Isaia 30:30 - ÎVUKU RÎA ÛVORO MWARO

³⁰ Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Isaia 30:30 ပူးပေါင်းရင်းမြစ်များ

Ayubu 38:22

“Wanatonya makûmbîrî ma mbaravu, kana wona makûmbî ma mbura ya mbembe,

Ayubu 38:23

irîa mbigîte nîûndû wa mavinda ma thîna, wana nîûndû wa mavinda ma mbaara?

Ayubu 40:9

We wî vinya ta nie? Wavota kûruruma na mûgambo ta wakwa?

Thaburi 2:5

Nîacokete akamarîria arî na marakara, na akameguithia guoya akameera atîrî,

Thaburi 46:6

Mavûrûri nî mamaku, mothamaki makainaina; rîrîa Ngai aria, nthî nîîrarûkaga ta mûvûra.

Thaburi 98:1

Inîrani Ngai-Mûnene rwîmbo rûcerû, nîûndû nîekîte maûndû ma magegania! Vinya wake na ciîko ciake ntheru nîitûmîte avootane.

Ntha 15:16

Nîmaagwatirwe nî guoya na kîmako. O monaga vinya waku we Ngai-Mûnene, makarûngama makirîte ki nginya rîrîa andû aku makaavîtûka, andû arîa wavonokirie kuuma ûkomborî.

Ntha 9:23

Kwoguo Musa nîwaûkîrîrie njara yake amîerekeretie na îgûrû matuurî. Nake Ngai-Mûnene nîwaretithirie ngwa na mbura ya mbembe, nacio mveni ikîvenia nginya gûkû nthî. Ngai-Mûnene nîwatûmire

Ntha 9:24

kuure mbura ya mbembe na mveni ciavenagia itagûtigithîrîria. Îo nîyo yarî mbura nene mûno gûtarî kwanonwa îngî ta yo kuuma rîrîa vûrûri wa Misiri wambîrîrie.

Isaia 10:16

Kwoguo Mwathani, Ngai-Mûnene mwene vinya wonthe, nîakaarete mûrimû wa gûtûma athigari ake arîa anoru magînje, naguo riiri wake nîûkaavîvua wakane ta mwaki ûkîrîrîmbûka.

Isaia 10:26

Nie, Ngai-Mûnene mwene vinya wonthe, nîngaamariva na kîvoko ta ûrîa narivire andû a Midiani marî îthigarî rîa Orebu. Ngaamaverithia wata ûrîa naverithirie andû a Misiri.

Isaia 10:5

We Asîria, nîwe rûthanju rûrîa ndûmagîra narakara, nîwe mûragi wa mang'ûrîka makwa.

Isaia 28:2

Taroria, Mwathani nîethuurîrîte njamba îrî vinya; ûrîa wîkariî ta mbura ya mbembe na rûkûngi rûnene, ta makûmbî manene ma manjî makiuna; nîakaamarivania nthî na vinya.

Isaia 29:6

Ngai-Mûnene mwene vinya wonthe nîagaaûka kûrî mue, na njîra ya ngwa, kîthingithia na mûgambo mûnene, rûkûngi rwa ngoma cia aka, rûkûngi rûnene na mwaki wa kûthiria.

Isaia 30:29

Nîmûkaaina nyîmbo ta irîa cinagwa vîndî îrîa kûrî na ûkûngûîri wa kîrugo Kîammûre. Mûgaacanjamûka ta andû mathiîte kîrîmarî Kîam Ngai-Mûnene, mûgitîri wa Isiraeli makîvuvaga mîtûrirû.

Isaia 30:31

Asîria nîmagecûrwa nî guoya mûnene rîrîa makeegua mûgambo wa Ngai-Mûnene akîmaringa na mûragi wake.

Isaia 31:4

Ngai-Mûnene aambîrire atîrî, “Wata ûrîa mûnyambû kana kaana ka mûnyambû ûraramaga ûnyitîte nyamû, wana gîkundi Kîam arîthi kîngîtwa kîthiî gîkaûtharîkîre, ndûngîmakua nî înegene rîao, kana wîgua guoya nî mîgambo yao.” Ûguo nîguo Ngai-Mûnene mwene vinya wonthe akaanyûrûrûka kûrûa arî kîrîmarî gîa Zayuni na nîrî karîmarî ga kîo.

Isaia 32:19

Naguo mûtitû nîûkaathirua viû, narîo îtûûra rîcûkangue viû.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 4:6

Riiri wake nîûgaatuîka kîruru Kîam gûkunîkîra îtûûra mûthenya nîûndû wa ûrugarî wa riûa na kûndû gwa kwîthitha rûkûngi rûnene na mbura.

