎVUKU RÎA ÛVORO MWARO

¹⁶ Cariani na mûthome kuuma îvukuurî rîa Ngai-Mûnene, gûtirî kîûmbe wanarî kîmwe gîgaatura, wa kîmwe gîkethîrwa kîrî na mûnyanya. Nîûndû Ngai-Mûnene nîke wathanîte ûguo, na Roho wake nîke ûgaciûngania cionthe.

Isaia 34:16 ပူးပေါင်းရင်းမြစ်များ

Thaburi 33:9

Nîûndû aaririe na nthî îkîgîa kuo, aathanire na indo cionthe ikîgîa kuo.

Josh 1:8

Ririkanaga vîndî cionthe kûthoma îvuku rîîrî rîa watho vîndî îrîa mûkûgooca. Rîthomage ûtukû na mûthenya, na wonage atî nîwathîkîra ûrîa wonthe rîandîkîtwe, nawe nîûkaagîa na mûtûûrîre mwaro.

Mathaayo 5:18

Nîramwîra na ma atî, îgûrû na nthî itarî nthiru gûtirî gacunjî wana kamwe ka Watho gakaathengutua. Gûtirî gacunjî wana kanini atîa gakaathengutua maûndû monthe marîa marî wathorî matarî mavingu.

Thaburi 33:6

Ngai-Mûnene aaûmbire îgûrû na njîra ya kiugo, aaûmbire indo cionthe cia îgûrû na njîra ya mûgambo wake.

Isaia 30:8

Ngai nîwambîrire atîrî, “Rîu thiî wandîke ûvoro ûcio kîvengererî, na ûwandîke îvukuurî, nîguo ûtuîke ûira wa mavinda marîa magaaûka nginya tene na tene.

Johana 10:35

Tue nîtuicî atî mandîko matheru maugaga ûma vîndî cionthe. Nake Ngai nîwetire andû acio maavunjîrue ndûmîrîri îo yake ngai cia mîvuanano.

Nthi 23:12

Thikagîrîria ûrîa ûrathomithua, thikagîrîria ciugo cia ûmenyo.

Luka 21:33

Îgûrû na nthî nîikaathira, nwatî ciugo ciakwa itikaathira.”

Malaki 3:16

Nao arîa magocaga Ngai-Mûnene nîmaranîrie o ene, nake Ngai-Mûnene akîgua ûrîa maaragia. Narîo îvuku nîrîaigirwe mbere ya Ngai-Mûnene rîandîkîtwe marîîtwa ma arîa mamûgoocaga na mamwathîkagîra.

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Danieli 10:21

Nwatî nîngaakwîra ûrîa kwandîkîtwe îvukuurî rîa ûma. Ndirî na wa kûndethia kûrûa na nthû ino tiga Mikaeli, mûraika ûrîa ûmûgitagîra.

Isaia 58:14

nîûkaagîa na gîkeno kîrîa mvecaga arîa mandungatagîra, na ngûvecage ûvootani maûndûrî monthe ma gûkû nthî, na nîngaatûma ûkenagîre vûrûri ûrîa nagaîre aguo, Jakovu. Nînie, Ngai-Mûnene nauga ûguo.”

2Pet 1:19

Na tûrî na ûma makîrîa wa ndûmîrîri îrîa yanîrîrwe nî arathi. Nîmwagîrîrwe nî kûthikîrîria ndûmîrîri îo, nîûndû yo îkariî ta taa yakanîte vandû ndumarî nginya gûkîe, na ûtheri wa njata ya kîraûko ûgakengaga ngororî cienyu.

Isaia 1:20

Nwatî mwatuîka nthande na mûregane nanie, nîmûkaaûragwa na rûviû. Nînie Ngai-Mûnene naria.”

Kîam 6:17

Nie nîngûtûma nthî yonthe îcûre manjî mathirie indo cionthe irîa itûûraga gûkû nthî.

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Gûco 31:21

Nîmakaanyitwa nî mîthiro mîîngî na mathîna. Nwatî rwîmbo rûrû rûkaainagwa nî andû a Isiraeli rûrî ûira kûrî o, na njiarwa ciao itikaariganîrwa nî ruo. Nie nîmbicî meciria mao wana mbere ya nîmavira vûrûrirî ûrîa nameerîre na mwîvîtwa atî nîngaamava.”

Isaia 14:31

“Rîrani mue matûûra monthe ma Afilisiti! Mue Afilisiti muonthe, gîani na guoya! Nîûndû rûkûngû rwa athigari rûkîte rumîte mwena wa rûgûrû: nî gîkundi Kîam athigari matarî guoya.”

Isaia 40:5

Naguo riiri wa Ngai-Mûnene nîûkonanua, nao andû onthe nîmakawona, nîûndû Ngai-Mûnene nîke ugîte ûguo.”

Isaia 40:26

Taroriani îgûrû mwone! Nû waûmbire indo icio cionthe? Nî ûrîa ûitongoragia ta athigari ake a mbaara, nîaicî cionthe ûrîa ciîgana, aciîtaga cionthe na marîîtwa ma cio. Gûtirî wanarî kîndû kîmwe kîthagîrwa gîtarî vo, nîûndû Ngai-Mûnene arî vinya nyîngî.

Isaia 21:17

Andû arîa njamba maikagia mîguî a ciana cia Kendari, nî andû anini tu gatagatîrî kao magaatigara. Nie, Ngai-Mûnene, Ngai wa Isiraeli, nînie nauga ûguo.”

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”