Isaia 30:16 - ÎVUKU RÎA ÛVORO MWARO

¹⁶ Vandû va ûguo mue mwaugire atîrî, “Naarî! Tue tûkaavinyûra tûtwîte mbarathi irîa irî îvenya.” Îî nîguo, nîmûkaavinyûra na mbarathi irîa irî îvenya, nwatî arîa makaamûvinyûria makethîrwa matwîte mbarathi irî na îvenya makîria!

Isaia 30:16 ပူးပေါင်းရင်းမြစ်များ

2Atha 25:5

Nwatî athigari a mbaara a Babuloni nîmaarûmîrîrie mûthamaki Zedekia na nîmaamûkinyîrîre kûndû kûrîa kwaraganu kûu Jeriko. Nao athigari ake onthe nîmaanyaganirie makîmûtiga.

Ayubu 39:11

Nwa ûmîîvoke nîûndû atî îrî na vinya nyîngî, na ûmîtigîre wîra waku mûrito îkûrutîre?

Thaburi 147:10

Ndakenagua nî vinya wa mbarathi, kana akenua nî athigari njamba.

Thaburi 33:17

Mbarathi cia mbaara itingîvotithia mûndû kûvootana, vinya wa cio mûnene ndûngîvonokia mûndû.

Isaia 2:7

Vûrûri wao wîcûrîte sîlûva na thaavu, na mûthithû wao ndûngîthira. Vûrûri wao wîcûrîte mbarathi, na ikaari ciao cia mbaara itingîtarîka.

Isaia 31:1

Kaî arîa mathiîcaga Misiri gûcaria ûtethio marî thînarî-î, arîa mevokaga mbarathi nîûndû atî nî nyîngî, arîa mevokaga ikaari ciao cia mbaara nîûndû nî nyîngî, na athigari arîa mathiîcaga matwîte mbarathi nîûndû marî vinya nyîngî, nwatî matiîvokaga Ûrîa Mûtheru wa Isiraeli, kana maûria ûtaaro kûrî Ngai-Mûnene.

Isaia 31:3

Andû a Misiri nî andû tu, na tîo Ngai; nacio mbarathi ciao nî nyama tu, na tî maroho. Rîrîa Ngai-Mûnene agaatambûrûkia njara yake, mûtethania wana mûtethua, gûtirî ûtakaagwa, na onthe makaathira vamwe.

Jeremia 39:4

Rîrîa Zedekia mûthamaki wa Juda na athigari ake onthe maamonire, nîmaaumire kûu îtûûrarî ûtukû makîûra. Mavîtûkîrîre mûgûndarî wa maûa wa mûthamaki, matonyerete mûrangorî ûrîa warî gatagatî ka nthingo igîrî na makîthiî merekerete Araba.

Jeremia 4:13

Taroria nthû yûkîte ta matu, ikaari ciake cia mbaara nîta rûkûngi rûnene; mbarathi ciake irî na îvenya gûkira nderi, kaî tûrî na thîna-î, tûrî athirie!

Jeremia 46:6

Arîa marî îvenya mativotaga kûûra, wana athigari njamba matingîvota kwîthara, mwena wa rûgûrû wa rûnjî rwa Farati, nîavîngîce na makagwa.

Jeremia 52:7

Kwoguo rûthingo rwa îtûûra nîrwatûrîkirue, nao athigari a mbaara makiuma îtûûrarî rîu ûtukû, makîûra. Nao mavîtûkîrîre mûgûndarî kwa mûthamaki na makîthiî makiumîrîra kîvingorî kîrîa Kîamrî gatagatî ka nthingo irîa igîrî. Maathiîre maroretie mwena wa werû wa Araba.

Maca 4:19

Arîa maatûvinyûrîtie maarî na îvenya mûno, gûkîra ndiiû irî îgûrû, maavinyûranîrie natue irîmarî, na magîtwîthithîra werûrî.

Amosi 9:1

Nînonire Ngai-Mûnene arûngamîte metharî ya kîgongoona. Nake nîwathanire atîrî, “Ringa ciongo cia itugî cia hekarû na vinya mûno, nginya mîcingi yayo inaine, mîomomore îgwîre andû arîa marî kuo, na arîa magatigara nîngaamaûraga na rûviû. Gûtirî mûndû wa naarî ûmwe ûkauma kuo, gûtirî wanarî ûmwe ûkaûra.

Mika 1:13

Mue mûtûûraga Lakishi, overerani ikaari cia mbaara mbarathirî. Nîmwekire mevia ta marîa mekirwe nî andû a Jerusalemu, na mûgîtûma andû a Isiraeli mevie.

Habakuku 1:8

“Mbarathi ciao irî îvenya gûkîra itang'a; nînyûmîrîru gûkîra ciathi irî mvûtu. Itwîte mbarathi ciumîte kûndû kûraca; andû ao arîa mathiîcaga maumaga kûndû kûraca, igûrûkaga na îvenya ta nderi îkînyita gîa kûrîa.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 28:49

Ngai-Mûnene nîakaarete vûrûri kuuma kûndû kûraca ûrîa mûtaicî rûthiomi rwao, ûûke ûmûtharîkîre wa rîmwe ta nderi.