Isaia 33:6 - ÎVUKU RÎA ÛVORO MWARO

⁶ Nîke ûgaatûma vûrûri wenyu wîkare wîkindîrîtie, nîagaatûma kûgîe na ûvonokania mwîngî, ûûgî na ûmenyo. Mûthithû wenyu ûrîa mûnene mûno nî gwîtigîra Ngai-Mûnene.

Isaia 33:6 ပူးပေါင်းရင်းမြစ်များ

2Atha 18:7

Kwoguo Ngai-Mûnene nîwamûtethagia, na maûndû monthe marîa eekaga nîmaavucaga. Nîwakararirie mûthamaki wa Asîria na akîrega kûmwathîkîra.

Ayubu 4:6

We wîthîrîtwe wîtigîrîte Ngai na ûrî mwîvokeku, kwoguo wagîrîrwe nî kûgîa na vinya na kîîrîgîrîro.

Thaburi 140:7

We Ngai-Mûnene, Mwathani wakwa, mûvonokia mûnene, nîûngitîrîte nîrî mbaararî.

Thaburi 28:8

Ngai-Mûnene nîagitagîra andû ake, nîagitagîra na akavonokia mûthamaki ûrîa athuurîte.

Thaburi 45:4

Thiî ûrî ûnene na nîûkûvootana, ûgitîre ûûma na kîvooto, vinya waku nîûgûkûvotithia kûvootana!

Nthi 14:24

Andû arîa aûgî nîmavecagwa ûtonga, nwatî andû arîa irimû mamenyekaga nî ûrimû wao.

Nthi 14:26

Mûndû ûrîa wîtigîrîte Ngai-Mûnene ndetigagîra, nacio ciana ciake nîikaagîa na kûndû gwa kûûrîra.

Nthi 14:27

Gwîtigîra Ngai-Mûnene nîta kîthima Kîam mwoyo, na nî gîtûmaga mûndû aûrîre mîtego ya gîkuû.

Nthi 15:16

Nîkava kwîthîrwa ûrî mûthîni na wîtigîrîte Ngai-Mûnene, gûkîra gûtonga na wîthîrwe na thîna.

Nthi 19:23

Gwîtigîra Ngai-Mûnene nî gûtûmaga mûndû atûûre îvinda îraca, na mûndû atûûraga arî mwîganîru na ndangînyitwa nî ûndû mûcûku.

Nthi 2:5

weka ûguo nîrîo ûkaamenya gwîtigîra Ngai-Mûnene na ûgîe na ûmenyo wa Ngai.

Nthi 28:2

Rîrîa andû mevia vûrûri wao nîûgîcaga na athani eengî, nwatî vûrûri ûrî na athani aûgî na marî na ûtaûku nîûgîcaga na vinya na ûgekindîria.

Nthi 29:4

Rîrîa mûthamaki aratûmîra kîvooto, vûrûri nîwîkindagîria, nwatî mûthamaki ûrîa wîciragia wa ûvoro wa mbeca nîacûkangagia vûrûri wake.

Mûvunjia 7:12

Kûgitîrwa nî ûûgî nîta kûgitîrwa nî mbia. Umithio wa ûmenyo nî atî ûûgî nîûgitagîra mûndû ûrîa ûrî naguo.

Mûvunjia 7:19

Ûûgî nîûtûmaga mûndû ûrî na ûmenyo agîa na vinya nyîngî gûkîra vinya wa atongoria îkûmi marî îtûûra.

Isaia 11:9

Kîrîmarî kîrîa kîtheru Kîam Ngai, gûtigativanua kana gwîkwa maûndû macûku. Nîûndû nthî îkethîrwa îcûrîte ûmenyo wa Ngai-Mûnene, ta ûrîa manjî methagîrwa mecûrîte îriarî.

Isaia 26:1

Mûthenya ûcio, andû nîmakaaina rwîmbo rûrû marî vûrûrirî wa Juda: Tue tûrî na îtûûra rîrî na vinya! Ngai nîke ûtûgitagîra ta ûrîa nthingo igitagîra andû.

Isaia 32:17

Naguo ûndû ûrîa ûkaaumana na ûthingu nî thayû, naguo ûthingu nîûgaatûma kûgîe ûvooreri na wîvokeku tene na tene.

Isaia 32:18

Andû akwa magaatûûraga kûndû kûrî na thayû, kûndû kûgitîre na kûndû gûtarî na thîna.

Isaia 33:20

Taroriani Zayuni îtûûra rîrîa tûkûngûagîra irugo cietû cia ndini. Taroriani Jerusalemu kûndû kûvoreru kwa gûtûûra îgema rîtangîenyenya, nthugî cia rîo itigaakûûrwa, kana mîkanda ya rîo îtuîka.

Isaia 45:17

Nwatî vûrûri wa Isiraeli nîûkaavonokua nî Ngai-Mûnene, na ûvonokio wao ûgaatûûra tene na tene. Andû a kuo matigaaconorithua tene na tene.

Isaia 51:14

Andû arîa movetwe nîmakaarekererua na îvenya; matigaakua na mathiî kwa arîa akuû, wana kana mature gîa kûrîa.

Isaia 51:6

Roriani îgûrû; na mûcoke mûrorie nthî, nîûndû îgûrû rîkaathira ta ndogo; nthî îkaathira ta nguo, nao arîa matûûraga kuo magaakua ta ngi. Nwatî ûvonokio ûrîa ndetete ûgaatûûra tene na tene, naguo ûthingu wakwa ndûkaathira.

Jeremia 31:34

Gûtirî mûndû ûgaacoka kûthomithia ûrîa wîngî akîmwîraga atî, ‘Menya Ngai-Mûnene,’ nîûndû andû onthe, anini na anene, nîmakaamenya. Nîngamarekera mavîtia mao na ndikaririkana mevia mao rîngî. Ûguo nîguo Ngai-Mûnene arauga.”

Habakuku 2:14

Nîûndû nthî yonthe nîgecûra ûmenyo wa riiri wa Ngai-Mûnene, wata ûrîa manjî mecûraga îriarî.

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

1Tim 6:6

Gûtuîka Mûkristiano nî gûtûmaga mûndû agîe na ûtonga mûnene ethîrwa tu mûndû nîmwîganîru na kîrîa arî na kîo.