Isaia 32:13 - ÎVUKU RÎA ÛVORO MWARO

¹³ nîûndû wa vûrûri wa andû akwa nîûramera mîgua na nthaugû, mûrîrîre nyomba cionthe irîa ciecûrîtwe nî gîkeno, na ciarî îtûûrarî rîrî na gîkeno.

Isaia 32:13 ပူးပေါင်းရင်းမြစ်များ

Thaburi 107:34

Nîatûmaga mûthetu ûrîa mûnoru ûtuîke werû wa cumbî, nîûndû wa waganu wa andû arîa matûûraga kuo.

Isaia 22:2

Nîndûî kîratûma mugîrîrie mûkenete, îtûûra rîonthe rîcûrîtwe nî wagagu na înegene. Andû enyu arîa maakwire matiaûragwa na mviû, na matiaûragîrwa mbaararî.

Isaia 23:7

Rîîrî nîrîo îtûûra rîa Turo rîrîa rîarî rîa ikeno, îtûûra rîatumirwe tene, na andû a kuo maathiîre gûtûûra mavûrûri ma kûraca?

Isaia 23:9

Ngai-Mûnene mwene vinya wonthe, nîke wavangire maûndû mama monthe. Eekire ûguo nîguo athirie mwîtîîo wa andû a kuo, na aconorithie arîa maveetwe gîtîîo nthî yonthe.

Isaia 24:11

Kûrî na kîrîro na kûu njîrarî nîûndû wa gûtura ndivei; gîkeno kîonthe nî kîthiru; nthî ndîrî na gîkeno.

Isaia 27:10

Nîûndû îtûûra rîrîa ririgîre rîtigîtwe rîrî rîonga, rîtiganîrîtue na rîkathamwa ta werû. Kûu nîkuo ng'ombe irîthagua na ikamama wa kuo.

Isaia 34:13

Mîgua nîkaamera kûndû kwao kûrîa kûgitîre, ria na mîgua nîgaakûra kûndû kûrîa kûrî na nthingo cia vinya. Kûu nîkuo gûgatûûraga ciathi na nyaga.

Isaia 5:10

Mûgûnda wa mîthavibu wa eka îkûmi ûkaaumaga lita inyanya cia ndivei. Mûndû ûrîa ûkaavanda kilo îgana rîmwe cia mbegû agaaketha kilo îkûmi tu cia ngano.”

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Isaia 55:13

Îthenya rîa kûmere mîgua gûkaamera mîvondo; îthenya rîa kûmere nthaugû gûkaamera mîandathi. Rûu nîruo rûkethîrwa rûrî rûûri rwa kûririkanagia andû maûndû marîa nie Ngai-Mûnene mbîkîte, na rûgaatûûra tene na tene.”

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Isaia 7:23

“Vîndî îo, mîgûnda yonthe ya mîthavibu, îrîa wa mûgûnda warî na mîthavibu ngiri îmwe ya mwîgana wa sîlûva ngiri îmwe (1,000) kûringana na kîthimi Kîam hekarû, gûgaakûra nthaugû na mîgua.

Jeremia 33:4

Nîûndû Ngai-Mûnene Ngai wa Isiraeli arauga atî, nyomba cia îtûûra rîa Jerusalemu, na nyomba cia athamaki a Juda nîikomomorwa nîûndû îtûûra rîu nîrîrigicîrie na rîkatharîkîrwa.

Jeremia 39:8

Nao Akalidei nîmaavîvirie nyomba ya mûthamaki, nyomba cia andû na makîomomora nthingo cia Jerusalemu.

Jeremia 52:27

Nake Nebukadinezarû mûthamaki wa Babuloni nîwamarivire na akîmaûragîra îtûûrarî rîa Ribula vûrûrirî wa Hamathi. Ûguo nîguo andû a Juda maatavirwe na makîthamua kuuma vûrûrirî wao.

Hosea 10:8

Kûndû gwa kûvoera tûrîmarî twa Aveni, mevia ma Isiraeli, nîgûgaacûkangua. Mîgua na nthaugû nîkîikamera metharî ciao cia magongoona. Nao nîmakeera irîma, “Tûkunîkîre” na meere tûrîma atîrî, “Tûgwîreni!”

Hosea 2:3

Ethîrwa tî ûguo nîngûmûruta nguo atigwe arî njaga, nîngatûma ekare ta ûrîa aaciarirwe. Nîngatûma ekare ta werû, nîngatûma ekare ta nthî nyûmû. Nîngamûraga na nyonda.

Hosea 9:6

Rîrîa mûkaûrîra gûcûkangua kwa vûrûri wenyu, nîmûkaagwatwa ûgeni Misiri, nwatî mûkathikwa Memufisi. Igîîna cienyu cia sîlûva igecûra mavûngo, mîgua îgecûra magemarî menyu.