Isaia 31:4 - ÎVUKU RÎA ÛVORO MWARO

⁴ Ngai-Mûnene aambîrire atîrî, “Wata ûrîa mûnyambû kana kaana ka mûnyambû ûraramaga ûnyitîte nyamû, wana gîkundi Kîam arîthi kîngîtwa kîthiî gîkaûtharîkîre, ndûngîmakua nî înegene rîao, kana wîgua guoya nî mîgambo yao.” Ûguo nîguo Ngai-Mûnene mwene vinya wonthe akaanyûrûrûka kûrûa arî kîrîmarî gîa Zayuni na nîrî karîmarî ga kîo.

Isaia 31:4 ပူးပေါင်းရင်းမြစ်များ

2Maû 20:15

Jahazieli nîwaugire atîrî, “Mûthamaki Jehoshafati na andû onthe arîa mûtûûraga Juda na Jerusalemu, tanthikîrîriani. Ngai-Mûnene augîte atî, mûtigetigîre na mûtikegue guoya nîûndû wa athigari aya eengî ûguo, nîûndû mbaara tî yenyu nî ya Ngai.

Ntha 14:14

Ngai-Mûnene nîakûmûrûîrîra na gûtirî na vata wa mwîke ûndû wana ûrîkû.”

Ntha 14:25

Nîwatûmire magûrû ma ngari ciao cia mbarathi maremera, na kwoguo nîmaagîre na thîna wa kûthiî mbere. Nao andû a Misiri nîmaaugire atîrî, “Ngai-Mûnene ararûa natue akîrûîrîra andû a Isiraeli. Nîtûre tuume varî o!”

Isaia 10:16

Kwoguo Mwathani, Ngai-Mûnene mwene vinya wonthe, nîakaarete mûrimû wa gûtûma athigari ake arîa anoru magînje, naguo riiri wake nîûkaavîvua wakane ta mwaki ûkîrîrîmbûka.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 30:30

Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Isaia 30:32

Wa ûrîa Ngai-Mûnene akaamaringa akîmaverithia, nwaguo andû ake makaavûraga tamburini na ngita. Ngai ke mwene nîke ûkaarûa na Asîria.

Isaia 42:13

Ngai-Mûnene aumagarîte ta njamba îrî vinya, evarîrîtie kûrûa ta mûthigari arî mbaararî. Nîaraugîrîria, aranîrîra na mûgambo mûnene, na nîareyonania arî na vinya gûkîra nthû ciake.

Jeremia 50:44

“Taroria, nîngaûka wa rîmwe ndûme andû a Babuloni maume îtûûrarî rîao wa rîmwe ta mûnyambû umîrîte kîthakarî Kîam Jorodani na ûkathiî ndîthiarî ya ng'ondu. Na nîngathuura mûtongoria wakuo wa ûrîa ngenda. Nû ûngîgananua na nie? Nû wî na ûndû angînjukîra? Nî mûtongoria ûrîkû ûngîregana nanie?

Hosea 11:10

Nîmakaanjaria nie Ngai-Mûnene, ûrîa ûrurumaga ta mûnyambû, rîrîa ngaruruma ciana ciakwa ikauma îthûîro igîtetemaga.

Amosi 3:8

Rîrîa mûnyambû wararama, nî ûrîkû ûtangîtigîra? Rîrîa Ngai-Mûnene aaria, nû ûngîrega kwanîrîra ndûmîrîri yake?

Zakaria 12:8

Vîndî îo Ngai-Mûnene nîakaagitîra andû arîa matûûraga Jerusalemu, nîguo andû arîa matarî vinya gatagatîrî kao makaagîa na vinya ta mûthamaki Daudi. Nacio njiarwa cia Daudi nîigaatongoria andû a Juda ta araika a Ngai-Mûnene, ta arî Ngai ûramatongoria.

Zakaria 14:3

Ngai-Mûnene nîagaacoka atharîkîre ndûrîrî icio arûe nacio ta ûrîa aarûîte nacio mbere.

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Zakaria 9:15

Ngai-Mûnene mwene vinya wonthe nîakaagitîra andû ake, na nîmakaavoota nthû ciao na mathiga ma ikûtha. Makaaugagîrîria marî mbaararî ta mîrîu ya ndivei, magîtûrûra nthakame ya nthû ciao, ta îcûrîte mbakûrirî, îkanyûrûrûka mîthiiarî ya metha ya kîgongoona.

Zakaria 9:8

Nîngaagitîra hekarû yakwa ndîkaatharîkîrwe nî nthû; Gûtirî mûndû ûgaacoka kûvinyîrîria andû akwa rîngî, nîûndû rîu nînîreyonera na metho makwa nie mwene.

Kûguû 10:3

Nake mûraika ûcio nîwaugîrîrie na mûgambo mûnene ta wa mûnyambû ûkîrarama. Rîrîa aarîkirie kugîrîria, ngwa mûgwanja nîciagambire.

Kûguû 5:5

Nake ûmwe gatagatîrî ka athuuri acio nîwambîrire atîrî, “Tiga kûrîra. Ta roria! Mûnyambû wa mûvîrîga wa Juda; na wa nyomba ya Daudi, nîavootanîte, na ke nwa avote gûtumûra ndumo icio mûgwanja na akûnjûre îvuku rîu rîa gîkûnjo.”