Isaia 30:3 - ÎVUKU RÎA ÛVORO MWARO

³ Kwoguo ûgitîri ûcio wa mûthamaki wa Misiri nîûkaamûconorithia, nakuo kwîthitha vûrûrirî wa Misiri kûmwîguithie nthoni.

Isaia 30:3 ပူးပေါင်းရင်းမြစ်များ

2Atha 18:21

Wîvokete mûthamaki wa Misiri, nwatî kûu nî ta gwîtiira na kamûthanje gaka kaunîku. Kamûthanje kaunîkaga na gakamunda njara ya mûndû ûrîa ûkanyitîte. Ûguo nîguo mûthamaki wa Misiri ekariî kûrî andû onthe arîa mamwîvokaga.

Thaburi 108:12

Tûtethie kûrûa na nthû cietû; nîûndû ûtethio wa mûndû nîwa mana.

Nthi 25:19

Gwîtîkia mûndû ûtarî mwîvokeku vîndî ya thîna, nîta kûrîa irio na îgego yoru kana kûrûngama na kûgûrû kûrî na wonje.

Isaia 20:5

Kwoguo arîa onthe mevokete Ethiopia na metîîaga nîûndû wa Misiri nîmakaamaka na maconoke.

Isaia 20:6

Nao andû arîa matûûraga rûtererî rwa îria, mûthenya ûcio nîmakaauga atîrî, ‘Taroriani ûrîa gwekîkire kûrî andû arîa tûrevokete atî nîmagûtûgitîra kûrî mûthamaki wa Asîria! Rîu tue-î, nîtûkûvonoka?’ ”

Isaia 36:6

Taroria, we wîvokete Misiri, mûthanje ûcio munîku, ûrîa ûkaamunda njara ya mûndû wa wonthe ûrîa ûgeetiira naguo. Ûguo nîguo mûthamaki wa Misiri ekariî kûrî arîa onthe mamwîvokaga.’

Jeremia 2:36

Wocaga ûvoro wa kûgarûrûka na ûvûthû nîkî ûkagarûrîra mîthiîre yaku? We nîûgûconorithua nî andû a Misiri, wata ûrîa waconorithirue nî andû a Sîria.

Jeremia 42:18

“Ngai-Mûnene mwene vinya wonthe, Ngai wa Isiraeli arauga atî: wata ûrîa marakara na mang'ûrîka makwa makinyîre andû arîa matûûraga Jerusalemu, nwa ta guo marakara makwa makamûkinyîra, ethîrwa nîmûkûthiî Misiri. Mûgaatuîka ta kîndû gîa kûmenwa, kîndû gîa kûmakania, kîrumi, na gîconoko. Mûtikona gûkû tûrî rîngî.”

Jeremia 42:22

Kwoguo, rîu menyani nama atî kûndû kûu mwîrirîrîtie kûthiî gûtûûra, nîmûgaakuîra kuo nî mbaara, yûra na mîrimû.”

Jeremia 46:25

Ngai-Mûnene mwene vinya wonthe Ngai wa Isiraeli augire atîrî, “Taroria, nie nîngaverithia Amoni ngai ya Thebesi, Misiri na ngai ciake na athamaki ake, vamwe na andû arîa mamwîtîkîtie.

Ezek 29:7

Rîrîa maakûnyitire na njara ciao nîwaunîkire na ûkîguraria ciande ciao. Rîrîa metiranirie nawe, nîwaunîkire na ûgîtûma matetema ciîga cia mîîrî.

Hosea 10:6

Mûviano ûcio nîûkaavirwa Asîria, ûrî ta gooti kûrî mûthamaki mûnene. Andû a Efiraimu nîmagaconorithua, Andû a Isiraeli nîmagaconoka nîûndû wa mûviano wao.

Aroma 10:11

Mandîko matheru maugîte atîrî, “Mûndû wa wonthe ûmwîtîkîtie ndagaaconorithua.”

Aroma 5:5

Twagîa na kîîrîgîrîro tûtikucaga ngoro nîûndû Ngai nîatwîkîrîte wendo ngororî cietû na njîra ya Roho Mûtheru. Roho ûcio nî kîveo gîetû kuuma kûrî Ngai.