Isaia 51:9

Ûkîra, ûkîra, we Ngai-Mûnene! Îkîra vinya waku ûtûvonokie, ûkîra wata ûrîa wekire vingo ya tene, kûrî njiarwa cia tene. Na kinthî tîwe watinangirie Rahabu tûcunjî tûcunjî, wa we ûrîa wamundangire njûnamatu?

Isaia 52:10

Ngai-Mûnene nîonanîtie vinya wake mûtheru kûrî andû a mavûrûri monthe, nayo mîthiia yonthe ya nthî nîîkona ûvonokio wa Ngai wetû.

Isaia 62:8

Ngai-Mûnene nîevîtîte na njara yake ya ûrîo, nîakaavingia mwîvîtwa ûcio na vinya wake akiugaga atî: “Ndikaava nthû cienyu irio cienyu rîngî, na ageni matikaanyua rîngî ndivei îrîa mûnogerete.

Isaia 66:15

Ngai-Mûnene agaaûka ekariî ta mwaki. Agaaûka akuuîtwe nî kîvuvûkanio, nîguo averithie arîa mamûrakarîtie na akaananie na nînîmbî cia mwaki.

Isaia 66:16

Nîûndû Ngai-Mûnene agaatuîra andû onthe na mwaki na rûviû rwake; nao andû eengî nîmakaaûragwa.

Jeremia 25:32

Ngai-Mûnene mwene vinya wonthe arauga atîrî, “Taroria mûthiro ûranyita vûrûri ûmwe kûthiî ûrîa wîngî, na rûkûngi rûnene nîrûravurutana, rumîte mîthiia ya nthî!”

Ezek 10:5

Mûgambo ûrîa waumaga mathagurî ma Akerubi nîweguîkaga nginya kîvarorî Kîam nja. Mûrurumo wamo wagambaga ta mûgambo wa Ngai mwene Vinya wonthe.

Ezek 13:13

Kwoguo Ngai-Mûnene augîte atîrî, “Nîngaarekereria rûkûngi rûnene na mbura ya mbembe nîrî na marakara icûkangie rûthingo rûu.

Joeli 2:5

Mararûgarûga marî îgûrû rîa kîrîma, mararûgarûga ta ikaari cia mbarathi; mararuruma ta mwaki wa macaki mama maûmû rîerarî. Mevangîte ta gîkundi kînene Kîam athigari kîîvarîrîtie kûrûa.

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.

Mika 1:4

Irîma nî ikaararûka ta mûvûra irî rungu rwa magûrû make; ikaanyûrûrûka ciandarî ta manjî makînyûrûrûka kuuma kîrîmarî.

Mathaayo 24:7

Mavûrûri nîmakaarûa, namo mothamaki mathithûkanîre. Nîgûkaagîa na yûra kûndû kwîngî na kûgîe na ithingithia.

Luka 1:51

Nî ekîte maûndû manene na njara ciake, nîanyagarûkanîtie arîa etîi wa na mîvango yao.

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Josh 10:10

Ngai-Mûnene nîwatûmire Amori mamake mona athigari a mbaara a Isiraeli. Athigari a Isiraeli nîmaaûragire eengî kûu Gibeoni na nîmaavinyûririe mavîtûkîrîrîte mwanyarî wa kîrîma vandû vetagwa Bethi-horoni. Nîmaathiîre na mbere kûmatharîkîra nginya mwena wa îveti matûûrarî ma Azeka na Makeda.

Josh 10:11

Vîndî îrîa Amori maavinyûrîte mavîtûkîrîrîte mwanyarî wa kîrîma maûrîte kuuma kûrî athigari a Isiraeli, Ngai-Mûnene nîwatûmire maurîrwe nî mbura ya mbembe. Mbura îo nîyamaurîre nginya magîkinya Azeka. Amori eengî nîmaaûragirwe nî mbura îo ya mbembe gûkîra arîa maaûragirwe nî athigari a mbaara a Isiraeli.

Kûguû 1:15

nyarîrî ciake ciakengete ta cuuma ya gîcango îrî ntherie na mwaki, naguo mûgambo wake wagambaga ta ndurumo ya manjî.

Kûguû 11:19

Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.

1Sam 7:10

Vîndî îrîa Samueli aarutaga îtega, Afilisiti nîmaakuvîvîrie Aisiraeli nîguo mamatharîkîre; nwatî Ngai-Mûnene nîwarurumîre Afilisiti na mûgambo mûnene kuuma îgûrû, na makîvîngîcîka; nao Aisiraeli makîmariva mûno.