Isaia 32:2 - ÎVUKU RÎA ÛVORO MWARO

² Wa mûndû agaatuîka ta kûndû gwa kwîthitha rûkûngi, kana ta vandû va kwîthitha rûkûngi rûnene, kana ta tûrûnjî tûrî kûndû kûnyaru, kana ta mwîgunyî wa îthiga înene werûrî.

Isaia 32:2 ပူးပေါင်းရင်းမြစ်များ

Thaburi 143:9

We Ngai-Mûnene, ndethûra kuuma kûrî nthû ciakwa; nîûndû mbûrîrîte kûrî we nîguo ûngitîre.

Thaburi 32:7

Nîîthithaga kûrî we, ûkaangitagîra ndikanyitwe nî thîna. Nîngûkwinîra nîûndû wa kûmvonokia.

Thaburi 63:1

We Ngai, nîwe Ngai wakwa, na nîrakwîrirîria na ngoro yakwa. Mwîrî wakwa wonthe nîûrakwîrirîria ta mûndû mûnyondu; ngûnyondete ta nthî nyûmû îtarî na manjî.

Thaburi 91:1

Mûndû ûrîa wîthithaga kûrî Ngai-Mûnene, ûrîa ûtûûraga rungu rwa kîruru Kîam Ngai mwene vinya wonthe,

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 16:3

Andû a Moabu marera andû a Juda atîrî, “Tûtaareni, mûtwîre ûrîa tûgwîka. Tûthitheni mûtûgitîre, ta ûrîa gûtukaga ûtheri ûkathira. Tûthitheni tue tûraûrûra; mûtigatûkunyanîre tue nîkwa tûrîte.

Isaia 25:4

Nîûndû we nîwe mûgitîri wa andû arîa athîni, mûgitîri wa ngîa vîndî îrîa irî na mathîna. We nîwe ûmagitagîra kuuma kûrî rûkûngi rûnene, na nîwe kîruru Kîamo Kîam vîndî ya ûrugarî. Nîûndû îringa rîa mûndû ûtarî ntha rîkariî ta rûkûngi rûnene rûringîte rûthingo;

Isaia 28:17

Ngaatûmîra kîvooto kîrî kîthimi gîakwa, naguo ûthingu ûrî ta kavirû.” Mbura ya mbembe nîkaavata maveeni monthe, namo manjî macûkangie ûgitîri wenyu.

Isaia 41:18

Nîngaatûma nyûnjî itherûke kuuma irîmarî irîa itarî kîndû, na ithima cia manjî itherûke kûu Kîamndarî, nîngaatûma kûu werûrî kûgîe maria ma manjî, nakuo nthî nyûmû ndûme kûgîe na ithima cia manjî.

Isaia 43:19

Taroriani, nîngwîka ûndû mûcerû. Naguo nîûrekîka rîu, nîkwa mûtarawona! Nîngûtema njîra werûrî na ndûme kûu werûrî kûgîe na nyûnjî.

Isaia 43:20

Nyamû cia kîthaka nîikaandîîa, ciathi na nyaga nîikaangumia; nîûndû nîngaatûma werûrî kûgîe na manjî, werûrî kûgîe na nyûnjî, nîguo andû akwa arîa athuure monage gîa kûnyua.

Isaia 44:3

“Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 33:14

Ngai-Mûnene arauga atîrî, “Kavinda nîgagûkinya, rîrîa ngavingia kîîranîro gîakwa na andû a Isiraeli na a Juda.

Maca 4:20

Nîmaanyitire mûnene, ûrîa wathuurîtwe nî Ngai-Mûnene, ûrîa twevokete atî nîke ûgatûgitîra kuuma kûrî nthû cietû.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Johana 7:37

Mûthenya ûrîa warî wa mûthiia na wa vata mûno wa kîrugo, Jesû nîwarûngamire na akîanîrîra akiuga atîrî, “Mûndû wa wonthe mûnyondu nîaûke kûrî nie, na anyue,

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.