Isaia 30:27 - ÎVUKU RÎA ÛVORO MWARO

²⁷ Taroriani, Ngai-Mûnene nîaûkîte aumîte kûndû kûraca, atûmbîtwe nî marakara na arî ndogorî ndumanu îkiunûkagia; mîromo yake îcûrîtwe nî mang'ûrîka, naruo rûrîmî rwake rwîkariî ta mwaki ûrîa ûvîvagia viû.

Isaia 30:27 ပူးပေါင်းရင်းမြစ်များ

Thaburi 79:5

We Ngai-Mûnene, nîûrakara nî tue nginya rî? Marakara maku nî mathiî na mbere gwakana ta mwaki nginya rî?

Isaia 10:5

We Asîria, nîwe rûthanju rûrîa ndûmagîra narakara, nîwe mûragi wa mang'ûrîka makwa.

Isaia 13:5

Maûkîte maumîte mavûrûri ma kûraca, maumîte mîthiia yonthe ya nthî. Ngai-Mûnene arî na marakara akuuîte indo ciake cia mbaara, nîguo acûkangie nthî yonthe nîûndû wa marakara make.

Isaia 33:12

Andû mageekara takwa mavîvîtue magatuîka mûu, kana ta mîgua îtemetwe îkavîvua na mwaki.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 34:9

Tûrûnjî twa Edomu nîtûkaagarûrûka tûtuîke rami, naguo mûthetu wa kuo ûtuîke ûviriti. Vûrûri wonthe ûgaatuîka ta rami îgûakana mwaki.

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Isaia 59:19

Kuuma mwena wa îthûîro, wa mûndû nîagetigîra rîîtwa rîa Ngai-Mûnene, na onanie riiri wake kuuma mwena wa îrathîro. Nîûndû Ke agaaûka ta rûnjî rûvinyûrîte, rûtindîkîtwe nî rûkûngi rûnene rwa Ngai-Mûnene.

Isaia 66:14

Rîrîa mûkoona maûndû mau magîkîka nîmûgaakena, mûgeekara mûrî na ûgima wa mîîrî na mûrî na vinya. Vîndî îo nîrîo gûkaamenyekana atî nie Ngai-Mûnene, nînie ngitagîra ndungata ciakwa. Na rîrîa narakara nîmverithagia nthû ciakwa.”

Isaia 66:15

Ngai-Mûnene agaaûka ekariî ta mwaki. Agaaûka akuuîtwe nî kîvuvûkanio, nîguo averithie arîa mamûrakarîtie na akaananie na nînîmbî cia mwaki.

Isaia 9:5

Iratû cionthe cia athigari a mbaara arîa maatharîkagîra, na nguo ciao cionthe irîa irî na maroro ma nthakame, nîikaavîvua ta ngû.

Jeremia 4:4

Mue andû a Juda na atûûri a Jerusalemu, îtherieni mûrî mbere yakwa nie Ngai-Mûnene, igani ngoro cienyu îrî ntheru mûrî mbere yakwa. Ethîrwa tî mwîka ûguo nîmbakanwa nî marakara, na gûtirî mûndû ûngîmavoria, nîûndû wa maûndû macûku marîa mwîkaga.”

Ezek 22:31

Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.

Danieli 7:10

Mwaki waumaga gîtîrî kîu ta rûnjî. Andû ngiri makûmi meengî nîmaarûngamire mbere yake, îgooti nîrîambîrîrie, na mavuku makîguûrua.

Danieli 7:9

“Ndoretie wa ûguo, nînoonire itî cia ûthamaki ikigwa vandû va cio. Nake ûrîa wîthîrîtwe atûûrîte tene na tene nîwekarîre gîtî kîmwe. Nguo ciake ciacerûvîte ta îra, nacio njuîrî ciake cia kîongo ciacerûvîte ta guoya wa ng'ondu. Gîtî gîake Kîam ûthamaki Kîamrî na nthugû ciavenagia ta nînîmbî cia mwaki.

Zefania 3:8

Ngai-Mûnene nîwaugire atîrî, “Mbetererete mûthenya ûrîa ngarûngama nîrî mûira. Nînduîte ciira atî nîngûngania mavûrûri na mothamaki. Nthî yonthe nîgaacûkangua nî mwaki wa marakara ma Ngai-Mûnene.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Gûco 32:22

Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.

Gûco 33:2

Augire atî: Ngai-Mûnene aaumire kîrîmarî gîa Sinai; aatumîrîre ta riûa kuuma kîrîmarî Kîam Edomu, na akîarîra andû ake arî kîrîmarî gîa Parani. Aaûkire arî na araika ngiri makûmi meengî, aanyitîte rûrîrîmbî rwa mwaki na njara.

Gûco 4:24

Ngai-Mûnene, Ngai wenyu ekariî ta mwaki ûrîa ûvîvagia ûkathiria viû. Ke nî Ngai wî wîru.

2Ath 2:8

Vîndî îo Mûndû ûcio Mwaganu nîakoonanua. Nwatî rîrîa Mwathani Jesû agaaûka nîakaamûraga na mîruke kuuma kanyuarî gake na amûthirie na njîra ya kwîyumîria arî na riiri.

Ahib 12:29

nîûndû Ngai wetû nî mwaki ûrîa ûvîvagia ûkathiria.