Isaia 3:12 - ÎVUKU RÎA ÛVORO MWARO

¹² Andû akwa makaavinyagîrîrua nî ciana na aka mamathage. Mue andû akwa, atongoria enyu nî maramûvîtithia, makamwagagia nîguo mûvîtie njîra îrîa mûkûthiîra.

Isaia 3:12 ပူးပေါင်းရင်းမြစ်များ

2Atha 11:1

Rîrîa mûthamaki mûndûmûka Athalia, ng'ina wa Ahazia aamenyire atî mûvîcî nîwaûragwa, nîwathanire andû onthe a nyomba ya mûthamaki maûragwe.

Ayubu 30:13

Andû acio nîmavingîte njîra yakwa, na mageragia ûrîa nîngînyitwa nî mûthiro nthire viû, na nîmaicî gûtirî mûndû ûngîndethia.

Nthi 28:16

Mûthamaki ûtarî na ûûgî nîavinyagîrîria andû, nwatî ûrîa ûthûrîte indo cia ungumania athanaga kavinda karaca.

Mûvunjia 10:16

We vûrûri ûrî na mûthamaki mûndû mwîthî kaî ûrî na thîna-î, na atongoria aku makûngûagîra kîrugo kîraûko!

Isaia 19:14

Ngai-Mûnene nîatûmîte mavecane mataaro mavîngîcanu, nîmatûmîte andû a Misiri magaage mawîrarî mao monthe, na magatûgûga ta ûrîa mûrîu atûgûgaga agîtavîkaga.

Isaia 3:4

Ngai-Mûnene nîagaatûma ciana ituîke anene ao, na atûme ngenge imathage.

Isaia 51:22

Mwathani Ngai-Mûnene Ngai waku, ûrîa ûtetagîra andû ake arauga atîrî: “Taroria nîngûthengutîrîtie gîkombe Kîam gûgûtûgûgithia, ngakûthengutîria mbakûri ya marakara makwa, ndûgaacoka kûmînyuîra rîngî.

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Mika 3:5

Ûvororî wîgiî arathi arîa mavîtithagia andû akwa; arathi arîa marathaga thayû rîrîa mavewa kîndû, nwatî makamarathîra mbaara rîrîa matavetwe kîndû.” Ngai-Mûnene arauga atîrî,

Nahumu 3:13

Taroria athigari aku, marî guoya ta aka, naguo vûrûri waku wîkarîte ûtarî na ûgitîri mbere ya nthû ciaku. Mwaki nîûvîvîtie ûgitîri wenyu viû.

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [