Isaia 3:3 - ÎVUKU RÎA ÛVORO MWARO

³ anene a ikundi cia athigari mîrongo îtano, na andû arîa marî gîtîîo, ataarani na andû arîa marî wara wa kûringa ciama, ago na aragûri arîa aûgî mûno.

Isaia 3:3 ပူးပေါင်းရင်းမြစ်များ

Ayubu 22:8

Nîwîtîkîrîtie arîa marî vinya gwoca ithaka, na ûgîtîkîria arîa wendete matûûre kuo.

Ntha 18:21

Nwatî îgûrû rîa maûndû mau monthe thuura andû gatagatî ka andû aya onthe. Ûthuure arûme arîa marî na ûvoti, na metigîrîte Ngai, evokeku na andû mathûrîte mavaki. Andû acio matue atongoria a andû. Amwe matongoragie ikundi cia andû ngiri, engî magana, na engî ikundi cia andû mîrongo îtano na engî makûmi.

Ntha 4:10

Nwatî Musa nîwaugire atîrî, “Ngai-Mûnene, we Mwathani wakwa, ndûkandûme nie. Ndicî kwaria waro kuuma tene, wana kuuma vîndî îrîa wambîrîrie kûmbarîria na nînyenyaga.”

Isaia 3:2

Nîakûthengutia andû arîa njamba na athigari, atucanîri ciira na arathi, aragûri na athuuri,

Isaia 3:4

Ngai-Mûnene nîagaatûma ciana ituîke anene ao, na atûme ngenge imathage.

Isaia 5:13

Kwoguo nîngaavira andû akwa îthamîriorî nîûndû wa kwaga ûmenyo. Atongoria ao nîmagaakua nî yûra, na andû eengî nîmagaakua nî nyonda.

Isaia 9:15

Athuuri na andû arîa ave gîtîîo nîo ciongo, nao arathi arîa mathomithanagia maûndû ma maveeni nîo mîkia.

Gûco 1:15

Kwoguo nînoocire andû acio mwathuurîte aûgî na mecîkene kuuma mîvîrîgarî yenyu, na ngîmatua atongoria enyu. Amwe naamatuire atongoria a andû makiri, amwe atongoria a andû magana, na engî atongoria a ikundi cia andû mîrongo îtano na engî atongoria a makûmi ma andû. Na nînathuurire atongoria engî mîvîrîgarî yonthe yenyu.

Atir 8:18

Gideoni nîwacokire akîûria Zeba na Zalimuna atîrî, “Nao andû arîa mwaûragire Taboru marî kû?” Nao Zaba na Zalimuna nîmaacokirie atîrî, “Maavaneene nawe. Wa ûmwe wa ciao aavaana ta mûvîcî wa mûthamaki.”

1Sam 8:12

Amwe ao nîakaamatua athani a athigari ngiri îmwe, nao engî amatue athani a athigari mîrongo îtano. Nao arîa engî nîakaamatua arîmi a mîgûnda yake, magîkethaga maketha make. Nî gûkethîrwa kûrî na anake engî arîa makethîrwa marî a kûthondekagîra mûthamaki indo ciake cia mbaara, na cia ikaari ciake cia mbaara.