Isaia 33:12 - ÎVUKU RÎA ÛVORO MWARO

¹² Andû mageekara takwa mavîvîtue magatuîka mûu, kana ta mîgua îtemetwe îkavîvua na mwaki.

Isaia 33:12 ပူးပေါင်းရင်းမြစ်များ

Isaia 27:4

Nie ndikaarakara rîngî nî mûgûnda ûyû. Kûngîrî mîgua na nthaugû kuo nwa ndûire nacio, nwa ndûe nacio na ngaivîvia na mwaki ikathira viû.

Amosi 2:1

Ngai-Mûnene arauga atîrî, “Andû a Moabu matûûraga mevagia, kwoguo ndigaatiga kûmaverithia, nîûndû nîmaregete kûva mûthamaki wa Edomu ûrîa wakuire gîtîîo, na njîra ya kûvîvia mavîndî make magatuîka mûu.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Isaia 10:17

Ngai, ûrîa arî ke ûtheri wa Isiraeli, akethîrwa ekariî ta mwaki. Mûtheru wa Isiraeli akethîrwa ekariî ta rûrîrîmbî rwa mwaki, ûrîa ûkaavîvia mîgua na nthaugû ciake mûthenya ûmwe.

Isaia 9:18

Waganu wa andû wakanaga ta mwaki ûvîvagia nthaugû na mîgua. Wakanaga ta mwaki ûkîvîvia mûtitû ûkîrutaga ndogo ndito îkiunûkagia na îgûrû.

Thaburi 118:12

Maanthiûrûrûkîrîtie ta njûkî, nwatî maavîre makîthira na îvenya ta mîgua; nînaamavootire na vinya wa Ngai-Mûnene!

Isaia 9:17

Kwoguo Mwathani ndakenagua nî anake aya, ndarî na ntha na ciana ciao cia ndigwa na aka ao a ndigwa, nîûndû andû onthe matiîcî Ngai, na nîeki naaî na maragia maûndû ma waganu. Nîûndû wa maûndû mau monthe, marakara make tî mathiru, nwatî nwa atambarûkîtie njara yake nîguo îverithanie.