Isaia 29:3 - ÎVUKU RÎA ÛVORO MWARO

³ Nie nîngaamûcîgîrîria, nîmûcîgîrîrie na nyomba ndaca na nîmûtharîkîre.

Isaia 29:3 ပူးပေါင်းရင်းမြစ်များ

2Atha 18:17

Mûthamaki wa Asîria nîwatûmire athigari eengî a mbaara kuuma Lakishi mathiî makatharîkîre Hezekia kûu Jerusalemu, matongoretue nî anene athatû. Rîrîa maakinyire Jerusalemu, nîmeekarire vakuvî na mûtaro ûrîa ûvîtûkagia manjî kuuma kariarî ka mwena wa rûgûrû varavara nene îrîa yerekerete kûrîa nguo itumagîrwa.

2Atha 19:32

“Kwoguo Ngai-Mûnene augîte atîrî ûvoro wîgiî mûthamaki wa Asîria, ‘Ndagaatonya îtûûrarî rîîrî kana aikie mûguî wanarî ûmwe kuo, kana athigari marîkuvîvîrie marî na ngo, kana marîthiûrûrûkîrie.

Isaia 1:8

Îtûûra rîa Zayuni rîtigîtwe rîrî rîonga, ta kanyomba ka mûrangîri karî mûgûndarî wa mîthavibu, kana kanyomba karî mûgûndarî wa marenge, ta îtûûra rîrî rîrigicîrie.

Ezek 21:22

Njararî yake ya ûrîo, gûgaaûka woni wa Jerusalemu. Woni ûcio ûkaamwonia aigithia mîgogo mînene, augîrîrie na mûgambo wa mbaara, aigithie mîgogo mîtungu ya kwomomora ivingo cia Jerusalemu. Nîagetûrûrithia ivumbu nene cia mûthetu ithiûrûrûkîrîtie îtûûra na atume nthingo ndaca na îgûrû cia kûrîrigicîria.

Mathaayo 22:7

Nake mûthamaki nîwarakarire. Kwoguo nîwatûmire athigari ake makaûrage aûragani acio, na mavîvie îtûûra rîao.

Gûco 20:20

Nwatî nwa mûteme mîtî îrîa îtarîcagwa nîguo mûtume nayo rûthingo rwa kûthiûrûkîria îtûûra rîu nginya rîrîa mûkaarîvoota.