Isaia 29:9 - ÎVUKU RÎA ÛVORO MWARO

⁹ Îritieni na mûtuîke irimû! Vingani metho na mûtuîke ndumumu! Rîwani, nwatî mûtikarîwe nî ndivei; tûgûganani, nwatî mûtigatûgûgithue nî njovi ndûrû!

Isaia 29:9 ပူးပေါင်းရင်းမြစ်များ

Isaia 1:2

Ngai-Mûnene arauga atîrî, “Mue îgûrû tathikîrîriani, namue nthî tegani matû; ciana ciakwa irîa nderete na igakûra, rîu nîindiganîrîtie.

Isaia 19:14

Ngai-Mûnene nîatûmîte mavecane mataaro mavîngîcanu, nîmatûmîte andû a Misiri magaage mawîrarî mao monthe, na magatûgûga ta ûrîa mûrîu atûgûgaga agîtavîkaga.

Isaia 29:1

Ûûi Arieli, Arieli, we îtûûra rîrîa Daudi aambîte magema make! Mwaka ûkaga na ûkavîtûka, na irugo ikûngûîrwe mîaka yonthe.

Isaia 29:10

Nîûndû Ngai-Mûnene nîatûmîte mûnyitwe nî toro na mûmame toro ndito; nîavingîte metho menyu mue arathi, na nîakunîkîte ciongo cienyu, mue oni a maûndû.

Isaia 49:26

Nîngaatûma arîa mamûvinyagîrîria marîe nyama ciao o ene, na marîwe nî nthakame yao o ene ta ndivei. Andû onthe nîmakaamenya atî Nie Ngai-Mûnene, nînie Mûvonokia waku, nînie Mûkûri waku, Ûrîa ûrî Vinya wa Jakovu.”

Isaia 51:17

Ûkîra, ûkîra, rûngama, we Jerusalemu! We ûnyuithîtue nî Ngai-Mûnene gîkombe Kîam marakara make, we ûkînyuîte nginya wakîthiria, wanyinyûkîrîrie mbakûri na îgîtûma ûtûgûge.

Isaia 56:10

Atongoria ao onthe nî atumumu, onthe matirî na ûmenyo; onthe mekariî ta ngui irîa itagambaga, itingîkûûma; nwakwa marotaga mamamîte nthî, mendete mûno kûgocerera!

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Isaia 63:6

Nînakinyangire andû a ndûrîrî nîrî na marakara, ngîtûma manyue mang'ûrîka makwa nginya makîrîwa, na ngîtûrûra nthakame yao nthî.”

Jeremia 13:13

Nîûgacoka ûmeere atî, Ngai-Mûnene arauga nîagaatûma andû a vûrûri ûyû marîwe nî ndivei, athamaki onthe arîa maatuîkire athani vandûrî va Daudi, athînjîri-Ngai, arathi na atûûri onthe a Jerusalemu.

Jeremia 2:12

Mue îgûrû tamakuani nî ûndû ûyû, îtigîreni na mûvavûke mûno, ûguo nîguo nie Ngai-Mûnene nîrauga.

Jeremia 23:9

Ûvoro wîgiî arathi acio nie nîregua nthînîkîte ngororî, mavîndî makwa monthe nîmarainaina, mbîkariî ta mûrîu, ta mûndû mûvote nî ndivei, nîûndû wa Ngai-Mûnene, na nîûndû wa ciugo ciake ntheru.

Jeremia 25:27

Ngai-Mûnene nîwacokire akîmbîra atîrî, “Îra andû atî nie, Ngai-Mûnene, mwene vinya wonthe, Ngai wa Isiraeli nîramera manyue marîwe na matavîke, magwe na maremwe nî gûkîra nîûndû wa mbaara îrîa ngûtûma îgîe gatagatîrî kao.

Jeremia 4:9

Ngai-Mûnene arauga atîrî, “Mûthenya ûcio athamaki na anene nîmakaathirwa nî vinya na athînjîri-Ngai nîmakaamaka nao arathi mavavûke.”

Jeremia 51:7

Babuloni yekariî ta gîkombe Kîam thaavu, kîrî njararî cia Ngai-Mûnene, gîatûmaga nthî yonthe îrîwe; mavûrûri maanyunyaga ndivei kuuma kûrî kîo makauma ngoma.

Maca 4:21

Kena na ûcanjamûke we mwarî wa Edomu, wana mue mûtûûraga Uzi kenani, nwatî îvinda rîenyu rîa mathîna nîrîgûkinya, mûkathiîcaga mûgîtûgûgaga na mûrî njaga.

Habakuku 1:5

Ngai-Mûnene arauga atîrî, “Taroria ndûrîrî irîa ikûrigicîrîtie wone, na nîûkûmaka na ûvavûke. Nîûndû nîngwîka ûndû wa ûrî mwoyo, ûndû ûtagetîkia rîrîa ûkerwa guo.

Mathaayo 26:45

Ke nîwacokire rîngî varîa arutwa maarî, na akîmeera atîrî, “Anga nginya rîu mûrî toro mûvurûkîte? Ta roriani! Îvinda nîrîakinya na Mûrû wa Mûndû nîakûnenganîrwa kûrî evia.

Maariko 14:41

Na rîrîa aathiîre varîa maarî riita rîa kathatû, nîwamerire atîrî, “Anga nginya rîu mûrî toro mûvurûkîte? Nî îthirîre vau! Îvinda nîrîakinya na Mûrû wa Mûndû nîakûnenganîrwa kûrî evia.

Kûguû 17:6

Nanie nînoonire atî mûndûmûka ûcio aarî mûrîu nîûndû wa kûnyua nthakame ya andû arîa atheru a Ngai. Andû acio maaûragirwe nîûndû maarî evokeku kûrî Jesû. Rîrîa namwonire nînamakire mûno.