Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaia 28:7 - ÎVUKU RÎA ÛVORO MWARO

7 Arathi na athînjîri-Ngai wanao nî arîe nî ndivei, nîmaratûgûgana nîûndû wa kûrîwa nî njovi ndûrû. Nîavîngîcîku nîûndû wa kûrîwa nî njovi ndûrû, nîavîngîce nî ndivei makaremwa nî kwona cioneki, nîmavîngagwa magîtua ciira.

အခန်းကိုကြည့်ပါ။ ကော်ပီ




Isaia 28:7
33 ပူးပေါင်းရင်းမြစ်များ  

Maavîngirwe na magîtûgûgana ta mîrîu, na makîthirîrwa nî wara wa gwîtethia naguo.


Ndivei îretage înegene na njovi ndûrû îretage ngucanio, na mûndû ûrîa ûinyunyaga nî kîrimû.


Nî arîa matindaga makînyua ndivei, arîa mathiîcaga magîcamaga ndivei cia mîthemba yonthe.


Gûkena nîwe vûrûri ûrî mûthamaki mûve gîtîîo, na atongoria aku makûngûagîra kîrugo vîndî îrîa mbagîrîru, nîguo magîe vinya nwatî tî ûndû wa ûrîu.


Ngai-Mûnene nîatûmîte mavecane mataaro mavîngîcanu, nîmatûmîte andû a Misiri magaage mawîrarî mao monthe, na magatûgûga ta ûrîa mûrîu atûgûgaga agîtavîkaga.


Vandû va ûguo, mwakenire na mûgîkûngûîra, nîmwathînjire ndegwa na ng'ondu, mûkîrîa nyama na mûkînyua ndivei. Nîmwaugire atîrî, “Tiga tûrîe na tûnyue, nîûndû rûyû nîtûgaakua.”


Andû onthe nîmakaanyitwa nî maûndû mau: ûrîa gûgekara kûrî andû arîa engî, nwaguo gûgekara kûrî athînjîri-Ngai; kûrî ngombo, na kûrî mûmîathi; kûrî ndungata ya mwîrîtu, na kûrî mûndûmûka mûmîathi; kûrî mûgûri wa indo, na kûrî mwendia wa indo; kûrî mûvecani, na kûrî mûvewa; kûrî mûkovi wa kîndû, na kûrî mûkovithania.


Nthî îratûgûgana ta mûrîu wa njovi, îrainaina ta îgema. Mevia mayo nîmamîritûvîrîte mûno; îkagwa na ndîkaarûngama rîngî.


Kaî andû a Efiraimu arîa mîrîu marî na thîna-î, ûthaka wa riiri wao ûrathira ta ûrîa yûa rîvovaga, ûthaka wao ûrîa ûvana ta maûa maravova maigîrîrîtwe ciongorî cia atongoria acio marîtwe nî ndivei.


Kwoguo kûrî mue, cioneki ino cionthe ciîkariî ta ciugo ciandîkîtwe îvukuurî, rîkînavingwa na rîkînavûrwa mûvûûri. Ûngînengera mûndû ûngîvota kûthoma na ûmwîre atîrî, “Ta nthomera ava,” nake akauga atîrî, “Ndingîvota, nîûndû nî kîvinge na gîkavûrwa mûvûûri.”


Andû akwa makaavinyagîrîrua nî ciana na aka mamathage. Mue andû akwa, atongoria enyu nî maramûvîtithia, makamwagagia nîguo mûvîtie njîra îrîa mûkûthiîra.


Îthe waku wa mbere nîwevirie; nao arîa maakwaragîrîria nîmaareganire nanie.


Kaî marî na thîna-î! Arîa maramûkaga kîraûko tene, nîguo mathiî makanyue ndivei; arîa matukagîrwa makînyua ndivei, nginya rîrîa makaarîwa nîyo.


Mue arîa mwatuîkîte tûnavû twa ndivei kaî mûrî na thîna-î! njorua cia kûnyua mîthemba mwanyamwanya ya njovi.


Arîa mavakagwa nîguo marekererie arîa marî na mavîtia, na makaima arîa athingu kîvooto Kîamo.


Nake Ngai-Mûnene nîwanjokerie atîrî, “Arathi maratûmîra rîîtwa rîakwa kwaria maveeni; nie ndianamatûma kana nîmatha, wana kana mbaria nao. Maramûrathîra cioneki cia maveeni, woni ûtarî na vata na maûndû marîa mecirîtie o ene.


Gatagatîrî ka arathi a Samaria, nîmonete ûndû ûtarî mwaro; maarathaga na rîîtwa rîa Baali, na makîvîtithia andû akwa a Isiraeli.


Ngai-Mûnene nîwerire andû a Jerusalemu atîrî, “Mûtikathikagîrîrie arathi arîa mamûrathagîra, makîmûvecaga ciîrîgîrîro itavingaga, maragia ûvoro wa cioneki cia gwîciirîria na tî maûndû marîa nîmerîte maarie.


Nîwatungire ûta atwerekeretie ta tûrî nthû, nîwaûragire arîa onthe twendete na maatûkenagia. Arî îgemarî rîa mwarî wa Zayuni, nîatwîtîrîrîtie marakara make ta mwaki.


Mûtirona cioneki icio cienyu tî cia ma, na ûrathi ûcio wenyu nîwa maveeni. Mugaga atî nî Ngai-Mûnene ugîte, nwatî nie ndiarîtie!”


Athînjîri-Ngai matikanyue ndivei magîtonya kîvarorî Kîam ndarî.


Mûthenya wa gûkûngûîra mûthamaki, atongoria ake manyuire ndivei makîrîwa na makîrita, nake mûthamaki akînyitanîra na andû arîa mamûnyûrûragia.


Ethîrwa mûndû nwa athiî akîaragia maveeni, akiugaga atî, ‘Nîmûrathagîra atî ndivei na njovi nîciîthîrwa irî nyîngî,’ mûvunjia ta ûcio nîke andû aya mangîenda.


Kaî wî na thîna-î! We ûtûmaga andû arîa mûriganîtie nao manyuîre gîkombe Kîam marakara maku, na ûgatûma marîwe nîguo ûvote kwona njaga yao.


Ûgecûrwa nî guoya vandû va gîtîîo. We mwene nîûkaanyua na ûtûgûgane! Ngai-Mûnene ke mwene nîagaatûma ûrîwe, na nthoni nîigaakunîka gîtîîo gîaku.


“Na warîo vuva wa vîndî îo ya mathîna, riûa nîrîgaatuîka nduma, mweri ûtige kwara, njata igwe nthî kuuma îgûrû, na maavinya marîa marî îgûrû mainainue.


“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,


Mûthuuri agîrîrwe nî kwendaga mûka wake wa ta ûrîa endete mwîrî wake. Mûndû ûrîa wendete mûka nîke wîyendete.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