Isaia 3:9 - ÎVUKU RÎA ÛVORO MWARO

⁹ Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Isaia 3:9 ပူးပေါင်းရင်းမြစ်များ

Kîam 13:13

Andû a kûu Sodomu maarî evia na nîmeekaga maûndû macûku mûno marî mbere ya Ngai-Mûnene.

Kîam 19:34

Mûthenya ûcio wîngî mwîrîtu ûcio mûkûrû nîwerire ûrîa mûnini atîrî, “Vwaî nînie nîramenyanire kîîmwîrî na vava. Tiga tûmûve ndivei rîngî ûmûnthî nîguo arîwa nawe ûmenyane nake kîîmwîrî, na tuoîrî nîtûkûgîa ciana na vava.”

Kîam 4:5

nwatî nîwaregire Kaini wa vamwe na matega make. Kwoguo Kaini nîwarakarire mûno na agîtukia ûthiû.

2Atha 9:30

Rîrîa Jehu aakinyire Jezireeli, Jezebeli nîwegwire ûvoro ûcio. Nîwegemirie metho make, akîrûtha njuîrî ciake waro, akîthiî ndiricarî na akîrorereria na kûu vûrûrirî.

Thaburi 10:4

Andû arîa aganu matiîciragia ûvoro wa Ngai-Mûnene, nîûndû wa mwîtîîo wao maugaga atî, “Gûtirî Ngai.”

Nthi 15:32

Mûndû ûrîa ûregaga gûtaarwa enyararaga ke mwene, nwatî mûndû ûrîa wîtîkagîra kûrutwa mavîtia nîagîcaga na ûmenyo.

Nthi 30:13

Kûrî andû meyonaga marî aro mûno, na kaî nîmeyonaga marî aro î!

Nthi 8:36

Nwatî arîa matamonaga metivagia o ene, arîa mamenete nîmendete gîkuû.”

Isaia 1:10

Thikîrîriani ûrîa Ngai-Mûnene arauga mue anene a Sodomu! Thikîrîriani ûrîa Ngai wetû arathomithania mue andû a Gomora!

Isaia 3:16

Ngai-Mûnene augîte atîrî, “Aka a Zayuni marî mwîtîîo, mathiîcaga maûkîrîrîtie ciongo makîîroraroragia, makinyûkagia na mwîcaaro, makîgambagia njang'iri magûrû.

Isaia 57:20

Nwatî andû arîa aganu mekariî ta îria rîgikia ndiivû, rîrîa rîtangîvoorera; makûmbî ma manjî ma rîo maikagia ndaka na gîko ndeererî ciarîo.

Isaia 59:12

Nîûndû nîtûkûvîtîrîtie mûno. Mevia metû nîmaratûthitanga, nîûndû tûthiîcaga tûkuuîte mavîtia metû, na nîtîcî mawîvia metû monthe.

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Jeremia 6:15

O nîmaaconokire rîrîa mekire maûndû marîa marî magigi? Narî matiaconoka wanarî vanini, na mationa ûndû ûngîtûma megua nthoni. Kwoguo makaagwa ta ûrîa arîa engî magûcaga, vîndî îrîa ngamaverithia, ûcio ûkethîrwa ûrî mûthiia wao. Ûguo nîguo nie Ngai-Mûnene nauga.”

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Maca 5:16

Ngumo yetû nî nthiru, kaî tûrî thînarî-î, nîûndû nîtwîvîtie!

Ezek 16:30

Ngai-Mûnene arauga atîrî, “We ûrî kîviti, nîwekire maûndû mau monthe ma ûmaraa ûtagûconoka.

Ezek 16:49

Îvîtia rîa mwarwanyûkwe Sodomu nî atî, ke na erîtu ake maarî etîi, maarî na irio cia kwîgana na nîmeganîrîte, nwatî matiatethagia andû arîa maarî athîni na avatari.

Ezek 23:16

Rîrîa oonire mbica icio nîwerirîrie arûme acio na agîtûma anjaama kûrî o vûrûrirî wa Kalidei.

Danieli 7:20

Nînendire kûmenya ûvoro wa mvîa îkûmi irîa ciarî kîongorî Kîamyo na ûvoro wa rûvîa rûrîa rwîngî rwacokire kûmera na rûgîtûma mvîa icio ciîngî ithatû igûûke. Rûvîa rûu rwarî na metho na rwaragia na mwîtîîo, na nîruo rwonekaga rûrî rûnene gûkîra mvîa icio ciîngî.

Hosea 13:9

Nîngûmûcûkangia mue andû a Isiraeli; nû ûngîmûtethia?

Hosea 5:5

Mwîtîîo wa andû a Isiraeli ûrî ûtherirî; andû a Efiraimu nîmavîngîcwa nî mevia mao, wanao andû a Juda nîmavîngîcwa vamwe nao.

Aroma 6:23

Nîûndû mûcara wa mevia nî gîkuû, nwatî kîveo kîrîa Ngai avecanaga nî mwoyo wa tene na tene mûrî rûmwe na Jesû Kristû Mwathani wetû.

Kûguû 11:8

Nacio ciimba ciao nîikaamama njîrarî ya îtûûra rîrîa rînene kûrîa Mwathani wao ambîîrwe. Na rîo rîîtwa rîa ngerekano rîa îtûûra rîu nî Sodomu, kana Misiri.

1Sam 15:32

Samueli nîwathanire akiuga atîrî, “Tandetereni Agagi, Mûthamaki wa Amaleki ava.” Nake Agagi nîwathiîre kûrî Samueli aûmîrîrîtie akîîraga na ngoro atîrî, “Nama ûrûrû wa gîkuû nîmûthiru.”