Isaia 28:5 - ÎVUKU RÎA ÛVORO MWARO

⁵ Mûthenya ûcio, Ngai-Mûnene mwene vinya wonthe nîke ûkethîrwa arî nthûmbî ya riiri, na arî nthûmbî ya ûthaka kûrî andû ake arîa magaatigara marî mwoyo.

Isaia 28:5 ပူးပေါင်းရင်းမြစ်များ

Ayubu 29:14

Nekagîra ûthingu ta nguo, kwonania kîvooto kwarî ta gwîkîra nguo ndaca na gwîkîra kîremba.

Isaia 11:16

Nîgûkaagîa na njîra nene yumîte Asîria, nîûndû wa andû ake arîa maatigarire kuo, wata ûrîa gwekîkire kûrî andû a Isiraeli rîrîa maaumaga Misiri.

Isaia 24:16

Nîtûregua nyîmbo cia gûkumia Ngai ûrîa mûthingu, ikinwa kuuma mîthiia ya nthî. Nwatî ngoro yakwa nî ndito nî kîeva, nama, ngoro yakwa nî ndito! Ndirî na kîîrîgîrîro! Andû arîa acukanîrîri mekaga maûndû ma ûcukanîrîri, na ûcukanîrîri ûthiîte na mbere kwongerereka.

Isaia 4:3

Arîa onthe magaatigara marî mwoyo îtûûrarî rîa Jerusalemu, arîa magaatigara kûu Zayuni nîmagetwa, “Atheru.” Acio nî arîa onthe marîîtwa mao makethîrwa mandîkîtwe nîguo matûûre kûu Jerusalemu.

Isaia 41:16

Mûkaavuva irîma icio naruo rûkûngi rûigûrûkie kûndû kûraca, naruo rûkûngi rûnene rûinyaganie. Namue nîmûgaakena nîûndû wa Ngai-Mûnene, na mûkumie Ûrîa Mûtheru wa Isiraeli.

Isaia 45:25

Nie Ngai-Mûnene nîngaatethûra njiarwa cionthe cia Isiraeli, na nîikaavootana.

Isaia 60:19

“Riûa rîtigacoka rîngî gûkûmûrîkîra mûthenya, wana kana mweri ûcoka gûkûmûrîkîra mathaa ma ûtukû, nwatî nie Ngai-Mûnene nînie ngaatuîka ûtheri waku wa tene na tene, naguo riiri wakwa ûkûmûrîkagîre.

Isaia 62:3

Nîûgaatuîka nthûmbî nthaka ya Ngai-Mûnene, na kîraûni Kîam ûthamaki Kîam Ngai waku.

Ezek 16:12

na ngîgwîkîra gîcûvî îniûrû na mindo matû, na ngîgwîkîra ngovia mbaro mûno kîongo.

Zakaria 12:5

Nacio mbarî cia Juda nîikeranaga atî ‘Andû a Jerusalemu mavecagwa vinya nî Ngai-Mûnene mwene vinya wonthe, Ngai wao.’

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

2Akor 4:17

Naguo thîna ûyû tûrî naguo nî mûnini na tî wa gûtûûra. Nwatî nîûgaatûma tûgîe na riiri wa tene na tene na mwîngî makîria ya thîna ûcio.

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.