Isaia 33:2 - ÎVUKU RÎA ÛVORO MWARO

² Ûûi Ngai-Mûnene, twîguîre ntha; we nîwe twîkaraga twîrîgîrîrîte. Tuîka vinya wetû mîthenya yonthe, na ûtûvonokagie vîndî ya thîna.

Isaia 33:2 ပူးပေါင်းရင်းမြစ်များ

Thaburi 123:2

Taroria, wata ûrîa ndungata ciîvokete mwathi wacio, wata ûrîa ndungata ya mûndûmûka îîvokaga mwathi wayo wa mûndûmûka, nwaguo wanatue twîvokaga Ngai-Mûnene, Ngai wetû, nginya rîrîa agaatwîguîra ntha.

Thaburi 143:8

Ndirikanagia ûvoro wa wendo waku ûtathiraga wa kîraûko, nîûndû we nîwe nîîvokete. Monia njîra îrîa mbagîrîrwe nî kûthiîra, nîûndû we nîwe mvoyaga.

Thaburi 25:3

Ndûkareke andû arîa magwîtîkîtie maconorithue, nwatî ûconorithie arîa mareganaga nawe.

Thaburi 27:1

Ngai-Mûnene nîke ûtheri wakwa na ûvonokio wakwa, gûtirî mûndû nîngîtigîra. Ngai-Mûnene nîke ûngitagîra kuuma kûrî mogwati monthe, gûtirî mûndû ngeetigîra.

Thaburi 33:22

Tiga wendo waku ûtathiraga we Ngai-Mûnene, ûtûûrage natue, nîûndû tue nwawe twîvokete.

Thaburi 37:39

Ngai-Mûnene nîavonokagia andû arîa athingu, na nîamagitagîra vîndî ya thîna.

Thaburi 46:1

Ngai nîke mûgitîri wetû na vinya wetû, nîke ûtûtethagia vîndî cionthe rîrîa tûrî na thîna.

Thaburi 46:5

Ngai arî îtûûrarî rîu, na rîtigaacûkangua; Ngai nîagaaûka macangîa kûrîva ûtethio.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 60:11

Ûûi, tûtethie kûrûa na nthû; nîûndû ûtethio wa andû nî wa mana.

Thaburi 62:1

Mbetererete Ngai wenga tu ngirîrîrîtie; ûvonokio wakwa umaga kûrî ke.

Thaburi 62:5

Mbetererete Ngai wenga tu ngirîrîrîtie; kîîrîgîrîro gîakwa kîrî kûrî ke.

Thaburi 62:8

Îîvokageni Ngai vîndî cionthe, mue andû aya, mûmenyithagieni mathîna menyu monthe, nîûndû nîke vandû vetû va kûûrîra.

Thaburi 90:15

Tûma twîthîrwe tûrî na gîkeno mîaka mîîngî wata îrîa twîthîrîtwe tûrî na kîeva.

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Ntha 14:27

Kwoguo Musa nîwatambûrûkirie njara yake îgûrû rîa Îria. Na gwakîa manjî magîcoka ûrîa meekariî mbere. Nao andû a Misiri nîmaageragia kûûra maume manjîrî, nwatî Ngai-Mûnene nîwamaikirie îriarî.

Isaia 17:10

We Isiraeli, nîûriganîrîtwe nî Ngai ûrîa wakûvonokirie, ndûririkanaga Îthiga rîrîa rîkûgitagîra. Kwoguo, mûvandîte mîmera mîgûnda mwamûrîrîte Ngai, nîguo mûgoocagîre ngai ng'eni kuo.

Isaia 25:4

Nîûndû we nîwe mûgitîri wa andû arîa athîni, mûgitîri wa ngîa vîndî îrîa irî na mathîna. We nîwe ûmagitagîra kuuma kûrî rûkûngi rûnene, na nîwe kîruru Kîamo Kîam vîndî ya ûrugarî. Nîûndû îringa rîa mûndû ûtarî ntha rîkariî ta rûkûngi rûnene rûringîte rûthingo;

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Isaia 26:16

Ûûi Ngai-Mûnene, rîrîa maarî thînarî, nîmaagûkaîre, rîrîa wamaverithirie, o nîmaakûvoire.

Isaia 26:8

We Ngai-Mûnene nîtûgwetagîrîra, tûrûmîrîrîte matuîro maku ma ciira; na ngoro cietû nwawe ciîriragîria.

Isaia 37:3

Nao nîmeerire Isaia atîrî, “Hezekia augîte atî, ‘Ûmûnthî nî mûthenya wa kîeva, wa kûrumana, na wa gûconorithua. Twîkariî ta mûndûmûka akîenda gûciara mwana, nwatî ndarî na vinya wa gûciara.

Isaia 40:10

Taroria Mwathani Ngai-Mûnene nîaûkîte na vinya, vinya wake nîguo ûrathana, nîaûka na andû arîa avonoketie na iveo cia andû ake.

Isaia 51:5

Gûkûûrana gwakwa kûrî vakuvî, naguo ûvonokio wakwa nî mwambîrîriu kwoneka. Nie mwene nînie ngaatha mavûrûri; andû arîa matûûraga mavûrûrirî ma kûraca nîmambetererete, na mevokete nîmavonokie.

Isaia 59:16

Ke nîwonire atî gûtiarî na mûndû ûngîtethia arîa akinyîrîrie. Kwoguo ke nîatûmîra vinya wake amavonokie na amave ûvootani.

Isaia 8:17

Nîmbeterera Ngai-Mûnene, ûrîa wîthithîrîte andû a Jakovu, nîke ngwîvoka.

Jeremia 14:8

We nîwe mwîvoko wa Isiraeli, nîwe ûmavonokagia rîrîa marî thînarî, nîndûî gîtûmîte wîkare ta mûgeni vûrûrirî wetû, ta mûvîtûki ûrîa ûraragîrîra ûtukû ûmwe?

Maca 3:23

Ciîthagîrwa irî njerû wa kîraûko wa kîraûko, nîûndû Ngai-Mûnene nîwakwîvokwa.

Hosea 14:2

Nama cokererani Ngai-Mûnene; mûkîveraga mevia menyu mûkiugaga atîrî, “Tûovere mevia metû, na wamûkîre kîrîa Kîamro tûrî nakîo, na nîtûgûkûva îgongoona rîa gûgûkumia.