Isaia 30:2 - ÎVUKU RÎA ÛVORO MWARO

² Ciambagîrîria rûgendo ithiîte Misiri itambûrîtie ûtaaro, ithiîte gûcaria ûgitîri wa mûthamaki wa Misiri, na ikathiî gûcaria gwa kwîthitha vûrûrirî wa Misiri!

Isaia 30:2 ပူးပေါင်းရင်းမြစ်များ

1Atha 22:7

Nwatî Jehoshafati nîwaûririe atîrî, “Nîkwa gûkû gûtarî mûrathi wa Ngai-Mûnene wîngî tûngîûria ûvoro?”

2Atha 17:4

Nwatî Hoshea nîwatûmîte anjaama kûrî mûthamaki wa Misiri na Hoshea nîwatigire kûrîvaga gooti kûrî mûthamaki wa Asîria ta ûrîa eekaga wa mwaka wa mwaka. Rîrîa Shalimaneseri aamenyire ûguo, nîwaugire Hoshea anyitwe na avingîrwe njera.

2Atha 18:21

Wîvokete mûthamaki wa Misiri, nwatî kûu nî ta gwîtiira na kamûthanje gaka kaunîku. Kamûthanje kaunîkaga na gakamunda njara ya mûndû ûrîa ûkanyitîte. Ûguo nîguo mûthamaki wa Misiri ekariî kûrî andû onthe arîa mamwîvokaga.

Isaia 16:3

Andû a Moabu marera andû a Juda atîrî, “Tûtaareni, mûtwîre ûrîa tûgwîka. Tûthitheni mûtûgitîre, ta ûrîa gûtukaga ûtheri ûkathira. Tûthitheni tue tûraûrûra; mûtigatûkunyanîre tue nîkwa tûrîte.

Isaia 18:1

Kûrî na vûrûri ûrî mûringo wa nyûnjî cia Ethiopia, mathagu meguîkaga makîvatavata.

Isaia 36:6

Taroria, we wîvokete Misiri, mûthanje ûcio munîku, ûrîa ûkaamunda njara ya mûndû wa wonthe ûrîa ûgeetiira naguo. Ûguo nîguo mûthamaki wa Misiri ekariî kûrî arîa onthe mamwîvokaga.’

Isaia 36:9

We ûngîvota kwîgananua atîa wanarî na mûnene ûrîa mûnini mûno gatagatîrî ka ndungata cia mûthamaki wa Asîria, na nwa wîvokete mûthamaki wa Misiri agûtûmîre ikaari cia mbarathi na andû arîa mathiîcaga matwîte mbarathi?

Isaia 8:19

Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Jeremia 2:18

Nîûgîa na umithio ûrîkû wathiî Misiri kûnyua manjî ma rûnjî rwa Nilo? Kana nî ûgîa na umithio ûrîkû wathiî Asîria, kûnyua manjî ma Rûnjî ma Efarati?

Jeremia 21:2

“Ûria ûvoro wetû kûrî Ngai-Mûnene, nîûndû mûthamaki Nebukadinezarû wa Babuloni nîevarîrîtie gûtûtharîkîra, nwa kwîthîrwa Ngai-Mûnene nîagûtûringîra Kîamma nîguo Nebukadinezarû atigane natue.”

Jeremia 37:5

Athigari a mbaara a Akalidei nîmaacîgîrîrîtie îtûûra rîa Jerusalemu marîtharîkîre, na rîrîa meegwire athigari a mbaara a mûthamaki wa Misiri nîmaakîrîte mûvaka maumîte Misiri, athigari a mbaara a Akalidei namaaûrire makiuma kuo.

Jeremia 42:14

na muge atî mûrenda kûthiî gûtûûra Misiri, kûrîa mûtagaacemania na mbaara kana mwîgua mûgambo wa tûrumbeta, kana mûtura irio;

Jeremia 42:2

nîmaathiîre kûrî Jeremia na makîmwîra atîrî, “Wenda tu thikîrîria ûrîa tûrakûria! Îtîkîra gûtûthaithanîra kûrî Ngai-Mûnene Ngai waku, nîûndû wa andû aya matigarîte, (nîûndû twarî andû engî nwatî rîu tûtigarîte tûrî anini tu, wata ûguo ûrona).

Jeremia 42:20

namwîra atî mûrî aûru, na mûtûûrîre wenyu ûrî ûgwatirî nîûndû nîmwandûmire kûrî Ngai-Mûnene Ngai wenyu na mûkîmbîîra atî, ‘Tûvoere kûrî Ngai-Mûnene Ngai wetû, na ûrîa wonthe Ngai-Mûnene Ngai wetû akauga, nîtûgeka.’

Jeremia 43:7

Andû acio nîmaathiîre vûrûrirî wa Misiri, nîûndû nîmareganire na Ngai-Mûnene, na nîmaathiîre magîkinya îtûûrarî rîtagwa Tahifanihesi.

Maca 4:20

Nîmaanyitire mûnene, ûrîa wathuurîtwe nî Ngai-Mûnene, ûrîa twevokete atî nîke ûgatûgitîra kuuma kûrî nthû cietû.

Hosea 7:13

O nîanyite nî kîrumi nîûndû nîmandiganîrîtie! Nîmagûcûkangua nîûndû nîmareganîte nanie! nîmendaga kûmakûûra, nwatî o maaragia maveeni îgûrû rîakwa.

Hosea 8:10

Wana ethîrwa nîmeyendetie kûrî andû a ndûrîrî, nie nîngaamaûngania wa rîmwe. Vîndî îo nîrîo makegua maûndû makîmaritûvîra marî rungu rwa mûthamaki ûrîa ûmavinyagîrîria.

Hosea 8:9

nîûndû nîmaathiîre kûvoya ûtethio kûrî Asîria. Efiraimu îkariî ta nyûmbû îkîûrûra yonga; Efiraimu nîmwîendiu kûrî arata ake.

Ndari 27:21

Eliazaru, mûthînjîri-Ngai nîke ûkaamûmenyithagia wendi wakwa na njîra ya gûtûmîra Urimu na Thumimu. Na njîra îo, Eleazaru agaatongoragia Joshua na andû onthe a Isiraeli maûndûrî mao monthe.”

Gûco 28:68

Ngai-Mûnene nîakaamûcokia Misiri na meri, wana ethîrwa nîmwaugîte atî mûtigaacoka kuo rîngî. Na mûrî kûu, nîmûkevecana kûrî o nîguo mamûgûre mûtuîke ngombo cia nthû cienyu, nwatî gûtirî mûndû ûkaamûgûra.”

Josh 9:14

Nao atongoria a Isiraeli nîmaamûkîre irio imwe kuuma kûrî andû a Gibeoni. Andû a Isiraeli nîmeetîkîre kûrûtha kîrîkanîro mbere ya gûtuîria ûvoro wakîo kuuma kûrî Ngai-Mûnene.

Atir 9:15

Naguo mûtare wa kîthakarî nîwerire mîtî îo îngî atîrî, ‘Ethîrwa nîmûkwenda nduîke mûthamaki wenyu, ûkani mwîkare kîrururî gîakwa na ethîrwa tî mwîka ûguo, mwaki ûrouma mûtarerî ûyû wa kîthaka na ûvîvie mîtarakwe ya Lebanoni viû.’ ”