Isaia 30:10 - ÎVUKU RÎA ÛVORO MWARO

¹⁰ Meraga oni maûndû atîrî, ‘Tigani kwona maûndû.’ Na makeera arathi atîrî, ‘Mûtigatûrathîre maûndû marîa magîrîru, twaragîrieni maûndû marîa maro, na mûrathage maûndû ma maveeni.

Isaia 30:10 ပူးပေါင်းရင်းမြစ်များ

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

1Atha 22:27

Ûmere mamûvingîre njeera na mamûrûmagie tûirio tûnini na manjî, nginya rîrîa ngaacoka nîrî na thayû.”

2Maû 16:10

Mûthamaki Asa nîwarakarire mûno nî ciugo cia mûrathi Hanani na nîwamûvingîrithirie njera. Kuuma vîndî îo Asa nîwambîrîrie kûvinyîrîria andû amwe.

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

Ayubu 41:3

Nwa gîkûthaithe ûkîrekie? Nwa gîgûkaîre ûkînakîguîra ntha?

Isaia 28:15

Nîûndû mugîte atîrî, “Tue tûrî arûthu kîrîkanîro na gîkuû, na tûrîetîkanîriu na kwa arîa akuû! Rîrîa mûthiro ûkaavîtûkîrîra gûkû ndûgaatûvutia, nîûndû tûtuîte maveeni kûndû gwa kûrîra, na tûkethitha maûndûrî ma maveeni.”

Isaia 29:10

Nîûndû Ngai-Mûnene nîatûmîte mûnyitwe nî toro na mûmame toro ndito; nîavingîte metho menyu mue arathi, na nîakunîkîte ciongo cienyu, mue oni a maûndû.

Isaia 5:20

Andû arîa metaga maûndû macûku maro kaî marî na thîna-î, namo maûndû maro makameta macûku. Arîa maugaga nduma nî ûtheri, naguo ûtheri nî nduma. Arîa maugaga kîndû kîrîa kîrûrû kîrî mûrîo, nakîo kîrîa kîrî mûrîo nî kîrûrû.

Jeremia 11:21

Kwoguo, ûvoro wîgiî andû a Anathothi arîa marenda kûmbûraga Ngai-Mûnene arauga atîrî, “Ndûkarathe ûvoro ûkîgwetaga rîîtwa rîa Ngai-Mûnene, na weka guo nîtûgûkûraga.”

Jeremia 23:17

Vîndî cionthe meraga andû arîa mareganîte na kiugo Kîam Ngai-Mûnene atî, ‘Maûndû maku monthe nî maro tî macûka.’ Nake mûndû ûrîa wîthagîrwa arî na ngoro nyûmû maugaga atîrî, ‘Ndûkagîa na ûndû mûcûku.’

Jeremia 26:11

Athînjîri-Ngai na arathi nîmaacokire makîra anene na andû onthe atîrî, “Mûndû ûyû avatiî gûtuîrwa kûûragwa, nîûndû nîarathîte maûndû macûku megiî îtûûra rîîrî. Muonthe nîmweîguîra na matû menyu.”

Jeremia 29:27

Nî ndûî vi kîgirîtie ûkaania Jeremia wa kuuma Anathothi ûrîa wîthîrîtwe agîkûrathîra?

Jeremia 36:29

Nake Ngai-Mûnene nîwambîrire mbîre mûthamaki atîrî, ‘We nîûravîvirie îvuku rîa gîkûnjo ûkîûragia atî: Nîndûî gîtûmîte wandîke atî mûthamaki wa Babuloni nîagaaûka na acûkangie vûrûri ûyû, na aûrage andû na nyamû irîa irî kuo?’

Jeremia 38:4

Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Amosi 2:12

Nwatî nîmwatûmire Anazari manyue ndivei, na makîatha arathi matikarathe.

Amosi 7:13

Nwatî ndûkarathîre îtûûra rîa Betheli rîngî. Nîûndû nîkuo mûthamaki agoocagîra na nî hekarû ya vûrûri ûyû.”

Mika 2:11

Ethîrwa mûndû nwa athiî akîaragia maveeni, akiugaga atî, ‘Nîmûrathagîra atî ndivei na njovi nîciîthîrwa irî nyîngî,’ mûvunjia ta ûcio nîke andû aya mangîenda.

Mika 2:6

Maugaga atîrî, “Ndûgatûvunjîrie, ndwagîrîrwe nî gûtûvunjîria maûndû mama; nîûndû Ngai ndangîtûconorithia.

Johana 7:7

Andû a nthî matingîmûmena, nwatî nie nîmamenete nîûndû nînîmeraga atî nîmekaga maûndû macûku.

Johana 8:45

Nwatî nie mbaragia ûvoro wa ma na nîkîo mûrarega kûmbîtîkia.

Ciîko 4:17

Nwatî nîguo ûvoro ûyû ndûgatambe makîria gatagatîrî ka andû, tigani tûmakaanie matikarîrie mûndû wana ûrîkû rîngî na rîîtwa rîa Jesû.”

Ciîko 5:28

na akîmeera atîrî, “Tue tûramûkaanirie na vinya tûkîmwîra mûtikathomithanie na rîîtwa rîa mûndû ûcio. Nwatî mue ta roriani ûrîa mwîkîte! Mue mûthomithanîtie Jerusalemu kuonthe, na mûrenda tûcokwe nî nthakame ya mûndû ûcio!”

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

Agal 4:16

Nîkwa rîu nduîkîte nthû yenyu nîûndû wa kûmwîra ûma?

2Tim 4:3

Mavinda nîmagaûka rîrîa andû makaarega kûthomithua maûndû marîa magîrîrîte. Nwatî nîmakeyûnganîria arimû ao kûringana na merirîria mao. Arimû acio nîmakaamakenia, nîûndû makaaragia maûndû marîa matû mao mendete kwîgua.

2Tim 4:4

Andû nîmaakagarûrûka matige kûrûmîrîra ûma na macoke mathikaagîrîrie ng'ano cia gwîtungîra.

Kûguû 11:7

Na marîkia kûvecana ûira wao, nyamû îrîa yumaga îrimarî îrikîru rîtarî mûthiia nîîkarûa nao îmavoote na îmaûrage.

1Sam 9:9

Mbererî vûrûrirî wa Isiraeli mûndû akîthiî kûria ûndû kûrî Ngai augaga atîrî, “Ûka tûthiî tûkone mwoni maûndû” nîûndû mûndû ûrîa wîtagwa mûrathi, tene etagwo mwoni maûndû.