Isaia 30:20 - ÎVUKU RÎA ÛVORO MWARO

²⁰ Wana ethîrwa Mwathani nîagaatûma mwone mathîna na mînyamaaro, ke nîke mwarimû wenyu na ndakethitha rîngî, nwatî nîmûkaamwona na metho menyu mue ene.

Isaia 30:20 ပူးပေါင်းရင်းမြစ်များ

1Atha 22:27

Ûmere mamûvingîre njeera na mamûrûmagie tûirio tûnini na manjî, nginya rîrîa ngaacoka nîrî na thayû.”

2Maû 18:26

na mûmeere mamwikie njeera na avecagwe kamûgate kanini na manjî nginya rîrîa ngaacoka na thayû.”

Thaburi 102:9

Ndîcaga mûu ta irio, ndukanagia methori makwa na kîrîa nyunyaga,

Thaburi 127:2

Mûrutaga wîra wa mana rîrîa mûkûramûka tene, na mûkamamaga mûrî acerere, mûkîruta wîra na vinya nîguo mwone gîa kûrîa; Ngai-Mûnene avecaga arîa endete gîa kûrîa marî toro.

Thaburi 30:5

Marakara ma Ngai-Mûnene nî ma kavinda kanini, na wega wake nî wa tene na tene. Nwa kwîthîrwe kûrî na kîrîro ûtukû, nwatî kîraûko kwîthîrwe na gîkeno.

Thaburi 74:9

Marûûri metû monthe marîa matheru nî mathiru; gûtirî mûrathi wanarî ûmwe mûtigaru, na gûtirî mûndû wanarî ûmwe gatagatîrî getû wicî nîgwîkara ûguo nginya rî.

Thaburi 80:5

Nîûtûmîte kîeva gîtuîka irio cietû, na ûgatûva methori matuîka kîndû gîa kûnyua.

Isaia 28:9

Manthekagîrîra makîûragia atîrî, “Mûrathi ûcio arenda kûthomithia û? Areciria nîagûtûtarîria ndûmîrîri yake? Tue tûrî ciana cia ngenge irîa iratigithirue kwonga?

Isaia 33:16

Mûndû wa mûthemba ûcio atûûraga îgûrû; vandû vake va ûgitîri vakethagîrwa vatumîtwe na nthingo cia vinya. Ndagaatura irio cia kûrîa, kana manjî ma kûnyua.

Isaia 51:14

Andû arîa movetwe nîmakaarekererua na îvenya; matigaakua na mathiî kwa arîa akuû, wana kana mature gîa kûrîa.

Mathaayo 9:38

Kwoguo voyani nîguo mwene maketha atûme aruti wîra nîguo makaûnganie maketha make.”

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Aefeso 4:11

Ke nîke wavecanire iveo kûrî andû. Aathuurire amwe matuîke atûmwa, engî matuîke arathi, engî matuîke avunjia a Ûvoro Mwaro na engî matuîke arîthi na arimû.

Gûco 16:3

Mîgate îrîa mûkarîcaga kîrugorî gîkî ndîkethagîrwa îkîrîtwe ndawa ya kwimbia, na mûkaarîcaga mîgate îo mîthenya mûgwanja wata ûrîa mwekire vîndî îrîa mwaumaga Misiri na îvenya. Mûgate ûyû ûgetagwa wa mathîna, nîguo mavinda marîa monthe mûgûtûûra mwoyo mûririkanage mûthenya ûrîa mwaumire Misiri.